Popular Bible Verses from João 17

Share

Mĩ hãtxa txanima kayabiki. Ha txanima hãtxawẽ mĩ meribiki. Mĩ hãtxa haskawẽ taeshũ hatu meribi wawe, habũ mĩ hãtxa txanima txibãshanaiburã.

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

Na ẽ haibuaibu besti xinãkĩ habukiri besti ẽ mia yukashunamaki. Hakia habũ hatũ hãtxa kakape nĩkatã ea ikũwãshanaiburi ẽ mia hatu yukashunaii, mĩ haburi mekekubaĩshanunã. Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

Habiaskabiakẽ: “Ikũwãbuma anua hatu dapashkamabaĩwẽ”, iwanã, ẽ mia yukamaki. Hakia hau diabo Satanásã hatu parãyamashanũ hatu nemashũkĩ mekeshãwẽ.

Haska mia inũ ea dasinishũ nũ habiaskas xinãmis keska wakĩ enabu habiaskari mĩ hatu xinãmashanũ, iwanã, mĩ kuxipa mĩ ea yununi ẽ ma hatu yunuaki. Mia inũ ea nũ dasinikẽ habuberi ẽ dasiaya habu yura bestitxai keska hau ishanũbũ ẽ mia hatu yukashunaii. Haskaibu mai hirabi anuabũ hatu uĩkĩ mĩ ea yununi inũ haska wakĩ mĩ ea abumis haburi mĩ aburiairã, habũ unãtirubuki— iwanã