PALABURU 2
2
1Mewali tumumpumo ndapalaburu yangi pai lino. 2#Ib. 4:4, 10 #Pa. 20:11 Ri eo anu kapapitu i Pue Ala roomo mamparoo tetalaa setu, nepa meosa Sira. 3Inceʼe painaka ndadonco eo anu kapapitu setu pai ndapapewali eo anu ndapatani, maka ri eo setu i Pue Ala meosa ri karoonya ndapatumumpu tetalaa. 4aEwanceʼemo tuntuka palaburu yangi pai lino.
Bonde mParadesi
2:4b-25
4bRi tempo pampapewali i Pue Ala yangi pai lino, 5bareʼepa reʼe inii mpinamuya anu memeti pai bareʼepa reʼe waʼa mpiamuya ri lino, maka bareʼepa ndapatudu i mPue Ala uja pai bareʼepa reʼe anu da mampotetalaka tana setu. 6Paikanya montepuʼumo mesuwu ue ungka ri raya ntana mayoʼosi wawo ntana.
7 #
1 Kor. 15:45
Ungka lairia ndatima i mPue Ala tana sakodi, nepa ndalemo mewali tolino, roo setu nepa ndatawuisika inosa ri bolo engonya; painaka tuwumo tolino setu.
8Roo inceʼe ndapowia mPue Ala bonde mParadesi, ri tondo pebetea njairiamo ndapadika tolino anu roo ndapowia setu. 9#Pepat. 2:7, 22:2, 14 Ndapatuwumo i mPue Ala mpengaya-ngaya puʼu ngkaju anu lese, anu mampowuakan waʼa mbuanya anu madago. Ri tongo-tongo bonde tuwumo sampuʼu kaju anu mawai katuwu, pai puʼu ngkaju anu mawai pangaincani kono anu madago pai anu majaʼa.
10Sambaʼa koro ue anu moili ungka ri mParadesi, anu mancisipi bonde setu; pai sambaliku mParadesi koro ue setu mewali aopo mpanga. 11Panganya anu kaʼisa toʼonya Pisoni; koro ue setu moili mantolilimi tana Hawila. 12Njairia kareʼe wuyawa anu malino pai waʼa anu mawongi waunya anu masusa da ndaparata, pai waʼa watu mparamata. 13Koronya anu karadua toʼonya Gihoni; uenya moili mantolilimi tana Kusi. 14Koronya anu katatogo toʼonya Tigirisi anu moili ri tondo pebetea ntana Asuri. Koronya anu kaʼaopo toʼonya Eparata.
15Ungka lairia ndadika i mPue Ala tolino setu ri bonde mParadesi da mampotetalaka pai da mangkariani bonde setu. 16Ndatoʼo mPue Ala ri tolino setu, “Siko maya mangkoni waʼa wua ngkaju anu reʼe ri raya bonde seʼi, 17podo kaju anu mawai pangaincani kono anu madago pai anu majaʼa. Wuanya bareʼe maya nukoni; maka ane nukoni, siko sangaya-ngaya da mate ri eo setu seʼe.”
18Nepa ndatoʼo i mPue Ala, “Bareʼe madago tolino setu tuwu ngkangkalionya. Yaku da mampowiaka sambaʼa yununya anu sintanoana da mangkadudungi siʼa.” 19Ndatima i mPue Ala sakodi tana nepa ndalemo mpengaya-ngaya pinatuwu anu ri karatana pai pinatuwu anu ri raoa. Pura-puranya setu ndakeni i mPue Ala ri tolino setu da ndapampeole toʼo nunjaa anu da napapotoʼoka waʼa mpinatuwu setu. Inceʼemo pontepuʼunya pinatuwu anu ri karatana pai anu ri raoa marata toʼonya sambaʼa-sambaʼa seʼe. 20Ewanceʼemo tolino setu mampapotoʼo pura-pura waʼa mpinatuwu anu ri karatana pai anu ri raoa. Paikanya bereʼe mau sambaʼa ri oyonya anu maya da mewali yununya anu sintempo da mangkadudungi siʼa.
21Ungka lairia i Pue Ala mampakayore tolino setu lintu kojo kayorenya, pai sindara ngkayorenya, ndayali i mPue Ala sambenci wuku usu ntolino setu, nepa ndapakapia muni wakanya pai sanga. 22Wuku usu setu ndapowia i mPue Ala sambaʼa weʼa, nepa ndawawaka tolino setu. 23Mompaumo tolino setu natoʼo,
“Seʼimo siʼa, tau anu siwia pai yaku –
wuku ungka ri wukuku, pai sanga ungka ri sangaku.
Siʼa kupapotoʼoka weʼa, maka siʼa ndatima ungka ri tuama.”
24 #
Mat. 19:5, Mrk. 10:7-8, 1 Kor. 6:16, Ep. 5:31 Inceʼe puʼunya painaka tuama mampalaika papa pai inenya, da sangkani-ngkani pai rongonya, tau radua setu da mewali sambaʼa-mbaʼa.
25Tuama pai weʼa setu melambe-lambe, paikanya bareʼe maea mata ntau seʼe.
Attualmente Selezionati:
PALABURU 2: LAIPMF
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
