Luka Bi shak Luka ƙǝ ran e
Bi shak Luka ƙǝ ran e
Mǝtaam bi gǝdang mǝ man ƙa Latafi Naan shik gǝ Luka ƙǝ ran e ta ye. Luka, shik ƙǝ ran ta Latafi Naan shi e, di a gǝɗak. Ran ta Latafi mǝ Bishiit Njip Mǝpaai ɗǝǝn gǝ di ƙǝ mǝɦan lang gǝdang Bulus. Di ran Latafi shak a ƙe Tiyofilus, gwiim gǝ pak shik di ƙwot ƙǝ a gǝme gǝbishiit mǝ Roma.
Tiyofilus di ƙwot ƙǝ ƙyel mǝtaam Shik Gǝ Ɗong gǝ mǝƙǝ ƙwol ƙa Yesu Ƙǝristi ti. Luka tang se dang Tiyofilus man ning ƙan bi shik ƙǝ ƙyel ƙa Yesu e se, a shik gǝ ƙopshik. Luka mang kooi shik ni ne shikpǝ ƙa laa gǝ mǝ laa Yesu Ƙǝristi, pelang mǝǝp, ƙin bishiit shik Naan mǝǝp gǝ ƙǝ yaal shin, muut mǝǝp, ƙin yaal gǝ ƙǝ yim yaal ɗǝǝn muut baa.
Di ben se, Suja Roma mǝ ba ɓaam yil Izarel mǝ tong long ƙa mǝǝp ƙin ɓal. Kaisa Agusta, gǝ ƙǝ ta long Roma gǝ pak dip e, di tong ta long ƙa pe shak gǝ dibit gǝ Suja Roma mǝni ƙǝ ɓaam ƙin lek e.
Luka ran Latafi ni dang niin ning ƙan Yesu se a Ƙǝristi. A ni ta gǝ pǝen mǝn, shik gǝ Naan di ƙǝ ƙwol ti ƙan yi laa paai ƙin dang pǝen mǝgwiim ni ning ɗǝǝn wolla shikgǝbis yun e. Shik Gǝ Ɗong ƙa gǝ pǝen tehl ni shik gǝ Naan ƙǝ paai e, di a dang gǝdang ni shang pǝen tehl ƙayil gǝ dibit. Luka ti a gwiim Hudiya ƙet, ran bi ni a ke gwiim shik ƙǝ a Hudiya ƙet e, se tong ƙǝ ke se ƙam ƙape shin bi Hudiya mǝep ɗǝǝn biran ni.
Bi gǝ ɗi ɗǝǝn latafi shik
Luka 1.1-4 Pe Ta Kooi
Luka 1.5-80 Mǝleƙa ƙamkooi laa Yaya gǝ batisma, ƙin mǝ Yesu.
Luka 2.1-52 Laa Yesu ƙin pe yaal ni.
Luka 3.1—4.13 Naan nyep yei ke Yesu dang bishiit ni.
3.1-22 Yaya shin batisma ke tehl, shin ke Yesu.
3.23-37 Duum mǝtoom Yesu.
4.1-13 Shetan ƙam Yesu ke ɗǝǝn zam.
Luka 4.14—9.50 Yesu yong gwei ƙa Shik Gǝ Ɗong, shin bi gǝ ɗaii pe ɗǝǝn Galili.
Luka 9.51—19.28 Yesu et Galili mǝɦan Rushelima tong ƙǝ ƙwol shik Naan, shin bi gǝ ɗaii pe ɗǝǝn pe ne ɓǝng.
Luka 19.29—23.56 Mǝ shep Yesu mǝ ke pang ke Rushelima.
Luka 24.1-53 Yesu yaal ɗǝǝn muut, yim wa ƙatǝng.
Attualmente Selezionati:
Luka Bi shak Luka ƙǝ ran e: MTL
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
©️2022 Luke Initiative for Scripture Translation