Kueraakua 5
5
Adaniri sïrukua
(1~Uant 1.1-4)
1I jintesti takukata enka Adaniri sïrukua karakata jaka: Imani jurhiata enka Diósï, kueraaka k'uiripuni, mák'ueni ják'usti eska ima na jáxeka. 2Tataka ka nanakani kueraasti ka úch'akuraasti imani jurhiatekua enka kuerauapka ka Adani jakankurhitaspti.
3Adani kuímu ekuatse ka témpeni (130) uéxurhini jatirispti enka sapini ma kánkorhepka enka sésimentu tsïtsïnt'apka ka Séti jakankurhitaspti. 4Enka na sapini kánkorhepkia, Adani máteru tsimani irepeta (800) uéxurhini irekaspti ka kánkorheaspti máteru sapichani. 5Adani tsimani irepeta ka kuímu ekuatse ka témpeni (930) uéxurhini jatirispti enka uarhipka.
6Séti iúmu ekuatse ka iúmu (105) uéxurhini jatirispti enka Enosini kánkorhepka. 7Enka na Setini ka Enosini kámapkia, tsimani irepeta ka iúmu tsimani (807) uéxurhini irekasptiteru ka máteru sapichani kaaspti. 8Seti tsimani irepeta ka iúmu ekuatse ka témpeni tsimani (912) uéxurhini jatiri uarhispti.
9Enosi t'ámu ekuatse ka témpeni (90) uéxurhini jatirispti enka Kainani kánkorhepka. 10Enka na kámapkia Kainani, Enosi máteru tsimani irepeta ka témpeni iúmu (815) uéxurhini irekaspti ka sánteru sapichani káaspti. 11Enosi tsimani irepeta ka iúmu ekuatse ka iúmu (905) uéxurhini jatiri uarhispti.
12Ka Kainani tanimu ekuatse ka témpeni (70) uéxurhini jatirispti enka Malalelini kámapka. 13Enka na Malalelini kámapkia, tsimani irepeta ka tsimani ekuatse (840) uéxurhini irekasptiteru ka máteru káaspti sapichani. 14Kainani tsimani irepeta ka iúmu ekuatse ka témpeni (910) uéxurhini irekaspti.
15Malaleli tanimu ekuatse ka témpeni iúmu uéxurhini jatirispti enka Jeredini kámapka. 16Enka na Jeredini kamapkia, Malaleli tsimani irepeta ka ma ekuatse ka témpeni (830) uéxurhini ka sánteru sapichani káaspti. 17Malaleli tsimani irepeta ka t'ámu ekuatse ka iúmu (895) uéxurhini jatiri uarhispti.
18Jeredi iúmu tanimu ekuatse ka tsimani (72) uéxurhini jatirispti enka uáp'a Enoki antap'enupka. 19Enka na Enokini kámapkia, Jaredi tsimani ekuatse (800) uéxurhini jatirispti ka kaaspti máteru sapichani. 20Jeredi tsimani irepeta ka iúmu tanimu ekuatse ka tsimani (962) uéxurhini jatiri uarhispti.
21Enoki tanimu ekuatse ka témpeni ka kuímu (75) uéxurhini jatirispti enka uáp'a Matusaleni antap'enupka. 22Enka na Matusaleni antap'enupkia, Enoki méntku isï Diósï jinkuni jámaspti témpeni ka iúmu ekuatse (300) uéxurhini ka máteru sapichani káaspti. 23Enoki témpeni iúmu tanimu ekuatse ka uímu (365) uéxurhini irekaspti. 24Enoki méntu isï Diósï jinkuni jámaspti, ma jurhia uarhispti jimpoka Diósï p'íkunt'aspka.
25Matusaleni iúmu tanimu ekuatse ka iúmu tsimani (187) uéxurhini jatirispti enka uáp'a Lámekini kámapka. 26Enka na Lamekini kamapkia, Matusaleni ma irepeta ka témpeni ka t'ámu ekuatse ka tsimani (782) uéxurhini jatirispti, ka sánteru sapichani káaspti. 27Matusaleni tsimani irepeta ka iúmu tanimu ekuatse ka iúmu t'ámu (969) uéxurhini jatiri uarhispti.
28Lameki iúmu t'ámu ekuatse ka tsimani (182) uéxurhini jatirispti enka sapini ma kámapka, 29imani Noé jakankurhitaspti, Its'ïni p'ímutant'aati xáni ánchekorheta, echerirhu enka ACHA ikimeka. 30Enka na Noéni kamapkia, Lameki ma irepeta ka iúmu t'ámu ekuatse ka iúmu (595) uéxurhini jatirispti ka máteru sapichani káaspti. 31Lámeki ma irepeta ka témpeni iúmu tanimu ekuatse ka témpeni iúmu tsimani (777) uéxurhini irekaspti.
32Noé ma irepeta ka iúmu ekuatse (500) uéxurhini jatiri Semini ka Kámani ka Jafetini káaspti.
Attualmente Selezionati:
Kueraakua 5: BI-PURHE
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Biblia en P´urhépecha, Michoacán, México © Sociedad Bíblica de México, A.C.
