Yona 1
1
Yona atumwa i Ninewe; yanse kujayo, amirwa n’urufi
1 #
2 Abam 14:25. Ijambo ry’Uhoraho ryaje kuri Yona mwene Amitayi, riramubgira, 2#Ita 10:11, 12; 2 Abam 19:36; Mat 12:41; Ivyah 18:5.riti Va hasi uje i Ninewe, ca gisagara kinini, ukibūrire; kukw ivyaha vy’abaho vyarundanye, bigashika imbere yanje. 3#Ita 4:16; 1 Abam 10:22; Zab 139:9, 10; Ezk 27:12.Ariko Yona ava hasi ngw ahungire Uhoraho i Tarushishi, ave mu nyonga ziwe. Amanuka i Yopa, abona ubgato buja i Tarushishi: atanga ikibuguro, atambukira muri bgo, ngw ajane n’abagiye i Tarushishi, ave mu nyonga z’Uhoraho.
4 #
Zab 48:7; 107:25. Maz’ Uhoraho asuka umuyaga ukomeye mu kiyaga; haba igihuhuta c’inkomezi mu kiyaga, ubgato bushaka kumeneka. 5#Zab 107:28; Ivyak 27:18, 38.Abasoza baratinya, umuntu wese yambaza imana yiwe; baterera mu kiyaga ibintu vyari mu bgato ngo baburemurure. Ariko Yona we yari yamanutse mu gafuruka ko mu bgato gahera epfo, yigaramiye yisinziriye. 6Nuk’ umukuru w’ubgato aja ah’ ari, aramubaza, ati Wabaye ute ga wa gikazatiro we? Vyuka wambaze Imana yawe; kumbure Imana yodusubizak’ umutima, ntidupfe.
7Bose baravugana, bati Ni muze dupfinde, tumenye ūtumye duterwa ibi vyago uw’ari we. Nuko barapfinda, ubupfindo bgerekana Yona. 8Baca baramubaza, bat’ Enda utubarire ūtumye duterwa ibi vyago; ukora igikorwa ki? ur’ uwa hehe? ur’ uwo mu kihe gihugu? ur’ ubgoko ki? 9#Zab 146:6.Arabishura, ati Nd’ Umuheburayo, nubaha Uhoraho, Imana Nyen’ ijuru, yaremye ikiyaga n’i musozi. 10Maz’ abo bantu bafatwa n’ubgoba bginshi, baramubaza, bat’ Ivyo ukoze ibi n’ibiki? Kukw abo bantu bāri bamenye kw ahunze Uhoraho, kuko yari yabibabgiye.
11Baramubaza, bati Tukugire dute, ngw ikiyaga kitureke, kibe agahwekere? Kukw ikiyaga ciyongeranya gusuriranya. 12#Yos 7:20.Arabishura, ati Ni munterure, munte mu kiyaga, ni ho ikiyaga cobabera agahwekere; kuko nzi yukw iki gihuhuta c’inkomezi kibahōra jewe. 13Arikw abo bantu barushiriza gusoza ngo bagaruke hakuno i musozi, ntibābishobora, kukw ikiyaga ciyongeranya gusuriranya, kirabananira. 14#Gus 21:8; Zab 115:3.Ni co catumye batakambira Uhoraho, bati Turakwinginze, ewe Uhoraho, twoye gupfa tuzira ubugingo bg’uyu muntu, kandi ntuduharūrekw amaraso y’ūdafise igicumuro, kuko wewe, Uhoraho, ukoze ico ugomvye. 15#Zab 65:7; Luk 8:24.Nuko baterura Yona, bamuta mu kiyaga; ikiyaga kireka gusuriranya. 16Maz’ abo bantu baca batinya Uhoraho bihebuje; bamuha ikimazi, bamusezeranira amasezerano.
17 #
Mat 12:40; 16:4. Uhoraho agera urufi runini ngo rumire Yona. Maze Yona amara mu nda y’urufi imisi itatu n’amajoro atatu.
Attualmente Selezionati:
Yona 1: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
