Matiu 1

Na Tututi ti Jisu Karisito

(Luke 3.23-38)

1Api sa na kutina na tutina i Jisu Karisito isa na tutina i Devita isa na tutina i Ebarahami.

2I Ebarahami qi vaporea i Aisake, ko i Aisake qi vaporea i Jekopi, ko i Jekopi qi vaporea i Jiuda beto ira na tasina na tugana marene. 3I Jiuda qi vaporeniria tai Tama sira Parezi i Zara, i Parezi qi vaporea i Gezironi, ko i Gezironi qi vaporea i Rami. 4I Rami qi vaporea i Aminadabi, i Aminadabi qi vaporea i Nasoni, ko i Nasoni qi vaporea i Salamoni. 5I Salamoni qi vaporenia tai Regabi i Boazi, i Boazi qi vaporenia tai Ruti i Obedi, ko i Obedi qi vaporea i Jese, 6ko i Jese sa qi vaporea i Devita na bangara.

Ko i Devita qi vaporenia tana maqotana i Uria si Solomone. 7I Solomone qi vaporea i Roboama, i Roboama qi vaporea i Abija, ko i Abia qi vaporea i Asa. 8I Asa qi vaporea i Josapati, i Josapati qi vaporea i Jorama, ko i Jorama qi vaporea i Uzia. 9I Uzia qi vaporea i Jotama, i Jotama qi vaporea i Agazi, ko i Agazi qi vaporea i Gezekae. 10I Gezekae qi vaporea i Manase, i Manase qi vaporea i Amoni, ko i Amoni qi vaporea i Josia. 11I Josia qi vaporea i Jekonia beto ira na tasina marene, totonai qai taraputu lao pa Babiloni ira na tinoni Izireli.

12Pa liguna qai taraputu lao pa Babiloni ira na tinoni Izireli sa i Jekonia qi vaporea i Salatieli, ko i Salatieli qi vaporea i Zorobabele. 13I Zorobabele qi vaporea i Abiuda, i Abiuda qi vaporea i Eliakimi, ko i Eliakimi qi vaporea i Azoa. 14I Azoa qi vaporea i Zadoki, i Zadoki qi vaporea i Akimi, ko i Akimi qi vaporea i Eliuda. 15I Eliuda qi vaporea i Elieza, i Elieza qi vaporea i Matani, ko i Matani qi vaporea i Jekopi. 16I Jekopi qi vaporea i Josepa na marenena i Mere, ko tai Mere sa podo vei si Jisu isa sa tagigala na Karisito.

17Ko na anyedi ira doru popodo sasae tinoni koko ti Ebarahami ko sa lame kamu tai Devita sa ka manogamade popodo, ira sa koko tai Devita ko sa lame kamu totonai qai taraputu lao pa Babiloni ira na tinoni Izireli sa ka manogamade popodo, beto sa koko totonai qai taraputu lao pa Babiloni ko sa lame kamu tana Karisito sa ka manogamade popodo.

Na Podona i Jisu Karisito

(Luke 2.1-7)

18Ego pira sa vei sa na vavakatona na podona i Jisu Karisito. I Mere, isa na tinana i Jisu, sa perangana tu sa tavaiviva vakole vania i Josepa. Ba totonai qai oqoro mekarai suvere vaikamu ira karu, sa i Mere sa sa tei vaporeni iapana tu na Gagala Tabuna. 19I Josepa na marenena api sa kai tinoni tuvisina sisa. Ko sake nyogua vavotuni vavakato vaivakeana isa si Mere, ko sa roroqua ko bi koroto golomo palenia isa si Mere sau. 20Ba totonai sa korapa rorove vei inara i Josepa, poni sa api sa votu tana pa putagita sa kai mateana tana Bangara, ko pira saunia, <<Josepa, ao na tuna i Devita! Muke matagutu tekua ao si Mere ko mi maqotamu, ura isa sa pidoko pa iapana isa sa na Gagala Tabuna tu sa veinia. 21Kode mina vapodoa isa sa kai koburu marene, ko muna vakukunia ao nisongona i Jisu#1.21 Na isongo Jisu na ginuana sa na inaalo tai Iahova. Na mateana sa ulenia sa i Jisu sa lame ko mina roiti votunia sa na ginuana na isongona ko mina aloria isa sira na tinoni. sisa, ura isa kode mina aloria pa dia sela sira na ona tinoni,>> sau sa na mateana.

22Ego doru sakasava aipira sa qai taroiti ko qai vagore votua sa na paranga perangana tu sa pojai na Bangara tana tinoni kokorotai i Aisea, pira sau,

23<<Vainongoro! Kai rereko koregana#1.23 Na rereko koregana sa na rereko liosona sa oqoro laoa na marene. Na kokorotai api sa pojai sa i Jisu sa podo tana rereko liosona sa oqoro laoa na marene. mina pore iapana

ko mina vapodoa kai koburu marene,

ko na isongona sa mai vakukunia i Imanuela,>>#Aisea 7.14. sau.

Na ginuana na paranga Imanuela sa Na Tamasa sa suvere tavitigita.

24Pa liguna na putagita sa sa dorava si Josepa ko sa roitinia isa sisa vei sa garununia na mateana tana Bangara ko sa sa tekua isa si Mere ko na maqotana. 25Ko sake puta tavitia i Josepa si Mere tinganai sa vapodoa tu isa na tuna marene. Ko sa vakukunia i Jisu isa na isongona.

Attualmente Selezionati:

Matiu 1: LGA

Evidenziazioni

Copia