Margus 7
7
Yasuuⓐ gwaŋajo lijo dhuŋuna dhina dhothaijil dhai galo, alarnu, Kworaŋ nyabi doinya dapai dhuŋuna dha liji lina lurun
1A Farriisiyiin a jathib coŋ jina jidhi Urushaliim alila liduŋw dugun. 2A dina mal aŋa calmiz juŋun coŋ deny ⓐesh doi dai dina diro ŋirle, dina dati duyinu no, anadhagirini. 3Ŋinena athi Farriisiyiin a Yahuud peth doinya deny kwereny nanaŋ lati luyo doi degen no; lathapai dhuŋuna dha liji lina lurun. 4Athil doinya deny ŋida ŋina ŋathilapa gi suug kwereny nanaŋ ŋati ŋwuyilo no. Aluthi dhuŋuna dhiter dhoinyadho dha dhuye fanaajiin a nyidhe a ŋweny ŋwina ŋwiro naẖaas a ŋwagram. 5A Farriisiyiinŋa jathib jai othaije Yasuuⓐuŋw galo, alaici, Kworaŋ athibi calmiz juŋa apo dhuŋuna dha liji lina lurun no, athilbeny ⓐesh doi dai dina dati duyinu no? 6Ŋwulabiŋaijo, ŋwulaici, Ishaⓐya gwabiŋu dhuŋuna dhina dhiro titiganu dhan nyaŋa lina luthi dhuŋuna ganu ram, dhiro ŋinena ulinuŋwna, Liji ibila lathinyi neye ŋwinyu ŋwai ŋwegen, abi dugor degen tu ganu diginy romine; 7athinyilbi orthadha tur, athilbalimiye taⓐliim dha awaamir gwa liji. 8Nyaŋa limagathani naamuus gwa Kalo, athanyabi mutha dhuŋuna dhina dhathi liji apai dha dhuye nyidhe a fanaajiin; a dhuŋun dhiter dhoinyadho dhina dhiro minoŋ dhathanyapai. 9Ŋwulabiŋaijo, ŋwulaici, Gwiŋir ŋinena doinyanya naamuus gwa Kalo danya muthadha dhuŋuna dhalo. 10Ŋinena aro Muusa nu, Neyo babuŋw gwuŋa a nana gwuŋa, a gwina gwalo babuŋw gwuŋun i nana gwuŋun, abrico ŋwai aiuŋw. 11Athanya barnu ada kwiji gweta gwimaici babuŋw gwuŋun i nana gwuŋun nu, Ada ŋidi ibiŋa ŋirii Gurbaan, gwairo gwuŋa; abi gwajalo tur. Gurbaan gwiro ŋidi ŋa Kalo. 12Athanya abrico ŋeduŋw dupijo babuŋw gwuŋun i nana gwuŋun ŋida ŋeda manaŋ no. 13Nyaŋa limerniye dhuŋuna dha Kalo gi dhuŋun dhina dhuthanya dha liji lina lurun; a dhuŋun dhoinyadho dhina dhiro minoŋ dhathanya apai. 14A dina muŋw urnie lijo peth dugun, ŋwulabiŋaijo, ŋwulaici, Diŋinul dhuŋuna dhiny, nyaŋa peth, nyaliŋa. 15Ŋidi ŋeda ŋati ŋina ŋathije por kwiji ada ŋimuni dugun ŋuthi ŋoma ŋalruje ŋirle no; abi ŋidi ŋina ŋathituya dugun ŋiro ŋina ŋathiruje kwijo ŋirle. 16Ada kwiji gweda gwimuthi nyuni nya dhidiŋini, abricul ŋwudiŋini. 17A dina muŋw uni gi dunu kalo gina gijina liji, a calmiz juŋun othaije galo odaije gwai. 18Ŋwulabiŋaijo, ŋwulaici, Nyaŋa lati liliŋidhi ko na? Nyaŋa lati liliŋidhi darnu ŋidi peth ŋina ŋathije por ŋina ŋathuni kwiji ganu ŋati ŋuthi ŋoma gwal ruje ŋirle na? 19Ŋinena athathil udhi gi dhugor ganu dhuŋun no, abi ŋathuni kari ganu, athiltu por manaŋ. Gi dhuŋun ibidha Yasuuⓐ gwarnu ŋidi ŋa dheny peth ŋiŋir. 20Ŋwulabiŋaijo, ŋwulaici, Ŋidi ŋina ŋathituya kwiji ganu ŋiro ŋina ŋathiruje kwijo ŋirle. 21Ŋinena kiru gi dugor ganu da liji afkaar gwina gwike gwathituye, ŋidhir, dhuŋun dha dhidhre la lai liter, dhuŋun dha dhirinyiye dhimar, 22dhuŋun dha dhapai ŋida ŋwuramai, dhuŋun dha dhijidhai ŋidi amra ŋa liji liter, dhuŋun dha dhapai ŋida ŋina ŋike, dhuŋun dhina dhiro gwidhuŋun, dhuŋun dhina dhathi aŋinu bupe dhina dhike, dhuŋun dha ke gina gathibupe daŋa ŋida ŋina ŋike, dhuŋun dha dhilo Kaloŋa, dhuŋun dha dhare ŋamilai, dhuŋun dha ŋirila. 23Dhuŋun ibidhe peth dhina dhike dhathituya gi dhugor ganu, ŋwuruje kwijo ŋirle.
Yasuuⓐ gwigeto ŋera ŋa kwa gwina gwiro Umam momaŋ
24Ŋwugathani kaloŋa ibige, ŋwela gi dhirainy dha ŋwen ŋwa S̱uur a S̱iiduun, ŋwuni gi dunu gweta, athuŋwbupo kwijo gweda diliŋa darnu gwijo mine no; athuŋwbuthi ŋoma digilibicini no. 25A kwa gweta je gwina gwuthi ŋera ŋitiny ŋina ŋuthi ŋurinya, ŋwudiŋini darnu ŋeda gwo mine, ŋwila, ŋwide ŋwurko ŋwai ŋwora ganu ŋwuŋun. 26A kwa ibigwe gwiro Yuunaani, a liŋini gwai gwuŋun gwiro Fiiniigi; ŋwothaije galo ŋwari gwateye ŋurinya ŋera ganu ŋuŋun. 27Abi Yasuuⓐ aicinu, Abrico keleŋa alpa kwereny; gwati gwiŋir dilapa keleŋa ⓐesh, aldhedha nyinu no. 28Ŋwabiŋaijo, ŋwaici, Ye, Kweleny gwai; abi nyin ko nyina nyathije tharabeza ganu nyatheny gwudhibur gwa keleŋa gwina gwathi birethadhe galo. 29Ŋwubaicinu, Gi dhuŋun ibidha, idhi di; ŋuriny ŋimatu ŋera ŋuŋa. 30A dina muŋw ela gi dunu gwuŋun, ŋwubuje ŋurinya ŋimutu, a ŋera je didhre gi lagram alaŋ.
Iŋir nono gwa kwiji gwina gwiro girila
31Ŋwugathani ŋwen ŋwa S̱uur a S̱iiduun manaŋ, ŋwela gi baẖr gwa Jaliil, keligeny ganu ŋwen ŋwa Al ⓐashar al Mudun. 32Aludhijo kwijo gweta gwina gwirima nyuni ganu, gwina gwathi gwugeje; alothaije galo alari gwuŋwungeta doi alaŋ dugun. 33Ŋwodhadha ter, ŋwuleje nyamun nyuŋun gi nyuni ganu nya kwiji, ŋwugwoinya ŋwoiny gi nyamun nyuŋun, ŋwuŋwai mini dhiŋila dha kwiji. 34Ŋwubaŋalaŋ di Sama, ŋwugatho uwa, ŋwaicinu, Iftaẖ, gwina gwuthi maⓐna gwan, Iginul. 35An nyuni nyuŋun igiyudhini ganu, a dhiŋila dhuŋun gududhini galo, ŋwabiŋi momaŋ. 36Al Yasuuⓐ abiŋaijo ŋwari lati labiŋaijo kwijo gweda no; abi dina abiŋaijuŋwulo, albai galo dhuŋun dhai ibidhe gwoinyadho gwoinyadhanu. 37Alali galo dir gwuleny, alarnu, Gwimapai dhuŋuna peth momaŋ; gwimabrico lijo lina lirima gi nyuni aldiŋini, a lina lathi gwugeje alabiŋi.
Attualmente Selezionati:
Margus 7: HBN
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
First published by the British and Foreign Bible Society in 1966.
