Tobiti 3
3
Xikhongelo xa Tobiti
1Kavaloko egomeni ra mina ndzi hefemuteka ndzi rila swinene, kutani ndzi khongela ndzi ku:
2“We HOSI, u lulamile!
Mintirho ya wena hinkwayo yi tele tintswalo [ni ku lulama],#Van'wana a va tsalanga marito lawa
Tindlela hinkwato ta wena ti komba musa ni ntiyiso.
U muavanyisi wa misava.#Van'wana va ri: U avanyisa vanhu hinkwavo hi ku lulama
3-4Ndzi tsundzuke, u ndzi twela vusiwana.
U nga ndzi bi hikwalaho ka swidyoho swa mina,
hambi hikwalaho ka leswi ndzi nga swi tiviki.
Vatata wa mina va ku dyoherile, va arile ku yingisa#Van'wana va ri: na mina ndzi arile ku yingisa swileriso swa wena,
kambe u nga ndzi bi hikwalaho ka swidyoho swa vona.
U pfumerile leswaku vanhu va wena va phangiwa,
ni ku khomiwa, va yisiwa evukhumbini ni ku dlayiwa.
U va endlile xisolo ni ku va khomisa tingana exikarhi ka matiko laha u va hangalaseleke kona.
5Ku avanyisa ka wena ku lulamile minkarhi hinkwayo,
loko u ba mina ni vatata wa mina hikwalaho ka swidyoho swa hina,
hikuva a hi hlayisanga milawu ya wena a hi fambanga entiyisweni wa wena.
6“We HOSI, sweswi ndzi endle hilaha u lavaka hakona.
Teka moya wa mina ni ku ndzi susa emisaveni leyi,
u ndzi tlherisela entshurini.
Eka mina, ku hanya swi tlula hi ku fa.
Hambiloko ndzi ri hava nandzu, ndza sandziwa,
kutani ndzi khomiwa hi gome lerikulu.
We HOSI, herisa mahlomulo hinkwawo ya mina,
ndzi yise eku wiseni loku nga heriki;
u nga ndzi tshiki.
Swi nga antswa ndzi fa ku ri ni ku hanya eku xanisekeni loku
ni ku tiyisela ndzhukano lowu.”
Swirhalanganya swa Sara
7Esikwini rero, emutini wa Ekibatana le Mediya, swi endlaka leswaku Sara n'wana Raguwele, a rhukaniwa hi un'wana wa malandza ya xisati ya tata wa yena. 8Sara a a tekiwile hi vanuna va 7 vo landzelelana, kambe demona lero biha Asimodo a ri va dlayile hinkwavo ha un'we-un'we, va nga si etlela na yena. Kutani nandza loyi a ku ka Sara: “Hi nga xi vo, xa ku dlayetela vavanuna! U ve ni vavanuna va 7, kambe a ku vanga na un'we wa vona loyi a nga ku nyika n'wana.#Van'wana va ri: kambe a swi ku pfunanga nchumu 9Hikwalaho ka yini u tshikisela timbitsi eka hina? Famba u ya kuma vavanuna volavo u nga va dlaya! Hi nga tsaka loko wo fa u nga ri na n'wana!”
10Loko Sara a twa marito lawa a vaviseka swinene embilwini ya yena, a sungula ku rila, a khandziya ekamarini ra xithezi ra tata wa yena, kutani a anakanya ku tisunga. Kambe a tibyela a ku: “Ndzi n'wana un'we eka tatana, kutani loko ndzo tisunga, swi ta va tingana letikulu eka yena, ndzi ta n'wi vangela ku fa hi mbitsi eku dyuhaleni ka yena. E-e, a ndzi nga tisungi. Ndzi ta kombela HOSI ku teka moya wa mina, leswaku ndzi nga ha tshami ndzi yingisa mindzhukano leyo tano!”
Xikhongelo xa Sara
11Kavaloko Sara a ya a ya yima emahlweni ka fasitere ra yindlu, a tlakusela mavoko ya yena ehenhla a khongela a ku:
“We HOSI Xikwembu xanga, wa dzuneka!
Vito ra wena a ri fundzheke hilaha ku nga heriki,
ni swivumbiwa hinkwaswo swa wena a swi ku dzunise minkarhi hinkwayo.
12We HOSI, ndzi langutela ku pfuniwa hi wena.
13Vula rito, u ndzi susa emisaveni leyi,
leswaku ndzi nga ha tshami ndzi twa mindzhukano leyi.
14We HOSI, wa swi tiva leswaku ndza ha ri nhwana,
a ndzi si tiva wanuna.
15A ndzi si tshama ndzi nyamisa vito ra mina hambi ri ri ra tatana,
hi mpfhuka hi tshama etikweni leri ra vukhumbi.
Tatana a nga na n'wana un'wana handle ka mina, ú hava mudyandzhaka wa yena,
ku hava n'wana wa xaka ra ka hina loyi a nga ndzi tekaka ndzi va nsati wa yena.#Vaisraele a va toloverile ku teka emaxakeni
Ndzi feriwile hi vanuna va mina va 7,
kutani xana hikwalaho ka yini ndzi fanele ku ya emahlweni ni ku hanya?
Loko u nga swi lavi ku teka vutomi bya mina, ndzi twele vusiwana,
endla leswaku ndzi nga ha tshameli ku yingisela mindzhukano leyi.”#Va n'wana va ri: u yingisa xirilo xa mina
Xikwembu xi yingisa swikhongelo swa Tobiti na Sara
16Enkarhini lowu Xikwembu xi yingisile swikhongelo swa Tobiti na Sara, 17#Tinhl. 36:6-9; Tob. 6:10-12kutani xi va rhumela ntsumi ya xona Rafaele ku ya va pfuna. Rafaele a a rhumeriwile ku ya susa mapapa yo basa lama a ma ri ematihlweni ya Tobiti leswaku a tlhela a vona, ni ku endla leswaku Sara n'wana Raguwele a tekiwa hi Tobiya n'wana Tobiti. Tobiya hi nawu a swi n'wi lulamerile ku teka Sara, hileswi tata wa yena Tobiti a a ri makwavo wa Raguwele.
Rafaele a a lerisiwile ni ku hlongola Asimodo demona lero biha eka Sara. Enkarhini lowu Tobiti a ri karhi a huma exivaveni a ya nghena endlwini ya yena, emutini wa Ekibatana Sara n'wana Raguwele a ri karhi a chika a suka ekamarini ra le henhla ra yindlu ya yena.
Attualmente Selezionati:
Tobiti 3: TSO89
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© Bible Society of South Africa 1989. Used with permission. All rights reserved.