Luka 7
7
1Una ipawkia voa uriria U oailiaka’ane a’a anu paku ai, Kaperanauma ai U ikirinave.
2Marevaki monou unu naumuki ukua maia kei’inave imua arekamu ai.
3U uru viriaka’ane Iesu eiai, Isaraela a’a anu mai‐oro u ekaivirinave Iesu ai, oro nawki‐awkavai U anea’ane‐iai marevaki inu ukua aukarikavai.
4Oro Iesu ai aneaka’ane oro iviri nawki‐awkanave, erau voa kurunave ane, U ima a’a keina ei paioka eiai:
5Ene kaki a’a u umu‐ekana, omoro marea ane ene eiai u la‐oka’ane euna.
6Oro kiripai Iesu enanave. U marea arekamu ai paiaka’ane, marevaki una a’a Iesu ai ekaivirinave, erau voa oro kurunave ane, Amua e, Ni iaki pa ave’eai uku na marea ai aneai: uku nai a’a ima peo Ni na marea ikiriai:
7Ou uku eiai nai laikoranave nai a’a ima peo Ni ai aneai: Ni voa e kuruane, na ukua aukarikavakeiakana.
8Uku nai awku aivara a’a keina, aiau awku nai mi’ina na voa kamaialiai, aiau monou enavai nai awkina, u enana; aiau mo aneai nai awkina, u anena; ei iaki naea, ou iaki naea, na aivara liai nai awkina, u li’ina.
9Iesu ei voa viriaka’ane U varua’anave, urukinave ane, a’a aruru e’e’okamakei’inave U erau voa kuruenave, Nai kurunaina, Pirimaroakoa ei pirimaroakoa ipi’ipia Nai auiape Isaraela pani va’au ai.
10Iva a’a ekaiviriakei’inave marea ai vairumakei’inave ukua ane u maia keiaka u aukarikavakei’inave oro auinave.
11Una aivara kiripai, a’a aruru ovara ane, pai’iri nawi Naina U maura pani enanave.
12Pai’iri inu kikau arekamu ai U aneaka’ane, pai’iri mere imua a’a vakaruakei’inave, una mei inu mere e u keiaka, mei awku a’e kepea kei’inave: pai’iri a’a aila mei kiripai elemanemakei’inave.
13Amua a’e kepea inamu‐oiaka’ane U umu miaka a’e eiai, erau voa kurunave ane, Viki pa liai.
14U arekamu ai enanave, inaruru nekenave ane: inaruru vakarua a’a oinave. U imua a’a erau voa kurunave, Roropaea e, Nai nikina, La’ane.
15U ane u imuakei’inave inaruru upa mere u pa’anave, voa kurunave ane. Una mei Iesu awkunave.
16Oro uriria kore‐liakei’?-?inave: oro Eloi avioinave, erau voa kurumakei’inave, Laikorava a’a ovara enei awkono avao ai la’ane euna; Una a’a Eloi lai‐aika?-?vape.
17Iudea eiei iki ei uru elenave U eiai, eiei arekamu ai ane.
18Ioane enu aivara epo voa u ai mi‐anenave ei awku uriria eiai.
19Una aivara rere Ioane laea‐elau’unave, erau voa veve’eai u orere Iesu ai ekaivirinave, U ane U aneliviai anelia Ni U ana? enei aioiai limakina a’a e eiai ana?
20Iva a’a orere U ai aneaka’ane orere erau voa kurunave, Ioane Bapatiso voa veveniai akaiviriane euna, U ane U aneliviai anelia Ni U ana? enei aioiai limakina a’a e eiai ana?
21Ou pani ai a’a aila omo maia, auma ane, avaea lipi ane, U aukariekanave; inamu‐apua a’a aila U inamu emai ekunave ane.
22Iesu erau voa kuruenave, Enara, awku norere inamu‐eiane euna, viriane euna ane, Ioane awkira: inamu‐apua a’a omo inamu unu emai mi’ina, are o’onu a’a are‐rokona, apa auma a’a urupu‐eiakeina, keporo namau a’a virina, imua a’a rokoa la‐ekavakeina, rurupu a’a eiai Iva voa omoro kuruakeina.
23A’a ane u aua‐avapea, ara’apea, uku Nai eiai, u kopai‐awkavakeina.
24Ioane enu iva a’a eleaka’ane U a’a aruru erau voa veve’enave uku Ioane eiai, Noro kekepere ai eleaka’ane noro inamu‐oiama‐oi’e? Ini ana kavaea peroro‐awkava?-?keina?
25Noro eleaka’ane noro inamu‐oiama‐oi’e? A’a ana awpono a’a kape luki‐awmiakei’inave? Oro vaupa a’a kape luki‐emiakeina, pei veruku mi’ina, oro amua a’a anu marea laru ai pokoina.
26A noro eleaka’ane noro inamu‐oiama‐oi’e? Laikorava a’a ana? Nai kurunaina kapoi, u laikorava a’a mukua epe’epe upa mere keina,
27Ioane eiai ei voa kikiriakeina, Akoi’i, Na iva a’a Nai okaivirina Ni paku ai, Ni kapea u evere’eakana Ni paku ai.
28Nai kurunaina, a’a uriria a’ero mere kiniakeina a’a kapeo Ioane ipi’ipia keina: a a’a mau’u keina Eloi inu eiei laru ai u Ioane upa mere keina.
29A’a aruru uriria, moni akoa a’a ane, oro Una voa viriaka’ane, i Ioane enu bapatiso oro bapatiso‐ekavakei’inave, oro Eloi inu opara anana iki‐e’enave.
30Parisea a’a, vupu lai evera a’a ane, Eloi inu lai oro eiai oro lai‐awka’ane euna, uku bapatiso miai oro inaka‐liane euna.
31Ei kiri a’a Nai oiama?-?mikirimau? oro oi‐mikiri?-?ana?
32Oro ukua‐mere orau pai’iri kanikara ai papa’amakina, erau voa laea‐elaumakina, Enei awvi laea‐liane euna noro eiai, noro ekeliape, enei awni mu’u mailau liane euna, noro vikiriape.
33Uku Ioane Bapatiso pei larilimakina anea’ane euna; noro kuruna, u avaea lipi mi’ina.
34A’a anu Mere pei na’amakina anea’ane euna; noro erau voa kuruna, Akoi’i, voviri vaki ioure, U moni akoa a’a, namea a’a anu a’a ane.
35I lai evera a’a miki lai evera evere’eakeina.
36Parisea a’a monou Iesu nawki‐awkanave u kiripai pei navai. U Parisea a’a anu marea ikirinave, pei navai pa’anave ane
37Pai’iri ai kana a’e uapokoinave, u viriaka’ane Iesu kurua Parisea a’a anu marea pei na’amakei’inave, maina mera muri menamena u mi‐anenave,
38Neko mere ai u oimakei’inave Iesu unu are arekamu ai, vikirimakei’inave una inamu‐ere Iesu unu are oru‐li’inave, una uku kimari Iesu unu are u lavere‐kikinave, Una are u epo‐mi’inave, mera muri menamena Una are upa mere orekanave ane.
39Ei Parisea a’a Iesu pei awkumakei’inave u ei opara inamu‐oiaka’ane, una lai laru ai u erau voa kurunave, Ei a’a laikorava a’a keia’ane, U ipaliane euna ei a’e neke?-?makina u kana a’e keina.
40Iesu erau voa kurunave, Simona e, voa kuruniai Nai umuli’ina. U erau voa kurunave, Amua e, kuruine.
41Moni ara’awmia a’a monou kamaia a’a rere miaka: a’a monou seleni 500 ara’awmiakei’inave, a’a mo seleni 50 ara’awmiakei’inave.
42Orere moni eria miaka’ane kavani awkuai, orere enu kamaia u veruku paue’emi’?-?inave. Kamaia a’a ekara’ana umu ovara miakana u eiai?
43Simona erau voa kurunave, Kurua vaki naea u moni kamaia ovara paue’?-?awmi’inave. Iesu erau voa kurunave, Ni lai anana ipiane euna.
44U urukinave kana a’e paku ai, Simona erau voa veve’enave, Ei a’e ni inamu‐oina ana? Ni marea Nai ikirinave, ere eria ni ikunave Na are eiai: inamu‐ere Na are U ere kikirinave, una uku kimari Na are u lavere?-?liane euna.
45Ni epo‐imiape: pani mere ei a’e ikiriane Na are epo‐emiai u akereliape.
46Na uku mera mena?-?mena ni orekavape: ei a’e Na are mera menamena oreka’ane euna.
47Ou uku eiai Nai kurunina, Una namea oro aila keina, oro paue’emiakeina; uku u umu‐mai umu‐awkanave: a u eiai mau’u paue’?-?awmiakeina, u ane u umu mau’u umu‐awkana.
48U a’e erau voa kurunave, A’e e, ni namea paue’emiakeina.
49Oro U kiripai pei na’amakei’inave omo lai laru ai erau voa veve’eimakei’inave, Ei a’a koana U namea paue’emi’ina?
50U a’e erau voa kurunave, Ni pirimaroakoa ini?-?kava’ane euna; enara, airu pokoira ane.
Attualmente Selezionati:
Luka 7: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
