চঙি 17
17
হুচুৰ হান্নি, নিয়মনি চিন্নো
1অব্রামনি বয়স জেলা সুকুছিসুকু বৗসৗৰ সায়া, যিহোৱা ঈশ্বৰা অব্রামনা দর্শন লাওমৗন ব্রাকৌ, “আং যিহোৱা ঈশ্বৰ; ইনি মাহাঙায় খৗন্তৗকৱায় লৗজৗমমৗন পুৰা সায়। 2আৰা আং নৗংমৗন আংমৗন মাজাৰায় ইনি নিয়ম ঠিক গাসায়মৗন, নিনি হৗসুগ খৗব বৗদৗই বাঢ়ায় তিন্না।” 3উম্প্রিং অব্রামা হাʼৱায় ব্লৗপৗইমৗন যিহোৱা ঈশ্বৰা উৱো ব্রাকৌ, 4“চৗই আঙৗন নৗংমৗন ইনি নিয়ম ঠিক গাসায়ৌ; উম্প্রিং নৗং জৗতিদোনি আৱা জুদাগ সায়ঙা। 5#ৰো 4:17নিনি মুং অব্রাম ব্রাকৗইমৗন কালাঙি সায়চানা, নাত্নে অব্রাহামসে#17:5 অব্রাহাম: ই মুঙো ইব্রীতিয়া তৗক্রৗই জৗতিদোনি পৰথম আৱা সায়া। সায়ঙা; আতাংনা ব্রাকাৰৗন আং নৗঙো তৗক্রৗই জৗতিদোনি আৱা জুদাগ বানায়ৌ। 6আৰা আং নৗঙো তৗক্রৗই হৗসুগ বানায়মৗন নিনায়প্রিঙৗন তৗক্রৗই জৗতি বানায়ঙা। আৰা ৰাজাদোবান নিনায়প্রিঙৗন পতকঙা।”
7 #
লুক 1:55
“আং নিনি আৰা নিনি জেলা-সেলাঙি হৗসুগনিবান যিহোৱা ঈশ্বৰ সায় গৗমৗন হৗসুগৱায়প্রিং হৗসুগৱাঙা#17:7 পুৰুষানুক্রমে। লাবসায়ৗন গসা নিয়ম সায় গৗমৗন, আংমৗন নৗংমৗন আৰা নিনি জেলা-সেলাঙি হৗসুগ নি মাজাৰায় ইনি নিয়ম ঠিক গাসায়ঙা। 8#দিম 7:5আৰা নৗং পাংতোঙি ই হাসং, ই বেবাক কনান হাসং আং নৗনা আৰা নিনি জেলা-সেলাঙি হৗসুগদোনাবান বুসুঞ্চা লাগেত পাং গৗমৗন লাওঙা; আৰা আং অনোঙিবান যিহোৱা ঈশ্বৰ সায়ঙা।”
9যিহোৱা ঈশ্বৰা অব্রাহামো আবাৰ ব্রাকৌ, “নৗং হলে, ইনি নিয়মো মানায় নিগিনা; নৗং আৰা নিনি জেলা-সেলাঙি হৗসুগদোবান সাকসানায়প্রিং সাকসানাং উৱো মানায় নিগিনা। 10#দিম 7:8; ৰো 4:11আৰা আংমৗন ননোকমৗন আৰা নিনি জেলা-সেলাঙি হৗসুগমৗন মাজাৰায় গৗদৗমতানি ইনি যি নিয়ম পালায় নিগা, উৱো ইয়ৗন, ননোঙি বেবাক মিʼ মাৰাবদো হুচুৰ হান নিগিনা। 11ননোক অৗপিন আপানি তʼতো হলোব হুচুৰ হান; উৱৗন ইনি আৰা ননোঙি মাজাৰায় তান্তানি নিয়মনি চিন্ন সায়ঙা। 12যুগ-যুগাং লাগেত ননোঙি বেবাক মিস্বা জাৰতানি গিন দিনায় হুচুৰ হান নিগিনা; নৗগৌৱায় জনমতানি, এবা আতাং জৗতিনায়প্রিং পৗশি লাওমৗন পৗৰৗইতানি, নিনি হৗসুগৱায়ঙি দংচা ইগিনা নিনি মিলিংনিবান হুচুৰ হান নিগিনা। 13নিনি নৗগৌৱায় জনমতানি আৰা নিনি পৗশিমৗন পৗৰৗইতানি মাৰাবদো হুচুৰ হানন নিগিনা; ইগিনান ইনি নিয়মো ননোঙি কানায় বুসুঞ্চা নিয়ম সায়ঙা। 14নাত্নে যি মাৰাবনি তʼতো হলোব হুচুৰ হান্নি সায়চা, ইগিনা হুচুৰ হানায়চানি মাৰাবো অৗপিনি মাৰাবনি মাজাৰায়প্রিং বাকায়ঙি সায়ঙা; উম্রা ইনি নিয়ম মানায়চা সায়ৌ।”
15যিহোৱা ঈশ্বৰা অব্রাহামো ব্রাকৌ, “নিনি মিচিক সাৰানি বিষিনায় হলে, উৱো সাৰী ব্রাকৗইমৗন আৰা তাʼকালাংজা; নাত্নে উনি মুং সাৰা#17:15সাৰা: ইব্রী ক্রৌতিয়া “ৰাণী।” সায়ঙা। 16আং উৱো বৰ লাওঙা, আৰা উনায়প্রিং নৗনা স্বাবৗন্তৗই সাকসা লাওঙা। আৰা আং উনা বৰ লাওঙায়, উম্রা তৗক্রৗই জৗতিনি আমায় জুদাগ সায়ঙা; আৰা জৰায় জৰায় হাসংনি ৰাজাদোবান উনায়প্রিং পতকঙা।”
17উম্প্রিং অব্রাহামা ব্লৗপৗইমৗন ক্রৗইমৗন, মিনায়মৗন মনায়ৗন ব্রাকৌ, “শʼগসা বৗসৗৰায়ঙি মাৰাবা স্বা মান্না নাতুং? আৰা সুকুছি বৗসৗৰায়ঙি সাৰাৱা কি স্বা মান্না নাতুং?” 18আৰা অব্রাহামা যিহোৱা ঈশ্বৰো ব্রাকৌ, “নিনি মাহাঙায় ইশ্মায়েল হেংমৗন পাঙৗন।”
19উম্প্রিং যিহোৱা ঈশ্বৰা ব্রাকৌ, “দংচা, নিনি মিচিক সাৰাজু নিনি গৗমৗন স্বা-বৗন্তৗই সাকসা জনম লাওঙা, আৰা নৗং উনি মুং ইসহাক#17:19 ইসহাক:ইব্রী ক্রৌতিয়া “মিন্নি।” তান; উনি জেলা-সেলাঙি হৗসুগনি গৗমৗন বুসুঞ্চা নিয়ম সায় গৗমৗন, আং উমৗন অৗগ্রৗম ইনি নিয়ম ঠিক গাসায়ঙা। 20আৰা ইশ্মায়েলনি বিষিনায় হলে, আং নিনি সেওহেপমি নৗতৗমৌ; চৗই, আং উৱো বৰ লাৱৌ; উৱোবান তৗক্রৗই হৗসুগ তাকঙা, আৰা উনি স্বাজং খৗব বৗদৗই বাঢ়ায় তিন্না; উনি কানছিঃমৗন ছিনিং মাৰাব তাংগাম জনম সায়ঙা, আৰা উবায়প্রিং আং গসা গদা জৗতি গুদুন্না। 21নাত্নে ফৗইতোঙি বৗসৗৰায়ঙি ই সমায়ায় সাৰাজু নৗনা গৗমৗন যিয়ো জনম লাওঙা, উ ইসহাক মৗনসৗন আং ইনি নিয়ম ঠিক গাসায়ঙা।” 22ইগিনান যিহোৱা ঈশ্বৰা অব্রাহামমৗন ক্রৌ শুং ব্রাকৗইমৗন বুসুনমৗন, উনি খৗতৗইপ্রিং পিৰাঙা দুংনাঙৌ।
23উম্প্রিং অব্রাহামা অৗপিনি স্বাবৗন্তৗই ইশ্মায়েলো, আৰা অৗপিনি নৗগৌৱায়ঙি জনমতানি আৰা অৗপিনি টাকামৗন পৗৰৗইতানি বেবাকন, মানে অব্রাহামনি নৗগৌৱায় বেবাক মিʼ মাৰাব তৱা, উ বেবাকন লায়মৗন, যিহোৱা ঈশ্বৰ উনা হুকুম লাওতানি গানান, উচিনিঙৗন বেবাঙিন তʼতো হলোব হুচুৰ হানৌ। 24অব্রাহামা অৗপিনি তʼতো হলোব হুচুৰ হান্নি সমায়ায়, উনি বয়সো সুকুছিসুকু বৗসৗৰ সায়ৌ। 25আৰা উ সমায়ায় উনি স্বাবৗন্তৗই ইশ্মায়েলনি বয়সো ছিথাম বৗসৗৰ সায়ৌ। 26উ সানসা চিনিঙৗন অব্রাহাম আৰা স্বাবৗন্তৗই ইশ্মায়েল, ই মাৰাব মৗংনিঙোন হুচুৰ হান্নি সায়ৌ। 27আৰা নৗগৌৱায় জনমতানি এবা আতাং জৗতিৱায়প্রিং টাকামৗন পৗৰৗইতানি উনি নৗগৌৱায়ঙি বেবাক মিʼ মাৰাবদো উমৗন অৗগ্রৗম হুচুৰ হান্নি সায়ৌ।
Attualmente Selezionati:
চঙি 17: RABHBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
The Bible Society of India
© 2023, Used by permission. All rights reserved. More
