Wĭkheegŭn 5
5
1Net kes kesĭtpehak yootŭl kekwsāăl wĭkwhŭpaltenāāpŭn Lĕsweesoo ĭkŏŏk, ha Sāsoos ŭlĭtkwakwĕhāpŭn Sāloosălĕmk’.
2Net Sāloosălĕmk’ pĕgootābāāgĕk ëu kwĭheu’ ŭsepĭkhagŭnĕhteegŭnŭk lewesweu’ Lĕswesooădooāmŭk, Bĕtĕsda, (K’tŭmagĕl‐kāweekwŏm,) nanŭnool tŏŏhsanŭl.
3Ha ŭktanakwsoobunĭk ĕlakwāchĭk ŭksenookāwenooŭk yootŭl tŏŏhsanŭl, ’nkabooltoobŭnĭk, ha askasooltooŭk, ha tanĭk nĕ booĭkpŭnĭl oopete’nooŏl ha ookadooŏl, ootŭt-laskooŏhtooneapŭn, matpĕgātasoo samagwŏn.
4Eebŭchŭl asāl’ pŭnĕhgwĕsoopŭn kenooweu’ chooŏhpĕsoopŭn pĕgootĕbāāgĕk ha mătpĕgātoonāpŭn samagwŏn. Netwāje tan wĕn tŭmk chāupĕsĭtpŭn kese mătpĕgā’tasĭk samagwŏn, nŭt kekŭhootpŭn tan kĕkwsā kĕsenookatpŭn.
5Ha ooskedape ëu’bŭnŏk net tĕt tanâk’ kĕsenookatpŭnŏk n’sĭnsk kĕseegŭtŭn chĕl oogŭmoolchĭn.
6Sāsoos nŭmĭhat ootlŭsĭnlĭn, ha kŭjejĭhal ootŭlāeelin net kespĭhchĕ’, ooteha’pŭnĭl: Koole’dŭha’dŭmŭn kekŭhoogĕn?
7Tan kĕsenookat ootasedāmal: Sakŭm, skadama wĕn n’tëuaoo n’choopĕhlŭkoon pĕgootābāāgĕk tan toocheu samagwŏn mătpĕgātaasĭk: kānookŭloo kwāne‐lehac tŭmk kŭtŭk nekane‐chooŏhpĕsoo.
8Sāsoos ootĭhal: Oonagĕs! oonagĕh’t koo‐oot’, ha pŭmoosĕn!
9Ha nŭkŭsaeu ooskedap’ oolāu, ha oonagĕhtoon ookoo‐oot’, ha pŭmoosĕh. Ha net keesook atlasemooekeesook.
10Netwāje Lĕsweesŭk ootĭhawŏl: Atlasemooekeesook yoot: skat kooche‐kesĕltŭmagāāwŭn ŭlgetŭmooa’gŭnŭk ŭkpŭmĭptoon koo‐oot’.
11Ooskedăp ootĭha: Nāgŭm tan keekĭhĭt n’teehŭkw, Oonagĕht koo‐oot’, ha pŭmoosĕn’, (pŭmĭh.)
12Netwāje pabĕhchematĭt: Wĕn ëa’ nŭt ooskeedăp tan yoohoosk’, Oonagĕht koo‐oot’ ha pŭmowsooĭn? (pŭmĭh?)
13Kānookŭloo tan kekŏŏhoot’ skat ookŭjejehow’eŭl tan wĕnĭl: eebŭchŭl Sāsoos sĕmasŏŏp’ŭn, eebŭchŭl kŭtanakwsoobŭnĭk āooltĭtpŭnĭk net tĕt.
14Agĭmtĕ Sāsoos ootŭtlĭmskoowŏl k’che-hemeāwekwamŭk, ha ootĭhal: Sagĭh’t kekŭhook’; moosa’k patawĕhkasekŭch ăpch: skat ăjemŭtooā‐yenookĭch egahak ŭkhŭkĕk.
15Ooskedăp machĕhĕ ha ootĭha Lĕswees Sāsoos nŭt tan kekŭhatpŭn.
16Ha netwāje Lĕsweesŭk ootŭbloomawŏl Sāsoosŭl, ha ootŭkwājenāpahawŏl, eebŭchŭl yootŭl ĕlookājĭl atlasemooekeesook.
17Kānookŭloo Sāsoos ootŭleasedāma: N’mĭhtakws pĕmlookĕt malŭmŭtĕ tŭkāch’ ha nel n’tŭlook’.
18Netwāje Lĕsweesŭk peāmekwāche‐nāpahawŏl, eebŭchŭl skat tĕpŏŏk’t oosŭgwŏŏ-skĕhtooŭn atlasemooekeesook, kānookŭloo māch ăpch etŭmoo’pŭn Nŭkskamŭl Oometakwsĭn, ha lĕhlŭsoopŭn ootĕtpowoote’nea Nŭkskamŭl.
19Netwāje ootŭleasedāma, ootĭha: Ulāu, ŭlāu, tan yŏŏhoolĕkw, Wĕmĭtakwsĭt skatŭk kĕkw kese ŭnkoodŏŏkalĕhtagāoo’; tĕpŏŏkt nŭmĭhat’ Wĕgwŏŏselejĭl ĕlā’tagālĭt eebŭchŭl tānĭl Nāgŭm ĕlātagĕt, neetŭl ëaga Wĕmĭtakwsĭt tŭhaloo ĕlelĕhtagĕt.
20Wĕgwŏŏsĭt oomoosalal Wĕmĭtakwselejĭl, ha ootŭgĕhkemanŭl ’mseu kĕkwsāă! tanĭl ĕlātagĕt. Ha oomŭsooātooŏnŭlch’ ăjenŭkŭmkĭkoonool’ skatŭk yootŭl, wĕlaman koocheasŭgedŭha‐soolteneach’.
21Eebŭchŭl stŭkā’ Wĕgwŏŏsĭt abăjĭphat n’poo’enoo ha pŭmowsooĕtahsĭt, net pĕskoon Wĕmĭtakwsit pŭmowsooĕtahsĭt tan ĕle‐ooledŭhadŭk.
22Eebŭchŭl Wĕgwŏŏsĭt skat ootŭbloomoweyŭl wĕnĭl, kānookŭloo ’mseu ŭtploodŭmooagŭn oomeetan Wĕmĭtakwselejĭl.
23Wĕlaman ’mseu wānĭk ookeche‐tŭmetŭhamawŏl Wĕmĭtakwselejĭl stŭkā’ ĕle‐keche-tŭhamatĭt Wĕgwŏŏsilĭjĭl. Tan wŏŏt skat kechetŭme‐tŭhamak’w Wĕmĭtakwselejĭl skat nāgŭm ookeche‐tŭme‐tŭhamow’eŭl Wegwŏŏselejĭl tanĭl pĕtŭkĭmtŭpŭnĭl.
24Ulāu, ŭlāu, yŏŏhoolĕkw, tan wĕn noo’tŭk ’nkŭlooswagŭn, ha wĕlamsŭtŭk oohŭkĕk tan pŭtŭkĭmĭtpŭn, ooteeĭn askŭmowsooagŭn, ha skatŭch eegehāoo wŏŏnmăjĭtploodŭmooagŭn ĭkŏŏk; kānookŭloo ookeseuchenoodĕhĕ n’pooa’gŭnŭk agĭmtĕ pŭmowsooa’gŭnŭk.
25Ulāu, ŭlāu, yŏŏhoolĕk’w, tĕbŭnaskooĭhak kŭte‐egĕhĕ, ha tŭkāch’ kese‐egĕhĕ, tan toocheu’ n’pooenooŭk oonoodŭmootenea’ch Nŭkskam Ookwŏŏsŭl ookŭlooswagŭn; ha tanĭk oonoodŭmootenea’ch pŭmowsooltooŭkch.
26Eebŭchŭl stŭkā’ Wĕgwŏŏsĭt āĭt pŭmowsooagŭn oohŭkĕk, net ĕlemeelat Wĕmĭtakwselejĭl oote‐eelĭn pŭmowsooagŭn oohŭkĕk.
27Ha oomelanāpŭn pĕltŭmooagŭn ootŭbloodŭmŭlĭn, eebŭchŭl nāgŭm pŭmowsooĭn Ookwŏŏsŭl.
28Moo sak’ asŭksŭtŭmookĕkw yoo’tŭl. Eebŭchŭl tĕbŭnaskooĭhak egĕhĕ tan toocheu ’mseu wānĭk tanĭk āooltejĭk pooskŭnegŭn-alkwĭkŏŏk oonoodŭmootenea’ch ookŭlooswagŭn;
29Ha ooche‐mooska‐basooŭkch, tanĭk kese wŏŏlātakhŭtĭtpŭnĭk, pŭmowsooagŭnā’ abĭjebĕmkāwā’ ĭkŏŏk; ha tanĭk patawĕk-asooltĭtpŭnĭk, wŏŏnmăjĭtploodŭmooagŭnā’ abĭjebĕmkāwā’ ĭkook.
30Skat kĕkw n’kesĭnkwŏŏtoogŭtŭmoo. Tan ĕlenoo’dŭm net ĕlĭtploo’dŭm; ha n’tŭploodŭmooagŭn keakwĭhĕ. Eebŭchŭl skat ’nkwelooŏtoo’ŭn nel nooledŭhadŭmooagŭn; kānookŭloo n’kwelooŏhtooŏn’ Wĕgwŏŏsĭt ooledŭhadŭmooagŭn tan pĕtŭkemĭtpŭn.
31N’speuwŏŏlamāuseân’ nŭspeuwŏŏlamāwagŭn skat ŭlehāu.
32Kŭtŭk ëu tan nĕspeuwŏŏlamāwĭt, ak n’kŭjejĭhtoon oonŭspeuwŏŏlâmāwagŭn ŭlĭhĕ, tan ĕlĭnspeuwŏŏlămāwĭt.
33Kelooow’ ŭktŭlgegĕsĭneaapŭn Sabadĭsk’, ha nāgŭm lĭnspeuwŏŏlămāāpŭn oolămāwa’gŭnŭk.
34Kānookŭloo nel skat noochewekwĕhtoo’ŭn n’speuwoolămawagŭn pŭmowsooenoo ĭkŏŏk. Kānookŭloo yootŭl kĕkwsāăl etŭmanĭl wĕla nan koochekekateneap’.
35Nāgŭm (Sabadĭs) pŭsakwhāpŭn tŭlămkŭlāpŭn ha ŭksahtooāpŭn, ha kelooow’ kooledŭhadŭm‐ŭneapŭn makeāoo kooledŭhasooltenea oopŭsakwhĕgŭm ĭkŏŏk.
36Kānookŭloo peāme nŭgŭmkĭkwŏŏn n’speuwŏŏlămāwagŭn n’teĭn skatŭk Sabadis oonŭspeuwŏŏlămāwagŭn; eebŭchŭl lookāwa’gŭnŭl tanĭl Wĕgwŏŏsĭt melĭtpŭnĭl n’kesātoon, yootŭl lookāwa’gŭnŭl tanĭl ĕlookeanĭl, nŭspeuwŏŏlămāookoonŭl, Wĕgwŏŏsĭt n’pĕtŭkĭmkoon.
37Ha N’mĭhtakws tan pĕtŭkemĭtpŭn n’kespeuwŏŏlamāookoopŭn. Kelooow’ skat k’noodŭmooowŭneaweepŭn ĕltakwsĭt, kŭsŭna skat k’nŭmehoweuwaapŭn tan ĕleegĭt.
38Ha ookŭlooswakŭn skat ŭktemooowwŏŏnea mĕjĭmtāwe ŭkhŭkāwĭkooŏk. Eebŭchŭl tanĭl pĕtŭkĭmatpŭnĭl, skat koolămsŭtooaweewa.
39Wŏŏle‐pabĕh‐kesagĭhtŏŏk Nŭkskamāwāyăl Awĭkhăsegĭl, eebŭchŭl ŭktŭledŭhasoolteeba net tĕt ŭkte‐e’nea askŭmowsooagŭn, ha yŏŏtŭl netŭl wĕjĭnspeuwŏŏlămāweekĭl nel.
40Ha skat kooledŭhadŭmooneaweepŭn koochkoowehe‐e’nea nel, ŭkte‐eneăp’ pŭmowsooagŭn.
41Skat noojĭmsŭnŭmoo’ŭn kechetŭmetŭham‐koosooagŭn pŭmowsooenoo ĭkŏŏk.
42Kānookŭloo kŭjejehoolpa skat ŭkteoolteoonea Nŭkskam ookŭsĕlŭmooksooagŭn ŭkhŭkāwĭkooŏk.
43N’pŭk’ŭche N’mĭhtakws wesooŭnŭk, ha skat ŭkwekwĕhlebahkwŏŏpŭn. Apch kŭtŭk pŭkŭchehat’ nāgŭm ŭtā wesooŭnŭk, koowekwĕhlawŏch’ nāgŭm.
44Tan ŭktĭle‐kese‐oolam‐sŭtŭmoote’nea? kelooow’ kŭmŭsŭnŭmowtool‐te’nea k’chetŭmetŭham‐koosooagŭn, ha skat kwelooŏhtoone’a net k’chetŭmetŭhamkoosooagŭn tan wĕjehak’ tĕpŏŏkt Nŭkskam ooĭkŏŏk.
45Moo saak ŭledŭhasooltekĕkwk’mŭsĭmlŭbach’ N’mĭhtakwsŭk. Eu tan wĕn mĕsĭmŭlakw, nŭt Mooes’, tan oohŭkĕk ĕledŭhasoolteĕkw.
46Eebŭchŭl woolămsŭtooĕk’w Mooes, koolămsŭtooeebapŭnp nel. Eebŭchŭl Mooes oochewĭkhegāpŭn ooche nel ’nhŭk.
47Kānookŭloo skat wŏŏlămsŭtŭmooā’kw ĕlooĭkheegĕtpŭn nāgŭm, tanŭch ŭktŭleoolămsŭtŭmŭn’ea nel ’nkŭlooswa’gŭnŭl?
Attualmente Selezionati:
Wĭkheegŭn 5: PQM1870
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
First published by the British and Foreign Bible Society in 1870.
