Met Mejô y'atata'a
Mejô y'atata'a
Metata'a a ne kalate ôsu e kalate Zambe été. Ba loone nye Metata'a amu a liti 1 metata'a m'émo ése, metata'a me môt a metata'a me ayoñ Israél.
Kalate metata'a a ye'ele e mame Zambe a nga bo. Jam ôsu a liti e ne na: Zambe a nga té émo; émo te ébien étua anen, ve ése é too éjôé Zambe si. Kalate a ke man a e ngaka'a nyô na: Zambe a ye ke ôsu a ba'ale ayoñe bôte dé. Ataté aku'u di a kui di avok e kalate metata'a été, Zambe nye a ne nlô: a bo na be yeme nye, a ne ntyi'i mejô, a liti a ba'ale'e fe ayoñe bôte dé, e nye a kôme nkañete wé.
Mvus éte, Zambe a sili na be buni nye a buni fe mengata'a mé, be ve mebendé a metiñe mé mewôk. Nkpwas
Kapitel 1–11: Bi ne yem émo bi too ji aya? Môt a ne jé? A ne jé émo jina été? Amu jé ntaban e zañe bôt wo ndaman biyoñ abui? Ye biañ éziñ é ne kôme jame te? Minsili mi e mmie ngab ôsu nyô ja yalan; fam a minga e ntéane biôm été (1–2); fam a minga ba kandane Zambe (3); Kan baa Abél (4). Noé e beta ndôn été (6–9); Ôzomezome nda ya Babél (11). Minkañete mite mi ne ayaé ya yem éyoñ évé mam mete me nga boban?
Kapitel 12–50: Ngabe nyô ja liti ane Zambe a soo nyian e be môta binam éyoñ a loone bimvam bi ne tin ayoñ Israél: Abraham (12:1–25:18), nyô mbunane wé a mewô'ô mé e mfa'a Zambe bia bo na a yené éyoñ ése ane éve'ela'a; Izak e mone Abraham. Ndaé Abraham, Yakob (25:19–37:1) nye a nga su'ulane lobane jôé na Israél. Yôsep (37:2–50:26), wua ya bone be Yakob, ésaa Efrayim a Manasé, a ne tine ya mam me nga bo na Yakob, bone bevok a menda me bôte map be ke nyiñ Ejipte.
Attualmente Selezionati:
Met Mejô y'atata'a: BDCB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bible en langue Bulu © L'Alliance Biblique du Cameroun, 2007, 2015.