Yokana 8

1 # Luk 21:37. Konye kolot Yesu moru loka Iseitunin. 2Koboŋo tupuruc sek oyekalu, kopotu ituŋa kere mamakeŋ; kiboikin kogeu aisisianakin kes. 3Koyaut ikewadikak ka Iparisayon aberu naekamunitai kadoteu; kibwaikis kidiŋ, 4kobalas ŋes ebe, “Ekesisianakinan, ikamunitai aberu na edotei. 5#Leb 20:10; Ikis 22:22-24; Mat 22:15. Aso kotoma okisila abu Musa kicorak aibiribir nuikote nen kamor; aso ca ibala bo ijo ai?” 6Kinerasi kesi akiro ŋun ekodunete ŋes, tetere edumunete akirot nakiwosaet. Konye kokukum Yesu, kiwadik alup kekebokorit. 7#Ikis 17:7. Nakiyatanakiniata aiŋit ŋes, kitenar kotema kes atiar, “Yenemamei adiakaret kotomakus, kogeu aibir ŋes kamoru.” 8Kokukum bobo, kiwadik alup kekebokorit. 9#Mat 22:22; Rom 2:22. Kes da, nakiirariata, kilepilepata itauonokec, kolomasi idiopet idiopet, ageun komakio kiton lukawasia; kosalak Yesu bon, ka aberu ebwoi kanen kokidiŋ, 10Kitenar Yesu, kotema ŋes atiar, “Toto, alu bo ŋul lukiwosato jo? Emamei kereka yenikitubokini jo?” 11#Yok 5:14. Kotema atiar, “Emamei, Ejakait.” Kotema Yesu atiar, “Eoŋ da mam katubokini jo: kolot; konye sirikidiaka bobo.”

12 # Mat 5:14; Yok 9:5; Isa 49:6; Yok 1:5,9; 12:46. Kinera Yesu bobo kakes, kotema atiar, “Arai eoŋ aica naka akwapin; yenikatupuni eoŋ mam cut elosi kamuton, konye ejaas kaica naka aijar.” 13#Yok 5:31. Kotemasi Iparisayon ŋes atiar, “Itejenuni ijo elopet boni mam akoniitejenun erai nakabeit.” 14#Yok 5:31. Koboŋok Yesu kotema kes atiar, “Karaida ketejenun eoŋ elopet erai akaitejenun nakabeit; naarai ajeni nekabunio, ka nealosi da; konye yes mam ijenete nekabunio, karaida nealosi. 15#Yok 7:24; 12:47. Itubete yesi kwape ejaar akuan; mam eoŋ atubokini ituŋanan. 16#Yok 8:29. Karaida katubi eoŋ, erai ekatube lokabeit; naarai mam eoŋ ajai bon, konye eoŋ ka lokejukuni. 17#Ikis 17:6; 19:15. Bobo da kotoma okisilakus iwadikatai ebe aitejenun naka ituŋa iarei erai nakabeit. 18#1 Yok 5:9. Etejenuni eoŋ elopet, ketejenuni Papa da lokejukuni.” 19#Yok 14:7. Kosodi kotemasi atiar, “Ejai bo ai Papakon?” Koboŋok Yesu ebe, “Mam kijenete eoŋ karaida Papaka; arai kiijenete eoŋ, tikijenut Papaka da.” 20#Yok 7:30; 13:1; Luk 22:53. Kinera akiro ŋun kotoma agola naka aiŋad, nakisisianakinia koyekalu; kwabo amamei etuŋanan loekamuni ŋes; naarai aroko ekesawa edoluno.

21 # Yok 7:34; 13:33. Kotema bobo atiar, “Alosi eoŋ, yes da kimoete, itwakete yesi kotoma adiakanaretakus; nealosi eoŋ mam yes ipedorete aponare.” 22#Yok 7:35. Kosodete kotemasi Iyudayan atiar, “Earakin ca, naarai ebala ebe, ‘Nealosi eoŋ mam yes ipedorete aponare’?” 23#Yok 3:31. Kotema kes atiar, “Iraas yesi lukokwap, arai eoŋ lokokuju; iraas yesi luka akwapin kanu; mam eoŋ arai loka akwapin kanu. 24Kanuka ŋun kalimokis yes ebe itwakete kotoma adiakanaretakus; naarai arai mam iyuunito ebe arai eoŋ, itwakete kotoma adiakanaretakus.” 25#Yok 8:14. Kosodete kotemasi ŋes atiar, “Irai bo ijo iŋai?” Kotema Yesu kes atiar, “Ŋopeŋol lokalimokinit yes ameun kageunet, 26#Yok 8:38; 12:49. Ejaas nuipu einer ka aitub da kanukus: konye ŋol lokejukuni erai abeit; nueirari eoŋ kamake, kes enera kotoma akwapin.” 27Kwabo mam apotu kojenut ebe inerakinit kes nuka Papa, 28#Yok 3:14; 12:32. Aso kotema Yesu atiar, “Naidauniata aikeun Okoku loka etuŋanan, ŋes konyet ijenuniata ebe eoŋ ŋopeŋol, ebe da mam eswamai akirot kanukaŋ bon, dimarai kwape kesisianakinia Papa, enera kwaŋin. 29#Yok 8:16; Mat 27:46. Ejai ŋol lokejukuni nenipe keoŋ; mam kenyeinit eoŋ bon; naarai eswamaenenei nuekot ŋesi apaarasia kere.” 30#Yok 7:31; 10:42; 12:11. Nakinerar ŋesi ŋun, kiyuut luipu.

31Aso kotema Yesu lyudayan lukiyuunito ŋes atiar, “Arai kisalakis toma akirotoka, abeit iraas ikakesisiak; 32ijenunete da abeit, abeit da kiwosikini yes.” 33#Mat 3:9; Luk 3:8; Nek 9:36. Koboŋokis ŋes ebe, “Kirai isio aur naka Aburaam, kwabo mam kiraunit ibulesin luka idiotuŋanan kere apakio kere: ikwaikini ijo ibala ai ebe, Kiwosikinio yes?”

34 # Rom 6:16,20; 1 Yok 3:8. Koboŋok Yesu ebe, “Abeit, abeit, katemari yes atiar, Ŋinituŋanan yenediakanari erai ibulesit yenika adiakar. 35#Gal 4:30. Mam ibulesit iboie kotogo ikar kere; konye iboie okoku ikar kere. 36#Rom 6:18,22. Aso arai kiiwosik Okoku, iraas lukiwosikinitai cut. 37Ajeni ebe iraas yesi aur naka Aburaam; konye kimootos aiar eoŋ, naarai emamei akakirot aibois kotomakus. 38Nuaanyunit kaneejai Papa kes nuenera eoŋ: yes da iswamaete akiro nukiirarito kaneejai papakus.”

39 # Mat 3:9. Koboŋokis kotemasi ŋes atiar, “Papakosi ŋes Aburaam.” Kotema Yesu kes atiar, “Arai kiraas idwe luka Aburaam, tikiswamata aswamisio nuka Aburaam, 40Konye kwana kimootos aiar eoŋ, lokalimoki yes abeit, naeirarit kama ejai Edeke: mam Aburaam abu kiswama kwaŋin. 41#Age 3:15; Ikis 23:2. Iswamaete yesi aswamisio nuka papakus.” Kotemasi ŋes atiar, “Mam sio kiwuritai kadoteu; ejai sio Papa ediopet, ŋes Edeke.” 42#1 Yok 5:1. Kotema Yesu kes atiar, “Arai kerai Edeke Papakus, tikiminas eoŋ; naarai abu kalom kama ka Edeke kabu; naarai mam kabuni kanukaŋ bon, konye ŋes kejukunit. 43#Yok 12:39; Mat 12:34; Rom 8:7. Kanukinyo mam ijenuniata ŋun nuenera eoŋ? Naarai mam ipedorete aiirar akakirot. 44#1 Yok 3:8-10; Age 3:4; 2 Pet 2:4. Iraas yesi luka Satan papakus, ikotosi da aswam airaŋaanut naka papakus. Kerai ŋesi ekaaran ameun kageunet, mam icasit kotoma abeit, naarai emamei abeit kotomakeŋ. Nainerar nukaiŋal, inera nueraas nukeŋ elopet; naarai erai ekeŋalan, papa da loka aiŋalanut. 45#Luk 22:67. Konye naarai enera eoŋ abeit mam kiyuunito eoŋ. 46#2 Kor 5:21; 1 Pet 2:22. Iŋai kayes kelepilepi nukaronok? Arai enera eoŋ abeit, kanukinyo mam yes iyuuniata? 47#Yok 18:37; 1 Yok 4:6. Yenerai yenika Edeke iirari akiro nuka Edeke; kanuka ŋun mam yes iirarete, naarai mam iraas luka Edeke.”

48 # Yok 7:20; Mk 3:21. Koboŋokis Iyudayan kotemasi ŋes atiar, “Aso ca ma mam teni sio kinerit ejok ebe irai Esamariat, ido ejai jo ajokit?” 49Koboŋok Yesu ebe, “Emamei eoŋ ajokit; konye ayoŋit eoŋ Papaka, konye yes kimwaŋito eoŋ. 50#Yok 5:41. Kwabo eoŋ mam amoot akaibuses; ejai loemoot ka aitub da. 51#Yok 5:24; 6:40,47; 11:25. Abeit, abeit, katemari yes atiar, Arai keric ituŋanan akakirot, mam egipari atwanare ikar kere.” 52#Mk 9:1. Kobalas Iyudayan ebe, “Kwana do kijeni ebe ejai jo ajokit, Kotwana Aburaam, ka inabin da; ibala ijo ebe, ‘Arai keric ituŋanan akakirot, mam iiri atwanare ikar kere.’ 53#Yok 4:12. Itelekarit tope ijo kapolou papaakosi Aburaam loketwani? Inabin da luketwakete; ituluori ijo elopet iŋai?” 54Koboŋok Yesu ebe, “Arai ketopoloor eoŋ elopet, akaibuses mam erai ibore; loketopoloorit eoŋ ŋes Papaka; ŋol loibakasi yesi ebe erai Ekusideke; 55#Yok 7:28. kwabo mam ipotu kojenut ŋes; konye eoŋ ajeni ŋes; arai kener ebe, ‘Mam ajeni ŋes,’ tikaraun ekeŋalan kwape kayesi; konye ajeni ŋes, aricit da akekirot. 56Abu papaakus Aburaam kolelakinite aanyun akapaaran; ŋes da koany, kiyalamikin.” 57Kosodete kotemasi lyudayan atiar, “Eroko jo edolo ikar akaisakany, ianyunit tope ijo Aburaam?” 58Kotema Yesu kes atiar, “Abeit, abeit, katemari yes atiar, Eroko Aburaam ejauna, ajai eoŋ.” 59#Yok 10:31. Kosodete kirarata amor tetere ibiribirete; konye Yesu koŋop, koloma koyekalu.

Attualmente Selezionati:

Yokana 8: AOV1961

Evidenziazioni

Copia