GENESIS 5
5
1Buka asi ade la ne ita mai atha Adam nai nia. Afa boṉi eri na tha God e thauwai nia imole, ka thauwai nia sulia nuuna tha God; 2E thauwanidaroa wane ma kini; sui ka alua lea la fafidaroa, ka alania thatadaroa ana Adam afa boṉi eri ne thauwanida. 3Ma tha Adam ka to bana sulia tee taleṉee fa ṉali ma ulu tafulu fa ṉali, sui ka tharea kaluwane nia sulia nuuna i talaana, ka alaṉia thatana atha Sete: 4Ma fa boṉi tha Adama ki buriana ne tharea tha Sete, kwalu taleṉee fa ṉali: ma nia ka tharea tei kaluwane nia ki ma thari nia ki: 5Ma fa boṉi eki sui boo ana to lana tha Adam, sikwa taleṉee fa ṉali ma ulu tafulu fa ṉali; sui ka bii mae.
6Ma tha Sete ka to bana sulia tee taleṉee fa ṉali ma lima fa ṉali, sui ka tharea tha Iṉosi: 7Ma tha Sete ka to bana buriana ne tharea tha Inosi sulia kwalu taleṉee fa ṉali ma fiu fa ṉali; ma nia ka tharea tei kaluwane nia ki ma thari nia ki: 8Ma fa boṉi eki sui boo ana to lana tha Sete, sikwa taleṉee fa ṉali ma tee tafulu fa ṉali ma ro fa ṉali: sui nia ka bii mae.
9Ma tha Inosi ka to bana sulia sikwa tafulu fa ṉali, sui ka tharea tha Kenana: 10Ma tha Inosi ka to bana buriana ne tharea tha Kenana sulia kwalu taleṉee fa ṉali ma tee tafulu fa ṉali ma lima fa ṉali; ma nia ka tharea tei kaluwane nia ki ma thari nia ki: 11Ma fa boṉi eki sui boo ana to lana tha Inosi, sikwa taleṉee fa ṉali ma lima fa ṉali: sui nia ka bii mae.
12Ma tha Kenana ka to bana sulia fiu tafulu fa ṉali, sui ka tharea tha Mahalalila: 13Ma tha Kenana ka to bana buriana ne tharea tha Mahalalila sulia kwalu taleṉee fa ṉali ma fai tafulu fa ṉali; ma nia ka tharea tei kaluwane nia ki ma thari nia ki: 14Ma fa boṉi eki sui boo ana to lana tha Kenana, sikwa taleṉee fa ṉali ma tee tafulu fa ṉali: sui nia ka bii mae.
15Ma tha Mahalalila ka to bana sulia ono tafulu fa ṉali ma lima fa ṉali, sui ka tharea tha Jareta. 16Ma tha Mahalalila ka to bana buriana ne tharea tha Jareta sulia kwalu taleṉee fa ṉali ma ulu tafulu fa ṉali; ma nia ka tharea tei kaluwane nia ki ma thari nia ki: 17Ma fa boṉi eki sui boo ana to lana tha Mahalalila, kwalu taleṉee fa ṉali ma sikwa tafulu fa ṉali ma lima fa ṉali: sui nia ka bii mae.
18Ma tha Jareta ka to bana sulia tee taleṉee fa ṉali ma ono tafulu fa ṉali ma ro fa ṉali, sui ka tharea tha Inoka: 19Ma tha Jareta ka to bana buriana ne tharea tha Inoka sulia kwalu taleṉee fa ṉali; ma nia ka tharea tei kaluwane nia ki ma thari nia ki: 20Ma fa boṉi eki sui boo ana to lana tha Jareta, sikwa taleṉee fa ṉali ma ono tafulu fa ṉali ma ro fa ṉali: sui nia ka bii mae.
21Ma tha Inoka ka to bana sulia ono tafulu fa ṉali ma lima fa ṉali, sui ka tharea tha Methusela: 22Ma tha Inoka ka lae ofu bia tha God buriana ne tharea tha Methusela sulia ulu taleṉee fa ṉali; ma nia ka tharea tei kaluwane nia ki ma thari nia ki: 23Ma fa boṉi eki sui boo ana to lana tha Inoka, ulu taleṉee fa ṉali ma ono tafulu fa ṉali ma lima fa ṉali: 24Ma tha Inoka ka lae ofu bia tha God: sui ka a’i si to naa; uria na tha God e ṉali nia.
25Ma tha Methusela ka to bana sulia tee taleṉee fa ṉali ma kwalu tafulu fa ṉali ma fiu fa ṉali, sui ka tharea tha Lemeke: 26Ma tha Methusela ka to bana buriana ne tharea tha Lemeke sulia fiu taleṉee fa ṉali ma kwalu tafulu fa ṉali ma ro fa ṉali; ma nia ka tharea tei kaluwane nia ki ma thari nia ki. 27Ma fa boṉi eki sui boo ana to lana tha Methusela, sikwa taleṉee fa ṉali ma ono tafulu fa ṉali ma sikwa fa ṉali: sui nia ka bii mae.
28Ma tha Lemeke ka to bana sulia tee taleṉee fa ṉali ma kwalu tafulu fa ṉali ma ro fa ṉali, sui ka tharea kaluwane nia: 29Ma nia ka alaṉia thatana atha Noa, ka una eri, Wela nei kai faainamaruki koro sulia ra koro eri ma ulafu lakaroa ana aba koro ki uria theegano na tha Jihova e alua taa la ka to fafia na ba. 30Ma tha Lemeke ka to bana buriana ne tharea tha Noa sulia lima taleṉee fa ṉali ma sikwa tafulu fa ṉali ma lima fa ṉali; ma nia ka tharea tei kaluwane nia ki ma thari nia ki: 31Ma fa boṉi eki sui boo ana to lana tha Lemeke fiu taleṉee fa ṉali ma fiu tafulu fa ṉali ma fiu fa ṉali: sui nia ka bii mae.
32Ma limana taleṉee fa ṉali e sui atha Noa: ma tha Noa ka tharea tha Semo, ma tha Hamu, ma tha Jefeta.
Attualmente Selezionati:
GENESIS 5: MLU1949
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
British and Foreign Bible Society 1949, 1951
