Mataio 7
7
1Mua pa awkavai, noro mua‐nakavakeinavaia.
2Uku orau noro mua‐awkana, orau noro mua?-?nakavakeiakana: kurua ikiau noro a’a e ipina kurua ikiau noro ipiakeiakana.
3Uku oiana iri‐uku mau’u ni inamu‐ekiawkana ni aroa a’a anu inamu laru ai, a iri uku ovara ni inamu laru ai ni laikora‐nikiapea?
4Ei voa naea, ni eka’amakurumau ni aroa a’a, Evere’enamiki iri‐uku mau’u mi‐awmiai ni inamu mere, iri‐uku ovara ni inamu laru ai keia’ane kapoi?
5Ewaea vaki e, pinai iri‐uku ovara mi‐awmi’ine ni inamu mere; ni imai inamu‐oiakana iri‐uku mau’u mi‐awmiai ni aroa a’a anu inamu mere.
6Iaa pei oroko pa ekuai, nomo mairi awku a’uri inu paku ai pa kaiai, oro mairi euninavaia, oro urukinavaia, oro koranami’inavaia.
7Nawki‐li’ine, la’aruku au‐nikuakeiakana; vorone, ni auiakana; vakine, kikau?-?auakeiakana ni eiai:
8Uku nawki‐lia a’a kavakava mi’ina; voroa a’a awku auina; u eiai awku u vakina kikau auakeina.
9Nomo a’a koana una mere u nawki‐awkava’ane pu aw eiai, una mere u rawre awkuna?
10Mere una mekai nawki‐awkava’ane emeiki eiai u mere paiko ama‐awkumau?
11Noro namea a’a keina, noro ipaliane ima la’aruku nomo mere ekuai, nomo Mai pani muku ai ima la’aruku ekuapeana a’a‐oro nawki‐awkana?
12Ou uku eiai awku uriria noro umuli’ina a’a e liai noro eiai, orau noro awku li’ine oro eiai: Vupu unu voa eire, laikorava a’a anu ipawkia voa ane.
13Akiki kikau unu epo ai ikirine: uku oava anu kikau, kapea ane, peava?-?keina, a’a aila peava kikau ai ikirina;
14Uku rokoa anu kikau, kapea ane, akikikeina, a’a ailapea kurua kikau auina.
15Nomo nane eivirine arauau ipawkia a’a‐oro eiai, voa kekepa oro noro ai anena, omo lai laru ai iara uakeina.
16Uku omo opara anu uru noro ipa‐elauakana. A’a karara mere veila ama?-?kou’i? kaivaea awku a’a mao mere ama‐ei’i?
17Orau awku uku ima iri kavakava u ima uru merina; ivave iri awku ivave uru merina.
18Ima iri ivave uru meriai liapea, ivave iri awku ima uru meriai liapea.
19Iri kavakava ima uru meriape u areakeina, iau laru ai ruawkavakeina ane.
20Uku omo opara anu uru noro emoki ipa‐elauakana.
21A’a kavakava peo u erau voa kuruina, Amua e, Amua e, pani muku ai ikiriakana; a u ane u Na Mai pani muku ai kamaia‐awkana u ikiriakana.
22Kurua lare ai a’a aila erau voa kuruiakana, Amua e, Amua e, i Ni nawi enei laikorava voa kuruapeana? i Ni nawi avaea lipi enei laeiapeana? i Ni nawi iva iaki enei liapeana?
23Nai erau voa kurueakana kapoi, Nai a‐ipa‐nalau?-?navea: enara, Na paku mere, namea‐lia a’a e.
24A’a kavakava Na ipawkia voa virina, kamaia‐ekana ane, u lai evera a’a mikirina una marea rawre upa mere u la‐okana:
25Lai karuma‐karuma lilina, ere aru‐mai anena, kavaea ovara evukina, kurua marea vakina ane, marea a‐ara’anavea, uku kurua marea rawre upa mere la‐okavakei’inave.
26A’a kavakava Na ipawkia voa virina, kamaia?-?ekavapeo, u avuavu a’a mikirina una marea miri upa mere la‐okana:
27Lai karumakaruma lilina, ere aru‐mai anena, kavaea ovara evukina kurua marea vakina ane, marea ara’anave: marea anu oava?-?mai kei’inave.
28Iesu ei ipawkia voa oailiaka’ane, a’a aruru varuavakei’inave uku Una ipawkia voa eiai:
29Uku iva‐mia a’a orau U ipekinave, omo Kikiria a’a orau a‐ipekinavea.
Attualmente Selezionati:
Mataio 7: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
