Yokana 17

1 # Yok 11:14; 13:1. Kinera Yesu ŋun; kikeu akekonye akuj, kobala ebe, “Papa, adol esawa; kitopolo Okokukon, tetere Okokukon da kitopoloori jo. 2#Mat 11:27. Kwape ibu koinakinia apedor kama kaluejaas awat kere, tetere einakini kere lukiinakini ŋes aijar namam edaun. 3#1 Yok 5:20; 1 Ses 1:9. Aijar namam edaun ŋes na ebe, kojenutu jo Edeke ediopet lokabeit, ka Yesu Kristo Iokijukuni. 4#Yok 4:34. Ketopolo eoŋ jo kakwap, naarai etodolik aswam naibu koinak eoŋ aswam. 5#Yok 1:1; 17:24; Pil 2:6. Kwana da, wu Papa, kitopolooroi eoŋ kamakon kaibuses nakijaar eoŋ kajo eroko akwapin ejauna.

6 # Yok 17:9; Mat 6:9. “Etodia ekonikiror mama ejaas ituŋa lukiinakinit kakwapin; araas lukon kosodi ainakin eoŋ: aricata da akonikirot. 7Kwana ejenete ebe kere lukiinak apote kamakon: 8#Yok 16:30. naarai akiro nukiinakinit eoŋ ainak kes; acamut, ajenut da abeit ebe abu kalom kamakon, eyuut ebe ijo kijukuni eoŋ. 9#Yok 6:37,44. Elipakini eoŋ ŋul: mam elipakini akwapin, konye ŋul lukiinak; naarai eraas lukon. 10#Yok 16:15; Luk 15:31. Ŋul da kere lueraas lukaŋ eraas lukon, lueraas lukon da lukaŋ; ketopolooritai eoŋ tomakec. 11#Yok 10:30; Mat 6:13. Mam eoŋ aroko bobo ajai toma akwapin, konye lu ejaas toma akwapin, abuni eoŋ mamakon. Papa Lokalaunan, kidar kotoma okirorikon lukiinakinit eoŋ, tetere eraunete ipe, kwape kiraar oni ipe. 12#Sab 41:9; 109:8; Yok 13:18; 6:39; 2 Ses 2:3. Naariŋar ajai kakes, abu kedar kes kotoma okirorikon lokiinakinit; kegalikinite kes, kwabo emamei ediopet kakesi loeoliorit dimarai okoku loka aolior; tetere edoli nakiwadikatai. 13#Yok 15:11. Konye kwana abuni mamakon; enera akiro nu toma akwapin, tetere ejaunete kaiyalamaka naedolit kotomakec. 14#Yok 15:19. Ainak eoŋ kes akonikirot; alaata akwapin kes naarai mam eraas luka akwapin, kwape mam eoŋ araar loka akwapin. 15#2 Ses 3:3; 1 Yok 5:18; Mat 6:13; Luk 22:32. Mam eoŋ elipi ebe kolema kes kakwapin, konye kidar kes kama ejai lokaronon, 16Mam kes eraas luka akwapin, kwape mam eoŋ araar loka akwapin, 17#Yok 6:63. Kitalau kes kotoma abeit; akonikirot ŋes abeit. 18#Yok 20:21. Kwape ibu kijukunia eoŋ toma akwapin, ejuka eoŋ da kes kwape kwaŋin. 19#Bur 10:10. Etalauna kanukec, tetere italaunio kes da kotoma abeit.

20 # Yok 17:9. “Mam elipakini lu bon, konye ŋul da lukeyuunete kanuka akecekirot; 21#Gal 3:28. tetere eraunete kere ipe; kwape ijo Papa ijaar tomakaŋ, eoŋ da tomakon, ŋul da kojaut tomawok: tetere iyuunete akwapin ebe ijo ŋes kijukunit, 22#Asw 4:32. Eoŋ da ainak kes aibuses nakiinakinit eoŋ; tetere eraunete ipe, kwape kiraar oni ipe: 23#1 Kor 6:17; Gal 2:20. eoŋ tomakec, ijo da tomakaŋ, tetere edolete aitekoro naka eipeone; tetere ejenunete akwapin ebe ijo ŋes kijukunit, komina kes kwape ibu kominar eoŋ. 24#Yok 10:29; 12:26; Pes 1:4. Papa, akoto kes lukiinakinit ajaut nenipe keoŋ kere neajai; koanyutu akaibuses nakiinakinit; naarai ibu komina eoŋ eriŋa epesikina apetetait naka akwapin. 25Wu Papa Ekadoliton, mam akwapin kijenete, konye kajeni jo; ejenete lu ebe ijo ŋes kijukunit. 26Etejenu eoŋ kes ekonikiror, ido etejenuni, tetere amina nakiminar eoŋ ejaun tomakec, eoŋ da tomakec.”

Attualmente Selezionati:

Yokana 17: AOV1961

Evidenziazioni

Copia