Phŭn Blŭng 9
9
1Jr̂ŏng nŭn Ơi Adai pha br̂ơi Nô-ê klơi nŭk-nua, dăp nă đahkơi ñu hla ne: «Br̂ơi gô-ih pơpôn nă-bă lal đĭ bŏ mơ̆ng lŏn kơnah.#An Phŭn 1:28. 2Tơgr̂ư̆ čĭm glai-glo dŏ mơ̆ng lŏn kơnah, dăp tơgr̂ư̆ čĭm thâo pŏl ngŏ adai, wŏt tơgr̂ư̆ čĭm thâo r̂ôi čĭm thâo hr̂o mơ̆ng kơnah, dăp tơgr̂ư̆ kan tăm ia sĭ, ti huĭ gô-ih kơtang jat. Kâo mop br̂ơi tơgr̂ư̆ čĭm nŭn mơ̆ng ngan gô-ih yơh. 3Bih-tih čĭm thâo pơpĭ hmâo klơi hơdĭp, kâo br̂ơi gô-ih ƀŏng. Pah ahlâo kâo pha br̂ơi gô-ih ƀŏng kăn djăm mr̂ơ̆k djăm mr̂ôñ đơč,#An Phŭn 1:29. nêne dŏng kâo pha br̂ơi gô-ih ƀŏng tơgr̂ư̆ čĭm-br̂ĭm he mơ̆n. 4Plai săl dŏ hmâo dr̂ah, gô-ih anăm ƀŏng ôh,#9:4 Săl dŏ hmâo dr̂ah gô-ih anăm ƀŏng ôh čiăng laĭ hlâo r̂ăng ti ƀŏng djăm čĭm yĕt-yĕt r̂ăng pơhŏk lôi dr̂ah ñu hlâo ƀơĭ. An Lêwi 17:10-14. yua dr̂ah nŭn yơh klơi hơdĭp ñu. 5Jơ̆ laĭ a pơdjai lôi gô-ih, kâo ti tĭ glaĭ dr̂ah klơi hơdĭp gô-ih. Jơ̆ čĭm-br̂ĭm pơdjai lôi gô-ih, kâo ti tĭ glaĭ mơ̆ng ñu.#An Biă 21:28-32. Jơ̆ nă mơnuih pơdjai lôi gô-ih, kâo ti tĭ glaĭ mơ̆ng ñu mơ̆n, yua ñu pơdjai lôi yŏng dơi ñu pô.
6Lơi pô pơhŏk dr̂ah mơnuih,
Mơnuih ti pơhŏk glaĭ dr̂ah ñu,
Yua Ơi Adai ngă mơnuih hla ti hup ñu pô.#An Phŭn 1:26.
7«Nêne dŏng, br̂ơi gô-ih pơpôn nă-bă lal đĭ, br̂ơi hmâo pĕn-phung-pĕn-phung jai lô tui mơ̆ng lŏn kơnah.»#An Phŭn 1:28.
8Jr̂ŏng nŭn Ơi Adai pơhiăp hr̂ŏm Nô-ê, dăp nă đahkơi ñu: 9«Gah kâo dŏng, nêne kâo ti kă klơi uăn bơgop hr̂ŏm gô-ih dăp hr̂ŏm djuoi gô-ih nôk dơdơi-dơdơi he mơ̆n,#An Phŭn 6:18. 10dăp hr̂ŏm čĭm-br̂ĭm thâo să pr̂an dŏ hr̂ŏm gô-ih, čĭm thâo pŏl, čĭm plơi, dăp tơgr̂ư̆ čĭm glai-glo dŏ mơ̆ng lŏn kơnah hr̂ŏm gô-ih, bih nŏ yĕt-yĕt biă mơ̆ng kŏmpăn, dơm čĭm-br̂ĭm dŏ dĭp mơ̆ng lŏn kơnah. 11Kâo kă klơi uăn bơgop hr̂ŏm gô-ih hla ne, tô̆ mơ̆ng ane nao pơ năp, ia lip bĭ pơdjai lôi bih mơnuih dăp čĭm-br̂ĭm dŏng tah, wŏt ia lip bĭ bơr̂ăm lôi lŏn kơnah le.» 12Jr̂ŏng nŭn Ơi Adai laĭ: «Klơi uăn bơgop kâo kă hr̂ŏm gô-ih, dăp bih čĭm-br̂ĭm thâo să pr̂an dŏ hr̂ŏm gô-ih, klơi uăn bơgop ne ti dŏ tơgr̂ư̆ nôk nao-nao hayoh. Kâo ti pơthâo br̂ơi klơi uăn bơgop hla ne: 13Kâo čr̂oh bơngŏt#9:13 Boh hiăp Hêbrơ laĭ bơngŏt ha tô̆ boh hiăp Hêbrơ laĭ «Hr̂ă.» Jlan ne Ơi Adai pơyap ñu pô hla ti tơhan čr̂oh lôi hr̂ă ñu. kâo ngŏ gơnăm, bơngŏt nŭn ti pơthâo br̂ơi klơi uăn bơgop kâo kă hr̂ŏm lŏn kơnah. 14Tơl kâo ba r̂ai gơnăm gah ngŏ lŏn kơnah, nŭn ti ƀôh bơngŏt dŏ tăm gơnăm nŭn, 15pah anŭn kâo ti kơčăng mơ̆ng klơi uăn bơgop kâo kă hr̂ŏm gô-ih, dăp bih čĭm-br̂ĭm tơgr̂ư̆ neo thâo să pr̂an. Nŭn ia bĭ lip bơr̂ăm lôi bih mơnuih dăp čĭm-br̂ĭm dŏng tah. 16Tơl bơngŏt biă đĭ mơ̆ng gơnăm, nŭn kâo ti ƀôh, jr̂ŏng nŭn kơčăng mơ̆ng klơi uăn bơgop kâo kă hr̂ŏm bih mơnuih dăp čĭm-br̂ĭm thâo să pr̂an dŏ mơ̆ng lŏn kơnah, klơi uăn bơgop ne dŏ nao-nao hayoh.» 17Jr̂ŏng nŭn Ơi Adai pơhiăp hr̂ŏm Nô-ê: «Ne yơh klơi pơthâo br̂ơi klơi uăn bơgop kâo kă hr̂ŏm bih mơnuih dăp čĭm-br̂ĭm dŏ mơ̆ng lŏn kơnah.»
Nô-ê hr̂ŏm nă đahkơi ñu klâo r̂ăng
18Nă Nô-ê biă mơ̆ng kŏmpăn nŭn hmâo Sĕm, Hăm, dăp Yaphet. (Plai Hăm dŏng, ñu ma Kanan.) 19Môt klâo r̂ăng ne, nă Nô-ê. Nă čo môt ne yơh, biă yô dŏ bŏ mơ̆ng lŏn kơnah.
20Nô-ê mơnuih ngă hua, ñu yơh pô ngă hua pla boh ƀâo hlâo mơ̆ng r̂ăng. 21Ñu ñŭm pai boh ƀâo, jr̂ŏng nŭn ñu măt, đih dŏ blŭn tăm sang seng tŏng. 22Jr̂ŏng nŭn, Hăm ma Kanan, ñu ƀôh ma ñu dŏ blŭn, nŭn ñu biă nao gah ia-wang r̂ă thâo yŏng ñu dua r̂ăng dŏng. 23Jr̂ŏng nŭn Sĕm dua ñu Yaphet nao tô̆ ao phyông, phiang mơ̆ng br̂a gơñu, bat dŭn glaĭ nao ôm lôi klơi mlâo ma gơñu, wŏt ƀŏ gơñu wih lôi pơkŏn bĭ br̂ơi ƀôh ma gơñu dŏ blŭn ôh. 24Tơl Nô-ê ñu suaih mơ̆ng măt pai, jr̂ŏng nŭn ñu thâo kr̂ăn buă Hăm nă nŭč ñu ngă hr̂ŏm ñu. 25Nŭn ñu laĭ:
«Kanan tô̆ klơi hơtŏm boih,
Ñu ti ngă hlŭn gah yô̆ môt hlŭn yŏng dơi ñu.»
26Nô-ê laĭ dŏng:
«Bơni Yêhôwa, yang Sĕm,
Br̂ơi Kanan ngă hlŭn Sĕm wŏ!
27Dueh mơ̆ng Ơi Adai, br̂ơi Yaphet hmâo lŏn-ia dŭt lơhaih!
Br̂ơi Yaphet dua ñu Sĕm ngă hiam nao r̂ai gŏp gơñu,#9:27 Br̂ơi Yaphet dua ñu Sĕm ngă hiam nao r̂ai gŏp gơñu Hêbrơ laĭ «Br̂ơi ñu dŏ hr̂ŏm sang seng tŏng Sĕm.»
Plai Kanan dŏng br̂ơi ñu ngă hlŭn Yaphet.»
28Dơdơi mơ̆ng ia lip, Nô-ê dŏ dĭp hmâo 350 thŭn dŏng. 29Bih-tih thŭn Nô-ê dŏ dĭp hmâo 950 thŭn, jr̂ŏng nŭn ñu djai lôi hĕ.
Attualmente Selezionati:
Phŭn Blŭng 9: JKB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2024, Wycliffe Bible Translators, Inc.
