Maitiú 11
11
Caibidil XI
Cuireann Eoin a ḋeisciobail ċuig Críost. Cáineann Críost díċreideaṁ na n-Iúdaċ, agus goireann sé ċuige na daoine a mbíonn ualaiġe ag goillstin orṫa.
1Agus ṫárla, nuair a ċríoċnuiġ Íosa múineaḋ a ḋáréag deisciobal, gur imṫiġ sé as sin a ṫeagasc agus a ṡeanmóireaċt ina gcaṫraċa.
2Agus nuair a ċuala Eoin,#Lúc. 7, 18. agus é gaiḃte, fá oibreaċa Ċríost, ċuir sé beirt dá ḋeisciobail ċuige, gur ḋuḃairt leis:
3An tusa an té atá le ṫeaċt, nó an mbéimíd ag súil le duine eile?
4Agus duḃairt Íosa leo, ġá ḃfreagairt: Imṫiġigiḋ agus innsigiḋ do Eoin na neiṫe a ċuala siḃ agus a ċonnaic siḃ.
5Tá raḋarc ag na daill,#Isaias 35, 5. tá siuḃal ag na bacaiġ, glantar na loḃair, tá éisteaċt ag na boḋair, éiriġeann na mairḃ, agus tá an soiscéal dá teagasc do na boċta;#Isaias 61, 1.
6Agus is beannuiġṫe an té naċ ḃfaiġiḋ scainneal ionnam-sa#11, 6 Scainneal ionnam-sa. Is é sin le ráḋ, is beannuiġṫe an té naċ ndéanfaḋ peacaḋ tré ṫaḃairt ċúil do. Ċríost mar ġeall ar a uirísleaċt agus ar a ḃás náireaċ ar an ċroiċ..
7Agus nuair a ḃí siad-san ag imṫeaċt,#Lúc. 7, 24. ṫorsiġ Íosa a ráḋ leis na sluaiġte fá Eoin: Cad é a ndeaċaiḋ siḃ amaċ san ḟásaċ a ḟeiceáil? Giolcaċ dá luascaḋ le gaoiṫ?
8Aċt cad é a ndeaċaiḋ siḃ aṁaċ a ḟeiceáil? Fear gléasta i n-éadaiġe míne? Féaċ, is i dtiġṫe na ríoġ a ḃíos luċt an éadaiġ ṁín.
9Aċt caḋ é a ndeaċaiḋ siḃ amaċ a ḟeiceáil? Fáiḋ? Is eaḋ, adeirim liḃ, agus duine is mó ná fáiḋ.
10Óir is é seo an té a ḃfuil sé scríoḃṫa#Mal. 3, 1; Marc. 1, 2; Lúc. 7, 27. fá dtaoiḃ de: Féaċ, tá mé ag cur m’aingil róṁat amaċ ċun do ṡliġe a réiḋteaċ róṁat.
11Amén adeirim liḃ, níor éiriġ eadar ċlanna ban aoinneaċ is mó ná Eoin Baiste; aċt is mó ná é an té ar luġa é i ríoġaċt na ḃflaiṫeas.
12Agus ó laeṫe Eoin Baiste go dtí anois tá foiréigean#11, 12 Foiréigean. Ní féidir an ríoġaċt a ḃaint amaċ gan foiréigean a ḋéanaṁ orainn féin le colann-smaċt agus oibreaċa aiṫriġe, agus le smaċtaḋ na ndroċ-ċlaonaḋ atá ionainn. dá ḋéanaṁ ar ríoġaċt na ḃflaiṫeas, agus is iad luċt ḟoiréigin atá ġá fuadaċ.
13Óir rinne na fáiḋe uilig agus an dliġe fáiḋeadóireaċt go dtí Eoin.
14Agus má’s toil liḃ a ṫuigsin, is é seo Elías#11, 14 Elías. Ní i bpearsain aċt i spiorad. (Lúc. 1, 17.)#Mal. 4, 5. a ḃí le ṫeaċt.
15An té a ḃfuil cluasa ċun éisteaċta air, éisteaḋ sé.
16Cá leis, mar sin, a saṁlóċaiḋ mé an ġlúin seo? Is cosaṁail iad le páistí ina suiḋe i láṫair an ṁargaiḋ, a scairteas le n-a gcomrádaiḋṫe,
17Agus a deir: Rinneamar ceol díḃ, agus ní ḋearna siḃ daṁsa; rinneamar caoinead, agus ní ḋearna siḃ mairgneaċ.
18Óir ṫáinic Eoin gan é ag iṫe ná ag ól, agus deir siad: Tá deaṁan ann.
19Ṫáinic Mac an Duine agus é ag iṫe agus ag ól, agus deir siad: Féaċ, sin agaiḃ duine craosaċ agus póitire fíona, cara na bpuibliocánaċ agus na bpeacaċ. Agus fuair an eagna a saoraḋ tré n-a cloinn féin.
20Annsin ṫoisiġ sé a loċtaḋ na gcaṫraċ ina ndearnaḋ an ċuid ba ṁó dá ṁíorḃailte, de ḃríġ naċ ndearna siad aiṫriġe.
21Is mairg duit,#Lúc. 10, 13. a Ċorosáin, agus is mairg duit, a Ḃeṫsaida, óir dá ndéantaí i dTior agus i Sídoin na míorḃailte a rinneaḋ ionnaiḃ-sé, ḃéaḋ aiṫriġe déanta acu i ḃfad ó ṡoin i n-éadaċ róin agus i luaiṫ.
22Aċt deirim liḃ, go mbéiḋ sócaṁal ag Tior agus ag Sídoin ar lá an ḃreiṫeaṁnais, ṫar mar ḃéas agaiḃ-se.
23Agus tusa, a Ċaṗarnaum, an aṁlaiḋ a árdóċar go neaṁ ṫú? Raċaiḋ tú síos go h-ifreann. Óir dá ndéantaí i Sodom na míor-ḃailte a rinneaḋ ionnat-sa, b’ḟéidir go mairḟeaḋ sé go dtí an lá atá indiu ann.
24Aċt deirim liḃ, go mbéiḋ sócaṁal ag tír Ṡodoim ar lá an ḃreiṫeaṁnais ṫar mar ḃéas agat-sa.
25San am sin d’ḟreagair Íosa, agus duḃairt: Ḃeirim buiḋeaċas duit, a Aṫair, a Ṫiġearna neiṁe agus talaiṁ, de ḃríġ gur ḟoluiġ cú na neiṫe seo ar luċt eagna agus críonnaċta, agus gur ḟoillsiġ tú iad do leanḃáin.
26Seaḋ, a Aṫair, de ḃríġ gurḃ í sin do ḋéaġ-ṫoil.
27Tá na h-uile neiṫe tugṫa daṁ-sa ag m’Aṫair.#Eoin 6, 46 agus 7, 28 agus 8, 19, agus 10, 5. Agus ní h-aiṫnid d’aoinneaċ an Mac aċt an t-Aṫair, agus ní h-aiṫnid d’aoinneaċ an t-Aṫair aċt an Mac, agus an té ar ṫoil leis an Ṁac a noċtaḋ dó.
28Taraigiḋ ċugam-sa, siḃ-se uilig a ḃíos tuirseaċ ag obair agus faoi ualaċ ṫrom, agus ḃéarfaiḋ mé faoiseaṁ díḃ.
29Árduiġigiḋ mo ċuing-se oraiḃ, agus foġlaimigiḋ uaim, óir tá mé ceannsa, agus uiríseal i gcroiḋe, agus ġeoḃaiḋ siḃ suaiṁneas do ḃur n-anmanna,#Ier. 6, 16.
30Óir is séiṁ í mo ċuing, agus is éadtrom é m’ualaċ.#1 Eoin 5, 3.
Attualmente Selezionati:
Maitiú 11: ASN1943G
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
rights held by the Bible Society in Northern Ireland
