SENESI 10
10
Hakoga o te u foha o Noe
1Koeni te hakoga o te u foha o Noe: ko Semi, mo Kami, mo Safeti. Nee tupu leva kia natou ni foha i te osi o te lomaki.
2Ko te u foha o Safeti: ko Komele, mo Makoke, mo Matai, mo Savani, mo Tupale, mo Meseke, mo Tilasi. 3Ko te u foha o Komele: ko Asekenase, mo Lifate, mo Tokalama. 4Ko te u foha o Savani: ko Eliseka, mo Talasisi, mo Kitimi, mo Totanimi. 5Ko natou aia ae nee natou fakahahai te u matatai o te u puleaga o mulimuli ki onatou kele, mo anatou lea, mo onatou famili pea mo onatou puleaga.
6Ko te u foha o Kami: ko Kusi, mo Misilaimi, mo Puti, mo Kanaane. 7Ko te u foha o Kusi: ko Sapa, mo Avila, mo Sapita, mo Laema, mo Sapeteka. Ko te u foha o Laema: ko Sepa mo Tetane. 8Nee fakatupu leva e Kusi ia Nimelote; Ko ia aia nee ina kamata leva te pule i te kele. 9Nee liliu leva ia ia ko he tagata kapu manu lahi ia mua o te Eteleno; koia ae e ui ai: Tagata kapu manu lahi ia mua o te Eteleno o hage ko Nimelote. 10Nee uluaki hau leva ia ia i Papele, mo Eleki, mo Akati pea mo Kalene, i te fenua ko Sinea. 11Nee hau leva ia Asule mai te fenua aia. Nee ina fakatuu leva ia Ninive, mo Leopoti-Ile, mo Kela, 12pea mo Lesene i te vaha o Ninive mo te kolo lahi ko Kela. 13Nee fakatupu leva e Misilaimi te kau Lutime, mo te kau Anamime, mo te kau Lehapime, mo te kau Nafetuimi, 14mo te kau Patulusimi, mo te kau Kaseluimi, ae nee tupu leva mai ai te kau Kafetolimi mo te kau Filisitini. 15Nee fakatupu leva e Kanaane ia Sitone, ko tana uluaki, mo Eti; 16mo te kau Sepusi, mo te kau Amole, mo te kau Kilikasi, 17mo te kau Evi, mo te kau Aleki, mo te kau Simi, 18mo te kau Alevate, mo te kau Tesemale mo te kau Hamate. Pea nee mavetevete leva te u famili o te kau Kanaane. 19Nee alu leva te u tuakoi o Kanaane i Sitone, i te fahai o Kela, o kaku ki Kasa, pea nee natou hoko atu leva i ai ki Sotoma mo Komola, ki Atema mo Sepoimi, o kaku ki Lesa. 20Ko te u foha aia o Kami, o mulimuli ki onatou famili mo anatou lea, mo onatou fenua, pea mo onatou puleaga.
21Nee tupu foki ni foha kia Semi, ko te tehina mua o Safeti. Ko te tamai aia o te u foha fuli o Epele. 22Ko te u foha o Semi: ko Elame, mo Asule, mo Alepakesate, mo Luto, mo Alame. 23Ko te u foha o Alame: ko Usi, mo Uli, mo Ketele, mo Masi. 24Nee fakatupu leva e Alepakesate ia Selake; pea nee fakatupu leva e Selake ia Epele. 25Nee tupu leva kia Epele te u foha e lua: nee higoa leva te tahi ko Peleke, koteuhi nee mavetevete leva te kele i tona temi, pea nee higoa leva tona tehina ko Sokitane. 26Nee fakatupu leva e Sokitane ia Alimotate, mo Selefi, mo Asalemaveti mo Selake, 27mo Atolame, mo Usale, mo Tikala, 28mo Opale, mo Apimaele, mo Sepa, 29mo Ofile, mo Avila, mo Sopape. Ko te u foha fuli aia o Sokitane. 30Nee natou nonofo leva i te vaha o Mesa mo te mouga o Sefa i te potu esite. 31Ko te u foha aia o Semi, o mulimuli ki onatou hologa, mo anatou lea, mo onatou fenua, mo onatou puleaga.
32Ko te u famili aia o te u foha o Noe, o mulimuli ki onatou taitupu mo onatou puleaga. Pea ko natou aia ae nee natou fakatupu leva te u puleaga ae nee natou fakahahai ai te kele i te osi o te lomaki.
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
