Yohanna 7
7
Milmiŋgiɗin Yesu dətafnən ɓa
1Dərɓaga aska, Yesu abbalək a Galile, dəŋgəl əmbat a Yude ɓa, vi mə Yudeɗ tay əkayanən kawbayni. 2#MƏS 23:34; ƏMS 16:13Ya əzləra net mə Yudeɗ məs adawyaŋ na əzləra net gizlirkeɗe go'oy. 3Milmiŋgiɗin aɓsənən na: Asil saŋka, dok a Yude, vi gewleɗ nok dulanəngən wəzeɗe nok kədaɗɗa. 4Vi ɗəf aɗaman na zən an aŋgələk ɗiy dəsənəngən ɓa. Adan is tat əɗɗa wəzeɗe vaŋkəŋ na, arban zuk azet ɗiyi. 5Vi milmiŋgiɗin dayday dətafnən ɓa. 6Yesu aɓsit kan na: Pay naw dəgap tagay ɓa. Ya nokum na, pay awani di pak asləka. 7Ənziya egge azelkum na ɓa, ya naw wazelwa, vi in tat ərban na, wəzeɗe nan mbəreytiŋ. 8Nokum məddoŋ a əzləra vani, naw maw tay aka əmbat ɓa, vi pay naw dəgap tagay ɓa. 9Səza anah vaska, nan asanək a Galile.
Yesu a wəzləra net gizlirkeɗe
10Adan milmiŋgiɗin addoŋ a wəzləra, yaŋ nan pak alə məza birre ɓa, va də mahaɗamma. 11Ndəni mə Yudeɗ akayanənək addəv əzləra dawnəh na: Aŋgay aŋ van kan di? 12Əpel agəɗək akan diyɗa a walaŋgit ɗiyi. Ɗiy meɓɓet aɓɗaŋ na: Ɗəf moggoni. Ɗiy meɓɓet tam aɓɗaŋ na: Awwo, ɗiy adawzeti. 13Də as pak ɗəf tay dədawpel wən nan kerekere ɓa, sən geslne net mə Yudeɗi.
14Aka ndiŋndiŋ na wəzləra, Yesu atoŋ addəv Gəla na Maŋgəlva, yaŋ adawyeget ɗiyi. 15Mə Yudeɗ aggətaŋka, aɓɗaŋ na: Mbari ɗəfəŋ asən Ɗerewel na Maŋgəlva vaŋ ndən məs dəyagan ɓaŋ di? 16Yesu azlan sitike aɓsit na: Ya iyak naw səzawi ɓa, səza məs dəslənwi. 17An ɗəf aŋgələk əɗɗa əŋgla na Maŋgəlva na, wasən na əyakəŋ səza Maŋgəlva ade awaniɓa na kiyu nədawpele. 18Ɗəf məzupel na kiyən na, gagdak nan adawkayani, ya ɗəf məzukayan gagdak na məs dəsləna, nan təstəsi, mambray tay azan ɓa. 19Moyis dəpsukum mahenziŋ ɓa sa? Ya ɗəf təttaka səmmbokum tay dərma mahenziŋ ɓa. Vimi kədawkay əbaywən di? 20Ɗiy azlanənək na: Mətemuk kənani: Naway dədawkay əbayuk di? 21Yesu azlani aɓsit na: Wəza təttaka nəgəɗ kaka'ə, kəggətaŋgək pakgukum. 22#MƏS 12:3 VAA 17:10Moyis aɗi sukumək wən na əskəl awra, wən nan səzan ade ɓa, səzet efiŋgiɗmi. Ndəni kədaskəlnin kirin awra pay naffete. 23#YOH 5:9An məskəli ɗəf awra pay naffete vi mahenziŋ na Moyis əray ɓa, ya vimi gəduvkum adawda akaw vi nəmbəlgən ɗəf sokatak pay naffet di? 24Məpan ətawwən va aza ula. Mətawwən təstəsə.
Yesu yi Kristu sa?
25Yaŋ ɗiy na Yerusalem meɓɓet aɓɗaŋ na: Ndəni məs adawkayanən nawbay nak ɓa sa? 26Yaŋ əpel kerekere, tay an adawpeleŋ sənən ɓa. Mbərən ɓa na, ɗiy gugriɗ nam asənnənək gesiŋ na ndəni Kristu soko? 27Ɗəf aŋka, məsənək təki ade, ya pay Kristu adazzani, ɗəf tay nawsən təki adazzan ɓa.
28Yesu tay əyeget ɗiy addəv Gəla na Maŋgəlva, aslanək wəlan dayadaya, amna: Kəsənwənka, kəsənənək səŋga nan di, nəde na kiyu ɓa. Ya məs dəslənwa, nan gesiŋgi, nokum kəsənən ɓa. 29Naw nəsənəka, vi səzan nəde, ndən dəslənwa. 30Yaŋ akayaŋ ərmani, ya ɗəf tay dərəŋgən ɓa vi pay nan dəgap tagay ɓa. 31Ɗiy diyɗa səddəv vanday atafənka, yaŋ aɓɗaŋ na: An Kristu adek na wagəɗ sekeneɗ day ki en ɗəfəŋ agəɗəŋ sa?
Məsləni məgaɗe karma Yesu
32Farisaɗe aprəmənək məs ɗiy adawseske'eŋ aka wən na Yesu, yaŋ deyeɗe net məsdəlveŋge dit Farisaɗe aslənaŋ məgaɗe karmani. 33Yesu Amna: in tat də mənokum pay siɗikke tagay, asna wanəmbat aza məs dəslənwa. 34Wakəkayawəni, ya kərəhwən na ɓa, vi a təki nəsawa, kəɓapən na ədda ɓa. 35Mə Yudeɗ anahaŋgək a walaŋ ziti: Aŋga adawmbat məɓap na ərəhən ɓaŋ di? Wambat azet ɗiy en dətərayaŋ a weleŋgit Grekɗe vi karban sit wən sa? 36Əpeləŋ mbar aŋgəl ənah məs anah na: Wakəkayawəni, ya kərəhwən na ɓa, vi a təki nəsawa, kəɓapən na ədda ɓaŋ di?
Məlpeŋge net iŋkile medereti
37 #
MƏS 23:36
Pay əgrak wəzləra, ndəni pay an na paya. Pay nani Yesu le' ziw apel dayadaya dawnəh na: Ɗəf məs meme adaŋ pak dəde azawa, dəsəgəni, 38#EZE 47:1; ZAK 14:8Ɗəf dətaf pak Ɗerewel Salala amna, məlpeŋge net iŋkile mederet waymaŋ səddəvni. 39Apel vasna aka wən na Əmpəs məs ɗiy en dətafən adawrəhaŋgə, vi Əmpəs van tay tagay ɓa. Məgagdakani Yesu tagay ɓa.
Vanday agohuk aka wən na Yesu
40Ɗiy meɓɓet səddəv vanday net ɗiy məs dəprəmən əpeliska, aɓɗaŋ na: Gesiŋ, ɗəfəŋ məs kəleŋgi. 41Meɓɓet aɓɗaŋ na: Ndəni Kristu. Meɓɓet əmpa aɓɗaŋ na: Kristu sə Galile adazzan sa? 42#2SA 7:12; MIK 5:1Ɗerewel dənah na səddəv mahəlfa na Davit gəm sə Bet-Lehem walaŋgəla sə təki Davit asan Kristu adazzan ɓa sa? 43Uɗak agəɗək a walaŋ vanday aka wən nani. 44Ɗiy meɓɓet sə walaŋgit aŋgəl ərmanəni, ya ɗəf tay dərəŋgən ɓa.
Ki ɓəɓəl net ɗiy gugriɗ net mə Yudeɗi
45Yaŋ məzugaŋ net amndoŋ azet, deyeɗe net məsdəlveŋge dit Farisaɗe, yaŋ net aɓsitin na: Vimi kəkinən ɓa di? 46Məzugaŋ nek azlanənka: Ɗəf tay dəpel ɗah vas ɓa. 47Farisaɗe azlan sitin na: Nokum pak məzokumi sa? 48Ɗəf tay səmmbet ɗiy gugriɗe, awaniɓa sə walaŋgit Farisaɗe məs dətaf sa? 49Ya vanday əŋka, dəsən mahenziŋ ɓa, ɗiy məraygitiŋ. 50#YOH 3:1,2Nikodem taka naret məs dəl ɗah azan lahəŋ aɓsit na: 51Mahenziŋ nam apələk tive nawtaw wən aka ɗəf məza əprəmən daabəŋ gəm də əsən an məs agəɗ ɓa sa? 52Azlanənka, aɓsənən na: Nok pak sə Galile kənan sa? Akayan lewlewi, wakula na məskəleŋ tay məs dəgil sə Galile ɓa.
Yesu gəm guluk məku a gizbe
[ 53Naway pak alək eŋgil ananda.
Attualmente Selezionati:
Yohanna 7: GB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
All right reserved
