KARARIADI 5
5
Hintou ngi Adam
(1Taw. 1:1-4)
1 #
Kar. 1:27-28
I'i rekenang u hintou ngi Adam. [Su tempo ngu Mawu nudiandi taumata, nikoa-E i sire kere Mawu Ruata sisane. 2#Mat. 19:4; Mrk. 10:6Niriadi-E i sire ko ese l᷊au kowawine. Nial᷊amateng-E i sire dang nionggo areng i sire “Taumata.”] 3Su tempo ngi Adam umurie mahasutilumpul᷊o su taunge, i sie nakahombang ana ko ese ko mupapahing dingange, bou e'e nisighonge arenge i Set. 4Bou e'e i Adam mborong nuwiahi wal᷊uhasu su taunge dang nakahombang manga ana ko wal᷊inge. 5I sie nate umurie siohasutilumpul᷊o su taunge.
6Su tempo ngi Set umurie mahasul᷊ima su taunge, i sie nakahombang ana ko ese, arenge i Enos. 7Bou e'e i Set mborong nuwiahi wal᷊uhasupitu su taunge l᷊ai dang nakarea manga ana ko wal᷊inge. 8I sie nate umurie siohasumapul᷊odua su taunge.
9Su tempo ngi Enos umurie siompul᷊o su taunge, i sie nakahombang ana ko ese, arenge i Kenan. 10Bou e'e i Enos mborong nuwiahi wal᷊uhasumapul᷊ol᷊ima su taunge l᷊ai dang nakahombang manga ana ko wal᷊inge. 11I sie nate su tempo umurie siohasul᷊ima su taunge.
12Su tempo i Kenan umurie pitumpul᷊o su taunge, i sie nakahombang ana ko ese, arenge Mahalaleel. 13I Kenan mborong nuwiahi wal᷊uhasupaupul᷊o su taunge l᷊ai dang nakahombang manga ana ko wal᷊inge. 14I sie nate umurie siohasumapul᷊o su taunge.
15Su tempo ngi Mahalaleel umurie nungupul᷊ol᷊ima su taunge, i sie nakahombang ana ko ese arenge i Yared. 16Bou e'e i Mahalaleel mborong nuwiahi wal᷊uhasutilumpul᷊o su taunge l᷊ai dang nakahombang manga ana ko wal᷊inge. 17I sie nate umurie wal᷊uhasusiompul᷊ol᷊ima su taunge.
18Su tempo ngi Yared umurie mahasunungupul᷊odua su taunge, i sie nakahombang ana ko ese, arenge i Henokh. 19Bou e'e i Yared mborong nuwiahi wal᷊uhasu su taunge l᷊ai dang nakahombang manga ana ko wal᷊inge. 20I sie nate umurie siohasunungupul᷊odua su taunge.
21Su tempo ngi Henokh umurie nungupul᷊ol᷊ima su taunge, i sie nakahombang ana ko ese arenge Metusalah. 22Bou e'e i Henokh nuwiahi su l᷊al᷊ung u pukakauhi dingang u Mawu Ruata tiluhasu su taunge. I sie nakahombang manga ana ko wal᷊inge 23dang nakarating umurie tiluhasunungupul᷊ol᷊ima su taunge. 24#Ibr. 11:5; Yud. 14Ual᷊ing i Henokh nuwiahi masandighi kahingang dingang u Mawu Ruata, i sie nailang ual᷊ingu nial᷊a u Mawu Ruata.
25Su tempo ngi Metusalah umurie mahasuwal᷊umpul᷊opitu su taunge, i sie nakahombang ana ko ese, arenge i Lamekh. 26Bou e'e i Metusalah mborong nuwiahi pituhasuwal᷊umpul᷊odua su taunge l᷊ai dang nakahombang manga ana ko wal᷊inge. 27I sie nate umurie siohasunungupul᷊osio su taunge.
28Su tempo ngi Lamekh umurie mahasuwal᷊umpul᷊odua su taunge, i sie nakahombang ana ko ese. 29I Lamekh nangul᷊i, “Ana i'i sarung makahang su tempo ngi kite muhal᷊i mabuha muhal᷊i tana ko seng nianeng u Mawu.” Watu'u e'e i Lamekh nusigho ana e'e i Nuh. #5:29: Nuh: Areng i'i su l᷊al᷊ung u wahasa ngu Ibrani tingihie kere didato ko mangal᷊enge “makahang”. 30Bou e'e i Lamekh mborong nuwiahi l᷊imahasusiompul᷊ol᷊ima su taunge l᷊ai. I sie nakahombang manga ana ko wal᷊inge, 31dang nate umurie pituhasupitumpul᷊opitu su taunge.
32Suapang i Nuh umurie l᷊imahasu su taunge, i sie nakahombang ana ko ese tatilu, e'e ko i Sem, i Yafet l᷊au i Ham.
Attualmente Selezionati:
KARARIADI 5: PLT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
