Mariko 10

Ukwahukana ntikubereye

1 # Mrk 9:33. Arīkora avayo, aja mu gihugu c’i Yudaya no hakurya ya Yorodani, ishengero ryongera gukoranira kuri we, yongera kubigisha nk’uko yamenyereye.#Mat 19:1-9. 2Abafarisayo baza kuri we, baramugeza, bati Mbega biremerwa k’umuntu yirukana umugore wiwe? 3Na we arababaza, ati Mose yabagereye iki? 4#Gus 24:1; Mat 5:31, 32.Baramwishura, bati Mose yemeye ko handikwa icete co kuvāvānura, akamwirukana. 5Yesu arababgira, ati Gukomantara kw’imitima yanyu ni kwo kwamwandikishije ico cagezwe. 6#Ita 1:27.Arik’ uhereye kw itanguriro ry’ukuremwa, Imana yabaremye bar’ uburyo bubiri. 7#Ita 2:24.Ni co gituma umuntu azosiga se na nyina, akabana n’umugore wiwe akaramata, 8bompi bakaba umubiri umwe. Bituma batakiri babiri, ariko baba babaye umubiri umwe. 9Nukw ico Imana yamatanije umuntu ntaz’ akimature.

10Yinjiye mu nzu abigishwa bongera kumubaza iryo jambo. 11#Luk 16:18.Arababgira, at’ Umuntu wese yirukana umugore wiwe, akābīra uwundi, aba asambanye kand’ amuhemukiye. 12Kandi na we ubgiwe, ni yāhukana n’umugabo wiwe, akābīrwa n’uwundi, azoba asambanye.

Yesu ahezagira abana bato

13 # Mat 19:13-15; Luk 18:15-17. Maze bamuzanira abana bato, ngw abakoreko: abigishwa barabakankamira. 14Maze Yesu abibonye, araraka, arababarira, ati Ni mureke abana bato baze aho ndi, ntimubabuze: kuk’ ubgami bg’Imana ar’ ubg’ abameze bartyo. 15#Mat 18:3.Ndababgire ukuri, ūtazokwākīra ubgami bg’Imana nk’umwana muto, ntazobginjiramwo na gatoya. 16#Mrk 9:36.Arabarera, arabahezagira, abarambitsekw ibiganza.

Umutunzi

17 # Mat 19:16-30; Luk 18:18-30. Agisohoka ngw akomeze urugendo, haza umuntu kuri we yirukanga, aramupfukamira, aramubaza, ati Mwigisha mwiza, nkore iki, ngo nze ndagwe ubugingo budashira? 18Yesu aramubaza, at’ Unyitira iki mwiza? Nta mwiza, atar’ umwe, ni we Mana. 19#Kuv 20:12-17; Gus 5:16-20; 24:14.K’uzi ivyagezwe, ngo Ntukice, ntugasambane, ntukibe, ntukāgirize abandi ibinyoma, ntukagunge, wubahe so na nyoko. 20Aramubgira, ati Mwigisha, ivyo vyose naravyitondeye, mpereye mu buto bganje. 21#Mrk 8:34; Mat 10:38.Yesu amwitegereje aramukunda, aramubgira, at’ Uhajije kimwe: genda, ushōre ivy’ utunze vyose, ugabire aboro, ni ho uzogira itunga mw ijuru, utek’ uze, unkurikire. 22Yumvise iryo jambo arijirwa, agenda ababaye, kuko yar’ afise itunga ryinshi.

23Yesu yeraguza amaso, abgira abigishwa biwe, at’ Erega biragoye kw aba vyinshi binjira mu bgami bg’Imana! 24#Zab 62:10; 1 Tim 6:17.Abigishwa batangazwa n’amajambo yiwe. Yesu yongera kubabgira, ati Bana banje, erega biragoye kw abizigiye ubutunzi binjira mu bgami bg’Imana! 25Icoroshe n’ingamiya guca mu zuru ry’urushinge biruta umutunzi ko yinjira mu bgami bg’Imana. 26Baratangara rwose, bati None rero, ni nde ashobora gukizwa? 27#Ita 18:14; Yob 42:2.Yesu arabitegereza, arababgira, ati Kubg’ abantu ntigishoboka, ariko ku Mana s’uko, kuko vyose bishobokera Imana.

Inshumbushanyo z’ivyaretswe

28Maze Petero atangura kumubgira, ati Rāba, twebge twaretse vyose turagukurikira. 29Yesu arababgira, ati Ndababgire ukuri, Nta waretse inzu, canke bene nyina, canke bashiki biwe, canke nyina, canke se, cank’ abana, cank’ itongo, kubganje no kubg’ ubutumwa bgiza, 30atazobishumbushwa ijana mur’ iki gihe ca none, amazu, na bene nyina, na bashiki biwe, na ba nyina, n’abana, n’itongo, bisukiranijwe no guhamwa, kandi mu gihe kizoza azohabga ubugingo budashira. 31Ariko benshi b’imbere bazoba ab’ inyuma, kand’ ab’ inyuma bazoba ab’ imbere.

Yesu avuga ivy’ urupfu rwiwe

32 # Yoh 11:16, 55; Mrk 9:31. Bāri mu nzira badūga i Yerusalemu. Yesu yar’ abagiye imbere, baratangara, abāmukurikira baratinya. Yongera kujana bamwe cumi na babiri bar’ ukwabo, atangura kubabarira ibigira bimubeko,#Mat 20:17-19; Luk 18:31-34. 33at’ Ehe, turadūze i Yerusalemu, kand’ Umwana w’umuntu azoshirwa mu maboko y’abaherezi bakuru n’abanyabgenge b’ivyanditswe, bazomucira urubanza rwo gupfa, bamuhe abanyamahanga, 34bamushinyagurire, bamuvume amate, bamutonagure, bamwice, maz’ imisi itatu ishize azozuka.

Ubukuru bgo mu bgami bg’Imana

35 # Mat 20:20-28. Yakobo na Yohana bene Zebedayo baramwēgēra baramubgira, bati Mwigisha, turagomba k’uduha ico tugusaba cose. 36Arababaza, ati Mugomba ko mbaha iki? 37Baramwishura, bat’ Uduhe ngo tuze twicare, umwe i buryo bgawe uwundi i bumoso, mu bgiza bgawe. 38#Mrk 14:36; Luk 12:50; Rom 6:3.Maze Yesu arabishura, ati Ntimuzi ico musaba. Mwoshobora kunywera ku gikombe nnywerako, canke kubatizwa umubatizo mbatizwa jewe? 39#Ivyak 12:2; Ivyah 1:9.Baramwishura, bati Turashobora. Yesu arababgira, at’ Igikombe nnywerako, muzokinywerako, kandi muzobatizwa umubatizo mbatizwa jewe. 40Ariko gutanga ivyicaro i buryo bganje cank’ i bumoso, s’ivyanje, shit’ abo vyateguriwe. 41Bamwe cumi bavyumvise batangura kwitonganiriza ivya Yakobo na Yohana. 42#Luk 22:25-27.Yesu arabahamagara, arababgira, ati Murazi yukw abavugwa ko baganza amahanga bayatwaza amanyama, kandi n’abakuru bayo bayagirak’ ububasha. 43#Mrk 9:35.Ariko muri mwebge si ko biri. Yamar’ ūgomba kuba mukuru muri mwebge, az’ abe umukozi wanyu: 44kand’ ūgomba kuba uw’ imbere, az’ abe umuja wa mwese. 45Kuko na none Umwana w’umuntu atāzanywe no gukorerwa, atar’ ugukorera abandi, no gutanga ubugingo bgiwe kw incungu ya benshi.

Yesu ahumūra impumyi yitwa Barutimayo

46 # Mat 20:29-34; Luk 18:35-43. Nuko bashika i Yeriko: akivana i Yeriko n’abigishwa biwe n’ishengero ryinshi, mwene Timayo yitwa Barutimayo, umusēzi w’impumyi, yari yicaye i ruhande y’inzira. 47Yumvise kw ari Yesu Umunyanazareti atangura gutakamba, ati Yesu, mwana wa Dawidi, ngirira imbabazi. 48Abantu benshi baramuzibiranya ngw ahore: arikw arushiriza cane gutakamba, ati Mwana wa Dawidi, ngirira imbabazi. 49Yesu arahagarara, arababarira, ati Ni mumuhamagare. Bahamagara iyo mpumyi, barayibgira, bati Hūmura, va hasi, araguhamagaye. 50Na yo ita impuzu yayo, irabaduka, yēgēra Yesu. 51Yesu arayibaza, at’ Ugomba ko ngukorera iki? Ino mpumyi iramwishura, iti Ndagomba guhumūka, Mwigisha. 52Yesu arayibgira, ati Genda, ukwizera kwawe kuragukijije. Aca arahumūka, amukurikira ku nzira.

Attualmente Selezionati:

Mariko 10: RUN1967

Evidenziazioni

Copia