ÂTHAONA 13
13
Abarâ nata Lawta amâ chhaih
1Abarâ cha a lapinô, a hneipa zydua nata Lawta chhaota Izi râh tawhta Neke lâ khy ta. 2Abarâ cha sahrohzy, tâkâzy, ngôhzy ta hneirôh ngaita ta. 3Neke tawhta sie ta, Bethel tlô ta, cha su cha hmia lâta Bethel nata Ai khih likawh ta poh o a raina su, 4maisâh a tao tuana su kha a châ. Cha liata Abarâ ta Abeipa moh pado ta.
5Abarâ hnohta a sie hrapa Lawta chhao mietaku zaw, viahchao zaw nata poh o zy hnei ta. 6Ama hmo hneipa a hluh ngaitapa vâta, su kha liata pahrâ khoh awpa ta râh ta â daih khao leipa vâta, hmaohkha ta pahrâ thei awpa châ khao leipa ei ta. 7Abarâ sahroh vaituhpazy nata Lawta sahroh vaituhpazy likah liata ahryuna vaw pua ta. Cha daihti liata, cha râh liata a pahrâpazy cha Kâna mo nata Perizi mozy ama châ.
8Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih. 9Na hmiakô liata râh zydua y vei mâ? Ngiachhiepa ta keima tawhta a panano thlâh ha mah y. Nâ chavei lâ na sie khiahta cha, kei chachâh lâ sie aw na ta, nâ chachâh lâ na sie khiahta cha, kei chavei lâ ei sie aw,” tah ta.
10 #
Âtn 2.10
Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô#13.10 He liata “Abeipa sadô” he Idâh sadô a châ. hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ. 11Lawta cha ano châta Zawdâh bypi zydua a tlyh ta, nochhi lâ pangaipa ta sie ta. Cha hawhna chata Abarâ nata Lawta cha a chhaih ha ei ta. 12Abarâ cha Kâna râh liata a ngua ta, Lawta cha Bypi khihzy liata pahrâ ta, Sawdawmâ khih taihta a poh o pakawh lymâ ta. 13Sawdawmâ chyhsazy cha molei ngaita ei ta, Abeipa chô liata hmo thata parao ei ta.
14Lawta ta Abarâ â pasiesai tawhta, Abeipa ta Abarâ hnohta, “Na yna tawhna khata mohmia pasaih la, maw nata chho lâ zy, nochhi nata notla lâzy sai tua. 15#Hmt 7.5Râh na hmôpa zydua nâma nata na pathlazy hnohta chhâzaw châta ei cha pie aw ei. 16Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw. 17Râh he ei cha pie awpa vâta, thyu la, a doh lâ nata a hâ lâ chahry khai mah y,” tah ta.
18Chatanachata Abarâ cha a poh o pasie ta, Hebraw liata Mâmre tho thih liata yna su paryh ta, cha liata Abeipa châta maisâh tao ta.
Attualmente Selezionati:
ÂTHAONA 13: MARVBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
The Bible Society of India
© 2023, Used by permission. All rights reserved.
