Phŭn Blŭng 7
7
Ia lip pr̂ŏng
1Jr̂ŏng nŭn Yêhôwa pơhiăp hr̂ŏm Nô-ê: «Br̂ơi ih mŭt wŏ tăm kŏmpăn, bih khŭl-khap sang-nŏ ih, yua kâo ƀôh laĭ ih yơh kơpă ti năp kâo tăm mơnuih nôk ne. 2Br̂ơi ih tô̆ čĭm-br̂ĭm tơgr̂ư̆ neo mơ̆ng čĭm-br̂ĭm lơgoh ba nao hr̂ŏm ih, ha neo juh ku ha neo juh ku, kơno ña kơno ña,#7:2 Kơno ña Hêbrơ laĭ «Kơi bơnai.» wŏt čĭm-br̂ĭm bĭ lơgoh br̂ơi ih tô̆ ha ku ha ku, kơno ña kơno ña mơ̆n, 3wŏt čĭm thâo pŏl ngŏ adai dih, br̂ơi ih tô̆ ha neo juh ku ha neo juh ku, kơno ña kơno ña, čiăng r̂ăk čr̂oh djuoi ñu br̂ơi dŏ dĭp mơ̆ng lŏn kơnah. 4Yua dŏ juh r̂ơi dŏng kâo ti ngă br̂ơi jan mơ̆ng lŏn kơnah, pă pluh r̂ơi pă pluh mlăm. Nĭng nŭn yơh, tơgr̂ư̆ nŏ yĕt kâo ngă br̂ơi dŏ dĭp mơ̆ng kơnah, kâo ti bơlŏm lôi bih blao yơh.» 5Jr̂ŏng nŭn Nô-ê ngă tui tơgr̂ư̆ klơi Yêhôwa pơtă br̂ơi ñu.
6Pah ia lip lŏp lôi lŏn kơnah, Nô-ê hmâo ayŭ năm tuh thŭn boih. 7Nŭn Nô-ê mŭt tăm kŏmpăn, dăp nă, dăp bơnai, wŏt bơnai nă ñu mŭt hr̂ŏm ñu mơ̆n, čiăng klaih mơ̆ng ia lip. 8Čĭm-br̂ĭm lơgoh, dăp čĭm-br̂ĭm bĭ lơgoh, wŏt čĭm thâo pŏl, dăp čĭm thâo r̂ôi čĭm thâo hr̂o mơ̆ng kơnah tơgr̂ư̆ neo, 9ha ku ha ku, kơno ña kơno ña, ñu nao pơ Nô-ê mŭt tăm kŏmpăn, hla ti Ơi Adai pơtă br̂ơi Nô-ê. 10Juh r̂ơi dơdơi mơ̆ng Ơi Adai pơhiăp hr̂ŏm Nô-ê,#An Phŭn 7:4. nŭn ia lip lŏp lôi lŏn kơnah.
11Pah Nô-ê hmâo ayŭ năm tuh thŭn, r̂ơi ti pluh juh, blan dua, mơ̆ng r̂ơi nŭn yơh bih amăng ia khlăm dŭt-dŭt đah tul kơnah bluh đĭ, wŏt bih amăng ia mơ̆ng adai dih a pih lôi mơ̆n. 12Nĭng nŭn yơh, jan mơ̆ng lŏn kơnah pă pluh r̂ơi pă pluh mlăm. 13Tơl r̂ơi ia jan lĕ mơ̆ng lŏn kơnah, mơ̆ng r̂ơi nŭn yơh Nô-ê mŭt nao tăm kŏmpăn, dăp nă đahkơi-đahkơi ñu, Sĕm, Hăm, Yaphet, wŏt bơnai Nô-ê, dăp bơnai nă ñu klâo r̂ăng mŭt hr̂ŏm gơñu mơ̆n. 14Nŭn yơh gơñu mŭt tăm kŏmpăn, dăp tơgr̂ư̆ čĭm glai-glo tui tam djuoi ñu, tơgr̂ư̆ čĭm plơi tui tam djuoi ñu, dăp bih čĭm thâo r̂ôi čĭm thâo hr̂o mơ̆ng lŏn kơnah tui tam djuoi ñu, wŏt tơgr̂ư̆ čĭm thâo pŏl tơgr̂ư̆ čĭm hmâo čăng tui tam djuoi ñu, mŭt bih tăm kŏmpăn mơ̆n. 15Bih-tih čĭm-br̂ĭm ha ku ha ku nao pơ Nô-ê mŭt tăm kŏmpăn, mơ̆ng tơgr̂ư̆ čĭm hmâo klơi hơdĭp thâo să pr̂an. 16Bih-tih čĭm nao nŭn hmâo kơno hmâo ña, čĭm-br̂ĭm tơgr̂ư̆ djuoi nao hla ti Ơi Adai pơtă br̂ơi Nô-ê. Jr̂ŏng nŭn Yêhôwa kr̂ĭ bah amăng kŏmpăn tui klon Nô-ê.
17Ia lip lŏp lôi lŏn kơnah bih pă pluh r̂ơi. Nĭng nŭn yơh, ia pr̂ŏng jai đĭ tui, ngă br̂ơi kŏmpăn đông đĭ mơ̆ng lŏn kơnah. 18Ia pr̂ŏng jai kơtang tui gah ngŏ lŏn kơnah, plai kŏmpăn dŏng, đông gah ngŏ ia. 19Ia nŭn jai pr̂ŏng kơtang tui kơtang tui mơ̆ng lŏn kơnah, tơl lŏp lôi bih blao tơgr̂ư̆ kŏ čĭ glong-glong dŏ gah yô̆ adai. 20Ia đĭ jai kơtang tui, lŏp hloh lôi mơ̆ng kŏ čĭ pluh ma haih.#7:20 Pluh ma haih dơmô juh mĕt. 21Nŭn bih-tih čĭm-br̂ĭm thâo pơpĭ mơ̆ng lŏn kơnah tĕ pr̂an soh, čĭm thâo pŏl, čĭm plơi, čĭm glai-glo, čĭm thâo r̂ôi čĭm thâo hr̂o mơ̆ng lŏn kơnah, dăp bih mơnuih he mơ̆n. 22Bih nŏ yĕt-yĕt dŏ ngŏ kơnah hmâo klơi hơdĭp thâo să pr̂an tăm amăng dŭng, djai bih blao. 23Nĭng nŭn yơh Yêhôwa bơlŏm lôi bih nŏ yĕt-yĕt dŏ dĭp mơ̆ng kơnah, tô̆ mơ̆ng mơnuih tr̂uh pơ čĭm-br̂ĭm, čĭm thâo r̂ôi čĭm thâo hr̂o, wŏt čĭm thâo pŏl ngŏ adai he mơ̆n, ñu lŏm lôi bih blao mơ̆ng lŏn kơnah, dŏ kăn Nô-ê, dăp bih nŏ yĕt-yĕt dŏ hr̂ŏm ñu tăm kŏmpăn đơč. 24Ia mơ̆ng lŏn kơnah dŏ nŏng pr̂ŏng 150 r̂ơi.
Attualmente Selezionati:
Phŭn Blŭng 7: JKB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2024, Wycliffe Bible Translators, Inc.
