Medhetethi 30
30
1Raheela Yayqoobas nayta yelonnaysa be7ada ba michiw qanaatasu. Hessa gisho, Yayqooba, “Taw na7a imma, ixiko taani hayqana” yaagasu.
2Yayqoobi Raheelo hanqetidi, “Tana new yelo immanaw woyko digganaw Xoosse gadiyee?” yaagis.
3Iya, “Ta gadhindiw Baalo hinno be7a. Iya ta gisho yelana mela neeni iira aqa, yaaniko, taani I baggara na7a demmana” yaagasu. 4Ba gadhindiw Baalo macho oothidi ekana mela iyaw immasu. 5Baala qanthatada adde na7a Yayqoobas yelasu. 6Yaatin Raheela, “Xoossay taw pirdis, ta woosaka si7idi taw adde na7a immis” yaagada he na7a Daane#30:6: Ha suntha birshethay Ibraawetho doonan “Pirdis” guussu. gada sunthasu.
7Raheeli gadhindiya Baala qanthatada Yayqoobas nam7antho adde na7a yelasu. 8Raheela, “Taani ta michera wolqaama baaxe baaxetada xoonas” yaagada he na7a Niftaaleme#30:8: Niftaaleme geetetiya suntha birshethay “Baaxe” guussu. gada sunthasu.
9Liya yelo eqidaysa be7ada, ba gadhindiya Zalafa Yayqoobas macho oothada immasu. 10Liya gadhindiya Zalafa adde na7a Yayqoobas yelasu. 11Liya, “La haysi aybi lo77o qaade!” yaagada, he na7a Gaade#30:11: Gaade guussay “Lo77o qaada” guussu. sunthasu.
12Liya gadhindiya Zalafa Yayqoobas nam7antho adde na7a yelasu. 13Liya, “Tana daro ufaysees; maccasi ubbay tana ufaytiyaro gaana” gada he na7a Aseera#30:13: Aseera geetetiya suntha birshethay “Ufaysi” guussu. gada sunthasu.
14Giste cakiya ageenan Robeeli gade bidi inkoya mitha ayfe demmidi ba aaye Liyas ekidi yis. Raheela Liyako, “Ne na7ay ehida enkoya mitha ayfiyape taw imma” yaagasu.
15Shin Liya, “Ta azinaa neeni wolqan ekidaysi gidonna ixin ha7i qassi ta na7a inkoya mitha ayfiya ekanee?” yaagasu.
Raheela, “Ne na7a inkoya ayfiya taw immiko, Yayqoobi hachi qamma neera aqo” yaagasu.
16He gallas omarsi Yayqoobi bazzofe yaa wode Liya iya mokanaw keyada, “Neeni taara aqanaw koshshees; taani ta na7a inkoya ayfiyan nena shammas” yaagasu. Hessa gisho, I he qamma iira aqis.
17Xoossay Liya woosa si7is. Iya qanthatada ichashantho adde na7a Yayqoobas yelasu. 18Liya, “Taani ta aylliw ta azinas immida gisho, Xoossay hessa taw qanxis” yaagada he na7a Yisakoora#30:18: Yisakoora geetetiya suntha birshethay “Damooze” woyko “Woyto” guussu. gada sunthasu.
19Liya hara qanthatada usupuntho adde na7a Yayqoobas yelasu. 20Liya, “Xoossi taw al7o imota immis. Taani ta azinaas usupun adde nayta yelida gisho, ha7i I tana bonchana” yaagada he na7a Zabloona#30:20: Ha suntha birshethay “Boncho” guussu. gada sunthasu. 21Hessafe guye, issi macca na7a yelasu, iyo Diina gada sunthasu.
22Xoossay Raheelo qopis. I woosa si7idi I yelo uluwa dooyis. 23Iya qanthatada adde na7a yelasu; “Xoossay ta yeella qaaris. 24Goday taw hara adde na7aka gujo” yaagada he na7a Yoosefa#30:24: Ha suntha birshethay “Taw gujo” woyko “Taape qaaris” guussu. gada sunthasu.
Yayqoobanne Laaba
25Raheela Yoosefa yelidaape guye, Yayqoobi, “Taani ta aawa biitta simmada bana tana moyza. 26Taani enta gisho new oothida ta macceetanne ta nayta imma. Taani baana, taani new ay mela ooso oothidaako neeni eraasa” yaagis.
27Shin Laabi iyako, “Taani new issiba odayis, Goday ne gaason tana anjidaysa taani ta Xoossafe eras. 28Ne damooziya taw oda, taani new qanxana” yaagis.
29Yayqoobi, “Taani new waata oothidaako, ne mehetika waani yeletidaako neeni eraasa. 30Taani yaanape kase new de7iya guuthay ha7i loythi daris. Goday nena taani aadhida bessa ubban anjis. Shin ha7i, taani ta soo asaas oothana wode” yaagis.
31Laabi, “Yaatin taani new ay immo?” yaagidi iya oychis.
Yayqoobi, “Taw aykoka immofa, neeni taw issiba oothana gidiko, taani ne wudiya ha7ika heemmananne naagana. 32Taani hachi ne wude ubbaa giddora aadhana. Hessan ne dorsatape wancuwa woyko gazza, kareetha marazeta ubbaa, deeshape gazzanne wanco ubbaa taani shaakana, enti ta damooze gido. 33Hessa gisho, ta xillotethay ne taw qanxida damooziya be7anaw yaa wode taw markatana. Ta deeshape gazza woyko puncare gidonabay woyko kareethi gidonna ay dorsati ta matan bentiko, kaysotetidaada tayba” yaagis.
34Laabi, “Ero, neeni gidaysada gido” yaagis. 35Shin he gallasan Laabi kalaade woyko gazza gidida kole ubba, wanco woyko gazza gidida macca deesha ubba, bootha wanco deeshatanne kareetha wanco dorsata ubba kessidi ba adde nayta heenthis. 36Yaatidi he wudiya heedzu gallasa ogiya Yayqoobape haassidi efis. Shin Yayqoobi attida Laaba wudiya heemmis.
37Yayqoobi ongafirepe, bar7efenne lawuze mithafe xam7a kessidi, poquwa poqidi giddo bootha bagga qaaridi shiloyis. 38Wudey haathe uyanaw yaa wode gongen wudiya sinthan poqida xam7a wothis. Biraysi keydaysati haathe uyanaw yidi, 39he xam7ata sinthan biraysetosona. He biraysidaysati kalaade, wanconne gazza marata yelidosona. 40Yayqoobi deesha maratanne dorsa wudiyape shaakidi dumma wothis. Attida wudiya kalaadenne kareethi gidiya Laaba mehiyako zaaridi essis. Yaatidi Laaba wudiyara gathonna ba wudiya dummayidi darsis.
41Wudiyape gooba maccati biraysas keyiya wode he xam7ata matan biraysetana mela Yayqoobi he xam7ata haatha gongen meheta sinthan wothees. 42Shin meheti laafa gidiko enta sinthan xam7a wothenna. Hessa gisho, laafa meheti Laababa gidin goobati Yayqoobaba gididosona. 43Hessada oothidi Yayqoobi daro duretidi, daro wudiya, macca aylletanne adde aylleta, daro gimaletanne hareta haaris.
The Word for the World International and The Word for the World Ethiopia
