मत्ती छ्येःकी परीचय
छ्येःकी परीचय
चु छ्येः मत्तीचे ब्रीबे ज्यबे सम्तर् य्हीन्ब। मत्ती येसुइ चुङ्ङ्य्ही डबमान्हङ्री डब गी य्हीन्ब। दङ्बो पर्मेस्वर्चे थेङ्की म्ही यहुदीमात मुक्तीदाता पीत्युजेत्पे बाचा स्य्हेङ्जेत्पल मुबल। हुजु बाचा थेङ्चे येसुत जम्बुलीङ्री पीत्युजेत्ज्यीम् टोप् लजेत्ज्यी। चु ज्यबे सम्तर् यहुदी जातीइ लागीरीकीनो अय्हीन्, जम्बुलीङ्री मुबे जम्मनो जातीमाकी लागीरीएनो य्हीन्ब।
मत्तीचे ब्रीबे ज्यबे सम्तर् तङ्रले थेन्बल मुब। चु ज्यबे सम्तर्री येसु न्हजेत्पल, थेङ्चे बप्तीस्मा कीन्जेत्पल, थेङ्की परीक्षा तबल, थेङ्चे गालील् प्रदेस् तज्यीम् प्रचार् स्य्हेङ्जेत्पल, ओसेम् थेङ्चे लोप्जेत्पे फ्रोइतेङ् स्य्हेङ्जेत्पे लक्माकी बारेरी ब्रीबल मुब। ओसेम् थेङ् यरुस्लेम्री स्येःजेत्ज्यीम् ज्युःकी दीन्मा हुजुरी स्य्हुःजेत्पल, थेङ् क्रुस्री स्यीज्यीम् स्यीब ग्यम्से सोजेत्पे तम्मा ब्रीबल मुब।
चु ज्यबे सम्तर्री येसुत पर्मेस्वर्की नीयम्तेङ् स्वर्गइ य्हुल्की बारेरी लोप्पे अधीकार् यङ्बे लोप्पोन् पङ्ज्यीम् ब्रीबल मुब। थेङ्चे लोप्जेत्पे फ्रोइमा य्हक्को र्हङ्ब दुङ्की तम्माकी बारेरी मुब-
१) गङ्री लोप्जेत्पे अर्ती- स्वर्ग य्हुल्की म्हीमातेङ् तथोबे गुन्मा, ओसेम् थेङ्यीमाचे यङ्बे अधीकार्की बारेरी चु ज्यबे सम्तर्री ब्रीबल मुब (अध्यय ५-७)
२) चुङ्ङ्य्ही डबमात प्रचार् स्य्हेङ्बरी कुल्जेत्पल (अध्यय १०)
३) स्वर्ग य्हुल्की अर्तमा (अध्यय १३)
४) डब तबे बारेरी लोप्जेत्पल (अध्यय १८)
५) ज्युःकी बेलोतेङ् पर्मेस्वर्की खस्येकी य्हुल्की बारेरी लोप्पल (अध्यय २४-२५)
चु छ्ये:न्हङ् मुबे तम्मा
येसुइ म्हेम्हेमातेङ् थेङ् न्हबे बारेरी१:१-२:२३
बप्तीस्मा पीन्बे युहन्नइ सेवा ३:१-१२
येसुइ बप्तीस्मातेङ् परीक्ष ३:१३-४:११
येसुचे गालील् प्रदेस्री स्य्हेङ्जेत्पे सेवा ४:१२-१८:३५
गालील् प्रदेस् य्हङ्से यरुस्लेम् सम्म १९:१-२०:३४
यरुस्लेम्री थेङ्की ज्युःकी दीन्मा २१:१-२७:६६
येसु स्यीब ग्यम्से सोजेत्पलतेङ् डबमाकी गुङ्री म्रङ्खजेत्पल २८:१-२०
Attualmente Selezionati:
मत्ती छ्येःकी परीचय: WTDG
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2025 by Mother Tongue Translators Society, Nepal Bible Society
and Wycliffe Bible Translators, Inc.