PIENCILNA 10
10
Noah Panin Minamte Pieng
(1Khg 1:5-27)
1Tam teng pen Noah’ tapate ahi Shem, Ham, le Japheth-te’ suonlehlahte ahi hi; tuizin a tun zaw ciengin amate in tapate a nei uhi.
2Japheth’ suonlehlahte: Gomer, Magog, Madai, Javan, Tubal, Meshech, le Tiras ahi hi. 3Gomer’ suonlehlahte: Ashkenaz, Riphath, le Togarmah ahi hi. 4Javan’ suonlehlahte: Elishah, Tarshish, Kittim, le Rodanim ahi hi.#10:4 Heb Mss Sam Gk 1Khgn 1:7 ah en in: MT in “Dodanim” ci-in giel hi. 5Tam teng panin tuipi gei-a teng mite a kizel uhi. Tam teng pen Japheth’#10:5 Tang 20, 31 tawh a kitekah ahi hi. Heb ah “Tam teng pen Japheth’ suonlehlahte ahi hi,” ci om lo hi. suonlehlahte ahi vua, amau’ gam sungah amau’ kamham ciet zangin, a innkuon kuonun amau’ ci le namte lahah a teng uhi.
6Ham’ suonlehlahte: Cush, Egypt, Put, le Canaan ahi hi. 7Cush’ suonlehlahte: Seba, Havilah, Sabtah, Raamah, le Sabteca ahi hi. Raamah’ suonlehlahte: Sheba le Dedan ahi hi. 8Cush pen Nimrod’ pa hi a, leitungah a thahat galhang masa pen ahi hi. 9Topa mai-ah ama pen mi thahat sabengpa khat ahi hi; tua ahi ziehin ama pen, “ Topa mai-ah Nimrod bangin mi thahat sabeng pa,” na kici hi. 10A kumpi gam kipatna Babel, Erech, le Accad ahi a, tam teng zosie Shinar gam sungah a om hi. 11Tua gam panin Assyria gam sungah pei-in Nineveh, Rehoboth-ir, Calah, 12Nineveh le Calah kikalah Resen khuopite a sat hi; Calah pen khuopi lien ahi hi. 13Egypt pen Lud-te, Anam-te, Lehab-te, Naphtuh-te, 14Pathru-te, Casluh mite#10:14 Cn: Heb in “Casluhim, tua panin Philistia-te le Caphtor-te pieng hi” ci hi. le Caphtor-te’ pienna pupi hi a, tuate panin Philistia-te pieng hi.
15Canaan pen a ta masa Sidon le Heth’ pa ahi a, 16Jebus-te, Amor-te, Girgash-te, 17Hiv-te, Arki-te, Sin-te, 18Arvad-te, Zemari-te le Hamath-te’ pienna pupi ahi a, tam teng nua-ah Canaan-te a kithezah uhi. 19Canaan-te’ gam in Sidon panin Gerar lam muhin Gaza cieng dong ban a, Sodom lam panin Gomorrah, Admah, Zeboiim, le Lasha cieng dong ban hi. 20Tam teng pen amau’ innkuon, amau’ kamham, amau’ leitang le amau’ minamin Ham’ suonlehlahte ahi uhi.
21Eber mi zosie pienna pupi, Japheth’ upa, Shem sung panin zong tate a pieng hi. 22Shem’ suonlehlahte: Elam, Asshur, Arpachshad, Lud, le Aram ahi hi. 23Aram’ suonlehlahte: Uz, Hul, Gether, le Mash ahi hi. 24Arpachshad in tapa Shelah nei hi; Shelah in Eber tapa khat ma nei hi. 25Eber in tapa ni nei a, a masa pen Peleg#10:25 “Khenna” a cina ahi hi. kici-a, ama hun sungin a gam kiphalsuo ahi ziehin a naupa’ min pen Joktan ahisah hi. 26Joktan pen Almodad, Sheleph, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ophir, Havilah, le Jobab-te’ pienna pa ahi hi. Tam teng zosie pen Joktan’ suonlehlahte ahi hi. 30Amau’ tenna gam pen Mesha panin Sephar lam muhin nisuona lam muoltung gam cieng dong ahi hi. 31Tam teng pen amau’ innkuon, amau’ kamham, amau’ leitang le amau’ minamin Ham’ suonlehlahte ahi uhi.
32Tam teng pen a khangsimna uh zui-a, a gam sung vuah Noah tapate’ innkuon ahi hi. Tuizin tun zaw ciengin tam teng tung panin leitungah minamte a kithezah hi.
Zo Bible © Bible Society of Myanmar, 2018.
