Oseas 3
3
Oseazen na nor ree
1Xanllo gulle'e nada' dayubre:
Biaj, na blliere to nor
ngo xtu, na leska nake'e to nor ree.
Kan nlliere Xanllon be'nn Israel ka',
lakse le aken llayechj ake' lloeraw ake' loe lsak ka',
na llaw ake' yet uva yech ka' lljakoa ake' raw loe lsak ka'.
2Na bxhia to nor kia
konen chi'no mell plat,
na chonn gayoa chilloa litr dan nzi cebada.
3Na gulla le'e: Dazan lla gako nor kia,
bi tareno be'nn yubre, na bi gat'reno beꞌnn biew yubre,
na lekse ka' nada' gaka be'nn wen dalixhej konen rwe'.
4Le dazan lla, be'nn Israelitas ka'
bill su be'nn wnebia le ake',
bitbi wzey aklle, ni bill werao ake' yaj bzan ka',
ni bxus ka' bill gak xlall ake' ka', ni loe lsak ka' nlla ake' lo yo' rill aken.
5Ket ba bde dani, wayechj be'nn Israelitas ka' wia ake'
na wayirj ake' Xan aken, Dios ke aken,
na David be'nn wnebia ke aken.
Ket baza wayull lla ka'
kena wzenay akeꞌ ke Diozen
na wnab ake' yel nak lay ke'en.
Attualmente Selezionati:
Oseas 3: ZPUPAT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi