Luka 24
24
1Ebedoma pinai lare enu pani merea oro lauoi ai anenave, mera muri muramura oro karikiaka oro i?-?mi‐anenave.
2Lauoi inu kikau rawre lai‐awkavakeiaka, oro inamu‐oinave.
3Oro lauoi ikirinave, Amua Iesu unu kape oro a‐auinavea.
4Ei uku eiai oro lai iakari‐ekavakei’inave, akoi’i, a’a rere oro ai oinave a’a kape akuru luki‐emiakei’inave:
5A’ero kore kei’inave, omo paku ka’e ai vaparia?-?kei’inave ane, a’a erau voa veve’einave, Uku oiana U uarokona noro vorona imua a’a awkono avao ai?
6U eu ai peo, U la’ana: Una voa U kurunainave Galilaia ai noro laikora‐nakine,
7Erau voa kurunave, A’a anu Mere namea a’a eiai piriakeiai limakina, iri keoa upa mere avakeiai, rere kaiane lare imua mere la’avai limakina.
8Una voa oro laikora‐ekinave.
9Lauoi mere oro vairunave, ei awku uriria aivara 11 ekinave, e’e’okava a’a uriria ane.
10Maria Magadala, Ioana ane, Maria Iakobo onu mei ane, a’ero e ane oro kiripai kei’inave, ei a’ero ei awku iva a’a ekinave.
11Iva a’a laikoranave a’ero onu voa minako voa kei’inave, ei voa oro a‐pirimaroakoanavea.
12Petero la’anave, lauoi ai area‐enanave ane; are epo aimakei’inave, a’a kape u inamu‐eimakei’inave lauoi laru ai uakeimakei’inave; u vairunave marea ai, laikoramakei’inave ane uku ei awku eiai.
13Omo a’a rere kurua lare pai’iri nawi, Emauka, i‐enamakei’inave, pai’iri maili 7 naea, maili 8 naea, Ierusalema mere kei’inave.
14Orere voa ekinamakei’inave uku awku uriria evere’eiakeiaka.
15Orere voa ekinamakei’inave, voa ipimakei’inave ane, Iesu orere ai anenave, orere kiripai enanave ane.
16Omo inamu apuriakei’?-?inave oro ipali’inavaia.
17U erau voa veve’einave, Oi voa ana norere voa?-?nakimakina, norere are rokoane, lai kukunu‐liane ane?
18Orere enu a’a monou, nawi Kaleopa, erau voa veve’enave, Ni kikoro a’a ana Ierusalema ai, awku iou ai liakei’inave ei pani ai Ni ipapeana?
19U erau voa veve’einave, Oi awku ana? Orere erau voa kurunave, Awku uku Iesu Nasareta a’a eiai. U laikorava a’a kei’inave, uku opara, voa ane, U iviri kei’inave Eloi inu paku ai, a’a uriria anu paku ai ane:
20Omoro amua a’a, mai‐oro ane, pirinave, U mua awkavakeia’ane‐iai, ava?-?keia’ane‐iai, oro a’ane euna ane.
21A enei araea’araea li’inave kurua a’a U ane U Isaraela a’a inaea‐ekava?-?kana: voa mo ane, eai lare rere kaiane lare ou lare mere ei awku liakei’inave.
22Ei voa awku, enei varuavakei’inave uku ene kaupu unu a’ero varomo onu voa eiai, oro pani merea lauoi ai kei’inave;
23Oro Una kape auiakape, oro vairunave, erau voa kurumakei’inave, aivara‐avaea anu avaea awku oro inamu‐eiaka, oro kurunave U uarokona.
24Ene a’a varomo lauoi ai enanave, orau a’ero kuruaka oro auinave; a Una kape oro inamu‐oiakape.
25U erau voa kuruenave, Avuavu a’a e, nomo lai akere keina voa uriria pirimaroakoai laikorava a’a kuruane euna.
26Uku eria ana Keriso ei awku kukunu‐miai, Una evao’evao ikiriai?
27Mose enu pani mere, laikorava a’a uriria anu voa iaa revareva laru ai U eiai U ipekinave.
28Oro pai’iri arekamu ai paiaka’ane oro i‐enamakei’inave, U auoinave U mako e enamakei’inave.
29Orere erau voa nawki‐awkanave, Enere kiripai Ni pokoine: uku pani pukurua, lare eua arekamu ai ane. Orere kiripai pokoiai U ikirinave.
30U orere kiripai pei navai pa’avaka’ane, U pu mi’inave, nawki‐awkanave, pu vepenave, U au‐ekunave ane.
31Orere enu inamu laka?-?vakei’inave, orere ipa‐ulau’unave ane: orere enu inamu emai mere U laikinave ane.
32Orere erau voa ekinamakei’inave, Ene umu enei laru ai ruawkava‐peana U enere kiripai voa akina?-?makei’inave kapea ai, U iaa revareva anu miki ipaki?-?makei’inave ane?
33Orere emoki lala’anave, Ierusalema ai vairunave ane, aivara 11 kaupukiakei’inave orere auienave, omo e’e’okava a’a ane.
34Orere erau voa kuruenave, Amua imua mere la’avakeina, Simona anu paku ai U ereane euna ane.
35Awku liakei’inave kapea ai orere kairinani‐kurue?-?nave, uku Una opara U pu vepemakei’inave orere ipa‐ulau’unave.
36Orere orau kurumakei’inave, Iesu verukua oro awkono avao ai oinave, erau voa kuruenave, Airu noro e.
37Oro kore‐ekavakei’inave, varuavakei’inave ane, oro laikoranave avaea oro inamu‐oiaka.
38U erau voa veve’einave, Uku oiana noro varuavakeina? uku oiana noro lai e e mi’ina?
39Na eve, Na are ane, inamu‐eine, Nai eire: neke?-?imi’ine, inamu‐oine ane; uku avaea oia, la’aro ane, miape, orau noro inamu‐oina Nai mi’ina.
40U orau kuruaka’ane, Una eve, are ane, U ipekinave.
41Uku omo kopai, uku oro varuava evopoakei’inave ane, oro pirimaroakoai ali?-?inavea, U erau voa veve’einave, Eu ai pei noro ama‐mi’i?
42Awkoia nava la’a oro au‐awkunave.
43U mi’inave, na’anave ane omo paku ai.
44U erau voa kuruenave, Ei voa Nai kurunainave Nai noro kiripai pokoinave ane, awku uriria evere’eiakeiai limakina, awku eiai voa kikiriakeina Mose enu vupu buka laru ai, laikorava a’a anu buka laru ai, Salamo buka laru ai, uku Nai eiai.
45Omo lai U pamea?-?einave iaa revareva anu voa ipaliai.
46U erau voa kuruenave, Voa orau kikiriakeina, Keriso kukunu miai limakina, rere kaiane lare imua mere la’avai limakina.
47Uku lai urukia, namea paue’awmia ane, Una nawi eiai omoro kuruakeiakana kaki a’a uriria awkono avao ai, Ierusalema ai pinai‐limakina.
48Noro Na ione a’a keina ei awku eiai.
49Akoi’i, Na Mai inu maura voa la’aruku Nai okaiviriai awkamakina noro eiai: a ei pai’iri ai pokoine anea’?-?anea noro iva luki‐namia?-?keia’ane pani muku mere.
50U eravaka‐anenave Betania arekamu ai, Una eve U la‐ekanave, kopai‐ekanave ane.
51U kopai‐ekamakei’?-?inave, U ekeakei’inave, pani muku ai vakaruakei’inave ane.
52Oro avioinave, Ierusalema ai kopai ovara vairunave ane.
53Neko mere ai oro panipani ai omoro marea laru ai rokoamakei’inave, Eloi kopai‐awkamakei’inave ane. Amene.
Attualmente Selezionati:
Luka 24: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
