SEEMTIRNAK 16

Hagar Le Ishmael

1Cule Abram nupi Sarai cun fa pakhat hman a nei lo. Asinain Sarai in Izipt mi Hagar timi salnu a nei. 2Sarai in Abram hnenah, “Zohhnik, Bawipa in fa i neihter duh lo hi! Ziangah so ka salnu thawn nan ittlang ko lo? Anih cun ka hrangah faate a nei thei men ding,” ti ah a ti. Cule Abram in Sarai ih thu cu a ngai. 3Curuangah Sarai in a salnu, Izipt nunau Hagar cu Abram ih nupi dingah a pek. Kanaan ramah Abram kum hra a um hnuah hi thil hi a cang. 4Abram le Hagar cu an pawl-aw ih Hagar cu fa a vun. Hagar in fa a vun ti a theih awk tikah a puarthau ih Sarai cu a hmuhsuam. 5Cutikah Sarai cun Abram hnenah, “Hagar in hiti ih i hmuhsuam hi nangmah ih mawh a si. Ka salnu cu keimah in ka lo pe. Asinain fa a vun ti a theih awk vete in i hmuhsuam ciamco. Bawipa in nang maw kei so, zo a dik deuh ti thu in ṭhen hram seh,” ti ah a ti. 6Cule Abram cun, “Hagar cu na salnu a si; nangmah in na uk; na duhduh in tuah aw,” ti ah Sarai hnenah a ti. Cutikah Sarai in Hagar cu a tuahsiat ih Hagar cu a tlan.

7Cutiin Hagar cu Shur lamah a tlan ih ramṭhing lakih cerhti kiangah Bawipa ih vancungmi in a tong. 8Vancungmi in a hnenah, “Sarai ih salnu Hagar, khui inso na rat ih khui ah so na feh zik?” ti ah a sut. Hagar in, “Ka bawinu Sarai hnen ihsin ka tlan,” ti ah a ti. 9Vancungmi in, “Sarai hnenah kirsal awla a kut hnuai ah va um aw;

10“Zohman ih siar cawk lo,

Tesinfa tampi ka lo pe ding;

11Fapa na nei ding ih,

A hminah Ishmael#16.11 Ishmael: ti cu Hebru ṭong in Pathian in a thei tican a si. na sak ding;

Ziangahtile Bawipa in

na zonzaihnak a thei.

12A sinan na fapa cu,

Laak hee vek a si ding.

Mikip a raal ding ih,

Mikip in an raal ve ding.

Sungkhat thawn hman

an umtlang lo ding,” ti ah a ti.

13Cutikah Hagar in, “Pathian cu hitawk ah hin ka tong ngaingai ih ka nung lai maw si?” ti ah amah le amah a ti-aw. Cule a hnenah ra in a ṭongtu Bawipa cu a hminah, “El-roi,” #16.13 El-roi ti cu Hebru ṭong in, Hmutu Pathian tinak a si. ti ah a ko. 14Curuangah Kadesh le Bered karlakih tikhur cu mi hmuahhmuah in, “Beer-lahai-roi,”#16.14 Beer-lahai-roi: timi cu Hebru ṭong in I Hmutu A Nungmi ih Tikhur tinak a si. ti ah an ko ṭheu.

15Cun Hagar in Abram fapa cu a hring ih a hminah amah Abram in Ishmael ti ah a sak. 16Abram cu Hagar in fapa a hrin tikah kum sawmriat le kum ruk a si.

Attualmente Selezionati:

SEEMTIRNAK 16: FCL

Evidenziazioni

Copia