Zekariya 4
4
Ivy’ amatara y’izahabu n’ibiti vy’imyelayo
1 #
Dan 8:18; 10:9, 10. Maz’ umumarayika twavugana aragaruka, arankangura, nk’ uk’ umuntu akangurwa ava mw itiro: 2#Kuv 25:31, 37; Ivyah 1:12; 4:5.arambaza, at’ Ubona iki? Ndamwishura, nti Mbona igiterekwakw amatara, cose gicuzwe mw izahabu, umubehe waco ur’ ahahera hejuru, ushamitsekw amatara ndwi; kand’ ayo matara ari hejuru kuri wo, rimwe‐rimwe rifise umuheha, yose ukw ar’ indwi. 3#Ivyah 11:4.Kand’ impande zompi har’ ibiti vy’imyelayo bibiri, kimwe i buryo bga wa mubehe, ikindi i bumoso. 4Nuko mbaza umumarayika twavugana, nti Mbeg’ ivyo bisobanurwa bite ga mugenzi? 5Maz’ umumarayika twavugana arambaza, ati Mbeg’ ivyo ntuzi uko bisobanurwa? Ndamwishura, nt’ Oyaye mugenzi. 6#Hos 1:7; Hag 1:1.Aranyishura, ati Ngiri ijambo Uhoraho atumye kuri Zerubabeli, ati Si kubg’ inkomezi, si kubg’ ubushobozi, ariko ni kubga Mpwemu wanje, ni k’Uhoraho Nyen’ ingabo agize. 7#Yes 40:4.Wa musozi munini we, ur’ iki? Uzocikira ikiyaya imbere ya Zerubabeli; azozana ibuye ryo gusōzēra kwubaka, basēsereza impundu, bat’ Ubuntu, ubuntu bube kuri ryo! 8Ijambo ry’Uhoraho ryongera kunzako, 9#Ezr 3:10; Zek 2:9.rit’ Amaboko ya Zerubabeli ni yo yashizeh’ itanguriro ry’iyi nzu, kand’ amaboko yiwe ni yo azoyisōzēra; ni ho muzomenya yuk’ Uhoraho Nyen’ ingabo ari we yabantumyeko. 10#2 Ngo 16:9; Hag 2:3; Zek 3:9.Mbega har’ uwogaya ibikir’ umugero ku musi w’intangamarāra? Bazonezerwa babonye karisho#4:10 karisho n’akagozi karikw akabuye bageresha mu kwubaka nko mu buryo bga nivo. mu ntoke za Zerubabeli. Ya yandi ndwi ni zo nyonga z’Uhoraho, zinyuranganya mw isi yose hirya no hino. 11Maze ndamubaza, nt’ Irya myelayo ukw ar’ ibiri, umwe ur’ i buryo bg’igiterekwakw amatara, uwundi ukaba i bumoso, isobanurwa ite? 12Nongera kumubaza ubugira kabiri, nt’ Arya mashami abiri y’imyelayo, ar’ impande zompi z’imibirikira y’izahabu ukw ar’ ibiri, akīkāmūramw’ amavuta asa n’izahabu, asobanurwa ate? 13Arambaza, at’ Arya ntuzi ukw asobanurwa? Ndamwishura, nt’ Oyaye, mugenzi. 14Arambarira, at’ Arya ni bamwe babiri bārobanujwe amavuta, bama bahagaze hafi ya Nyen’ isi yose.
Attualmente Selezionati:
Zekariya 4: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
