Zekariya 6
6
Ivy’ imikogote ine
1Nuko nongera kwunamura amaso, mbona imikogote ine iturutse hagati y’imisozi ibiri; kand’ iyo misozi yar’ imiringa. 2#Zek 1:8.Umukogote wa mbere wakwegwa n’amafarasi y’utugajo; uwa kabiri wakwegwa n’amafarasi y’ imifyiri; 3uwa gatatu wakwegwa n’amafarasi y’ibitare; uwa kane wakwegwa n’amafarasi y’ibibamba mu tugajo. 4Nuko mbaza umumarayika twavugana, nt’ Ivyo bisobanurwa bite ga mugenzi? 5#Zab 104:4; Heb 1:7.Umumarayika aranyishura, at’ Ivyo n’imiyaga ine yo mw ijuru, ivuye gushengerera Nyen’ isi yose. 6Umukogote ukwegwa n’amafarasi y’imifyiri ugiye mu gihugu c’i burārūko, ay’ ibitare arayakurikiye; ay’ ibibamba na yo agiye mu gihugu c’i bumanuko. 7Ay’ utugajo araza, asaba kugendagenda mw isi yose; aravuga, ati Nuko ni mugende, mugendagende mw isi yose nyene. Nukw agendagenda mw isi yose. 8Maz’ arampamagara, arambarira, ati Rāba, ariya agiye mu gihugu c’i burārūko yaruhuye umutima wanje ku vy’ico gihugu c’i burārūko.
Zekariya abarirwa kwambika Yosuwa ibitsibo
9Ijambo ry’Uhoraho rinzako, 10#2 Abam 25:18.rit’ Uze wākīrire amashikanwa abājanywe kw inyagano, ni bo Heludayi na Tobiya na Yedaya; uwo musi nyene uz’ uje kwa Yosiya mwene Zefaniya, ni ho bazoba bari, bavuye i Babuloni; 11wākīre ifeza n’izahabu, ubigiremw’ ibitsibo, uvyambike umuherezi mukuru, Yosuwa mwene Yehozadaki, mu mutwe, 12umubarire, ut’ Uku ni k’Uhoraho Nyen’ ingabo agize, at’ Eh’ umuntu yitwa Shami, azoshamika ahantu hiwe, kand’ azokwubaka urusengero rw’Uhoraho. 13#Zab 21:5; 110:4; Ezk 21:27.Koko ni we azokwubaka urusengero rw’Uhoraho, azogira icubahiro, kand’ azovyagira ku ntebe, aganze; kur’ iyo ntebe azohabera n’umuherezi; kandi bompi bazohuza inama zizana amahoro. 14Kand’ ivyo bitsibo bizobera Helemu na Tobiya na Yedaya na Heni mwene Zefaniya icibutso mu rusengero rw’Uhoraho. 15#Gus 30:1-3; Yes 60:10; Zek 2:9.Kand’ abazoba bari kure bazoza bubake urusengero rw’Uhoraho; ni ho muzomenya yuk’ Uhoraho Nyen’ ingabo ari we yabantumyeko. Ivyo bizoshika ni mwagira umwete wo kwumvira ijwi ry’Uhoraho Imana yanyu.
Attualmente Selezionati:
Zekariya 6: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
