Mattaios 27
27
27 Ik.
1Orowa, kunneiwano an ita anak ne obitta no okai Kamui kora kenru esapane utara hemhem, utara koro ekashi utara hemhem, 2Yesu raige kuni eukoramkon nisa ruwe ne: awa, Shinuma tupetupe wa itura hine kotan shikkashima guru Pirato otta ekoshi nisa ruwe ne na.
3Orowa, Yesu ekoshi Yudas anak ne Shinuma apanakte kunip ne aesanniyo-hi nu koro, yaikota yaikokatpak wa nei shirokani wanbe e tu hotnep koro hine Kamui kora kenru esapane utara newa ekashi utara otta hoshippare, 4aine, ene itak-hi :— Katpak koro shomoki ainu ku ekoshi, awa, katpak ku ki nisa ruwe ne, sekoro itak. Koroka, otta nei utara ene ye-hi :— 5Nei ambe anak ne chikoro orushpe ne hawe? E korobe nei ambe, sekoro ye nisa ruwe ne. Orowa, shinuma Kamui kora kenru oshiketa nei shirokani tek-obosore wa oman; aige, arapa wa yairikotte nisa ruwe ne na. 6Orowa, Kamui kora kenru esapane utara nei shirokani uina hine ene itak-hi :— Tan kani anak ne kem ataye ne gusu, Kamui karauto oro omare yak anak ne ikashpaotte oterekep ne, sekoro itak. 7Orowa no nei utara ukoramkoro wa, oyak un guru tushiri oro omare gusu, nei shirokani ani sei shintoko kara guru kot toi hok nisa ruwe ne na. 8Tambe gusu, nei toi anak ne tanto pakno kem toi ani aporose ruwe ne. 9Tan orushpe gusu Israeru un utara ataye kotukka ainu atayehe, wanbe e tu hotne shirokani an ataye nei utara uina wa: 10Utarapa en kashpaotte koracki nei kani ani sei shintoko kara gusu kot toi hok nisa ruwe ne, sekoro Uweingara guru ne Yeremia orowa no aye itak ambe auweomare nisa ruwe ne na.
11Orowa, Yesu anak ne nei esapane guru kotpokita ash; awa, esapane guru Shinuma otta nu wa ene itak-hi :— Eani anak ne Yudea un utara esapane guru 12E ne ruwe he an? Orota Yesu ene itak-hi :— E ye na, sekoro itak. Orowa, Kamui kora kenru esapane utara, orowa no hemhem, ekashi utara orowa no hemhem Shinuma aeiyonupba ita, nep ne yakka ese shomoki 13nisa ruwe ne orowa, Shinuma orota pirato ene itak-hi :— Tan okai utara anak hembak poron no okaibe ani E eiyonupba-hi E nu shomoki ruwe he an? sekoro itak. 14Aige, Shinuma shine itak ani poka shomo ese nisa ruwe ne; tambe gusu esapane guru anak ne shi no enushkari nisa ruwe ne. 15Shui, marapto an ita nei esapane guru anak ne okai utara rengaine upakashnu chisei ta an shine apakashnu guru tusare buri an ruwe ne Awa, 16nei ita anak ne Barabbas ani aye assuru ash apakashnu ainu an. 17Tambe gusu, utara uwekarapa wa okai ita, orota pirato ene ye-hi :— Kuani echi otta inan guru tusare wa kore tusu ne ya? Barabbas ne ruwe? Kiristo ani aye Yesu ne ruwe he an? sekoro itak. 18Inambe gusu ne yakun, nei utara anak ne eyaitunnap gusu Yesu eiyonupba nisa ruwe ne, sekoro eraman ruwe ne gusu ne na. 19Orowa, pirato koipishi set kata a shiri an rapoketa, koro machi teshkara wa orota ene yere-hi :— Nei oupeka ainu iteki ekottanu yan, kuani anak ne tan to wendarap ku ki wa nei guru rengap gusu poron no ku yairamkoiki nisa ruwe ne gusu ne na, ari an itak ani itakte nisa ruwe ne na. 20Aige, Kamui kora kenru esapane utara anak ne ekashi utara tura no Yesu isamka wa Barabbas akore kuni-i ekoramkoro kuni ne eonishnishi nisa ruwe ne. 21Koroka, esapane guru nei utara otta ese wa ene itak-hi :— Tan tun otta inan guru ku tusare kuni echi kon rusui ya? 22Orota utara :— Barabbas, ani itak. Orowa, Pirato nei utara otta ene ye-hi :— Yakun Kiristo ani aye Yesu otta nekon a ku ki kusu ne ya? Utasa chikuni otta raige ayanro, utara obitta ye nisa ruwe ne. 23Pirato ene itak-hi :— Hemanda gusu, nep katpak aki ya? sekoro itak. Koroka, utara shi no hawe ashte wa, utasa chikuni otta raige ayanro, ari itak nisa. 24Orowa, ene akari ka isam kunak pirato eraman wa, ouse sakayo patek tane hopuni kusu ne sekoro nukara chiki, wakka uk wa, inne utara kotpokita koro tekehe furaye hine ene itak-hi :— Tan oupeka guru koro kemihi shomo ku ekottanu; echi okai utara ki yan, sekoro itak. 25Utara obitta ese wa ene itak-hi :— Shinuma koro kemihi anak ne chi okai utara chikoro sanikiri utara kashiketa aandero, ari itak. 26Orowa no, Pirato anak ne Barabbas nei utara gusu honnere; koroka, Yesu shirikik orowa utasa chikuni otta araige kuni ne otta ekoshi nisa ruwe ne na.
27Tande orowa esapane guru koro tumi-koro utara Yesu Pretorium otta ahunge, orowa, tura iki tumikoro utara obitta otta uwekarire nisa ruwe ne. 28Awa, Yesu atusare wa, fure amip araire nisa ruwe ne. 29Orowa, ai-ush-ni ani sapa umbe akara wa Shinuma sapa unu, samata, shimon teke ani rapembe shinep kishimare: orowa, kotpoketa kokkaerok wa eoyaitak hine ene ye-hi :— Yudea un utara koro esapane guru, irangarapte aki na, ari ye. 30Orowa, nei utara Shinuma kashike topse-kara, naa samata, tekehe wano rapembe etaye wa ani sapa shirikik nisa ruwe ne. 31Shui, eoyaitak okere chiki anak ne, nei fure mipihi soshpa wa, yaikota koro mipihi araire, orowa, utasa chikuni otta raige kuni gusu Shinun a itura wa paye nisa ruwe ne na.
32Orowa, soyumba chiki Simon ani an reihei koro Kairene un shine ainu anukara: awa, nei guru utasa chikuni seire kuni ne itura wa arapare nisa ruwe ne. 33Aige, Gorogota ani aye ushike orota araki chiki (nei ambe anak ne “mechakko an ushike” sekoro an ambe ne), 34tonoto newa ninge aukopoyege wa Shinuma ikure: orowa, nei ambe sapke chiki, iku shomoki nisa ruwe ne. 35Orowa, utasa chikuni otta Shinuma kungi akokikkik okere chiki, nei utara ukokonchi etaye wa koro mipihi ukousaraye. 36Aige, nei ushiketa rok wa shiure nisa ruwe ne na. 37Awa, Shinuma koro sapa kashiketa :— Tambe anak ne Yudea Moshirʼun utara esapane Yesu, ne ruwe ne, ari an itak ani nuye wa ande nisa ruwe ne. 38Orowa no, Shinuma tura tu ikka guru koro shimon tek samata shinen, hariki tek samata shinen akungi kokikkik nisa ruwe ne. 39Orowa, shirikush utara anak ne koro sapaha shuye shuye wa Shinuma esapse hine ene itak-hi :— 40Kamui kora kenru isamka wa rereko uturuta ashinno kara guru, yaikota yaikaobiuki yan: Kamui Poho E ne yak anak ne utasa chikuni orowa ran yan, ari itak. 41Shui, an no korachi Kamui kora kenru esapane utara anak ne kambi-nuye utara hene ekashi utara tura eoyaitak wa ene ye-hi :— 42Shinuma anak ne moshima utara kashiobiuki nisa, koroka, yaikota yaikaobiuki eaikapbe ne ruwe ne. Israeru un utara esapane guru ne; tane utasa chikuni orowa no ran, yak anak ne Shinuma gusu chi eishokoro ash kusu ne na. 43Kamui irenga Shinuma eyaikopashte, awa, Kamui anak ne Shinuma kon rusui chiki, tane kashiobiuki yak pirika: Kamui poho Ku ne ani ani itak ani ye nisa ruwe ne gusu ne na, sekoro nei utara ye nisa ruwe ne. 44Orowa, tura no utasa chikuni otta akungi kokikkik ikka guru ne yakka ukorachi eoyaitak nisa ruwe ne na.
45Orowa, iwan ikinne an pakihi wano shinepesan ikinne an pakihi pakno moshirʼebitta shirikunne ruwe ne. 46Orowa, shinepesan ikinne an pakihi pakita Yesu rui hau sange wa ene itak-hi :— Eri, Eri, rama sabaktani? sekoro itak. Tan itak eepaketa aye yakun, “Ku goro Kamui, ku goro Kamui, nep gusu Aokai en ande ya?” sekorʼan itak ne. 47Orowa, samaketa roshki utara tumugeta okai utara tan itak nu wa ene itak-hi :— Tan guru Ericha nishuk na, sekoro itak. 48Orowa, nani shine ainu hoyupu wa atui wata uk hine shukkakep wata oro eshikte, orowa, rapembe etu eush hine Yesu ikure ruwe ne.
49Koroka, moshima okai utara :— Iteki ekottanu; Ericha ek wa Shinuma kashiobiuki ya, shomo ya, anukara kusu ne, sekoro itak. 50Orowa, Yesu shui rui hawe sange, orowa no, ramat arapare nisa ruwe ne. 51Awa, ingarʼan Kamui kora kenru ta an otbe anak ne horikashi wano ra oro pakno tup ne ayaske wa aeukohopi; samata, shirishinroye an; 52orowa watara yasaske; orowa, tushiri amaka wa mokonnoye wa okai inne ashkanne utara hetopo ashiknure; 53aige, Shinuma hetopo shiknu okake, koro tushiri orowa no araki wa ashkanne machiya otta ahup hine inne utara otta yainukare nisa ruwe ne na. 54Orosama, nei kenturion newa tura no Yesu shiure tumi-koro guru anak ne, nei shirishimoye hemhem usa-okai ikip hemhem nukara koro, toiko ishitoma hine ene itak-hi :— Soon no poka tambe anak ne Kamui Poho ne a an, sekoro itak ruwe ne. 55Orowa, gusu yaishieiwangere Gariraya moshiri orowa no Yesu osh araki inne shiwentep utara otuima shitta roshki wa ingara wa okai: 56nei utara tumugeta Makdarene un Maria hemhem an, Yakob newa Yoses koro habo Maria hemhem an, orowa, Zebedee koro poho utara koro habo an ruwe ne.
57Shirikunne an koro Arimatea kotan un Yosep ani aye oteknu guru ek na, shinuma yaikota ne yakka Yesu koikara gunʼne ruwe ne: 58tan ainu anak ne Pirato orun oman wa Yesu kaisei eikoramkon nisa ruwe ne. 59Orowa, Pirato ipawetenge wa orota nei ambe akore nisa ruwe ne na. 60Orowa, Yosep nei kaisei uk wa, ashkanne senkaki otta kokarakari hine, watara aohori wa an yaikota koro ashiri tushiri orota ande ruwe ne: orowa, poro shuma tushiri apa orota kokarakarasere hine eseshke wa oman. 61Orowa, Makdarene un Maria hemhem moshima an Maria hemhem tushiri samaketa rok wa okai ruwe ne na.
62Orowa, nishat ta an koro, Etoko-oiki toho eoyashirage toho ne wa, Kamui kora kenru esapane utara Parisee un utara tura Pirato orota uwekarapa wa ene itak-hi :— 63Nishpa, tan ikokandama guru anak ne shiknu wa an rapoketa — Kuani rere-ko imakake hetopo ku shiknu kusu ne — ari an itak ani itak a-i chi eshkarun ruwe ne. 64Ikineipeka nei koikara utara ika araki wa kaisei eikka, orowa, — Shinuma hetopo shiknu wa an, sekoro iteki utare otta ye kuni ne rere-ko pakno nei tushiri shikkashimare wa un kore: shomo yak anak ne ekanaita an ikokandama-i kasu no iyoshi no an ushike naa wen kusu ne, sekoro itak. 65Pirato nei utara otta ene itak-hi, Echi otta epungine utara okai: paye wa echi eashkai pakno nei ambe tumashnure yan, sekoro itak. 66Orowa no, nei utara epungine utara tura no paye wa nei a shuma otta numpe ushi wa irammakaka nei tushiri tumashnure nisa ruwe ne na.
© British and Foreign Bible Society 1897, 2018
