Hagayi 1
1
Abayuda bagīrwa inama yo kwubaka urusengero
1 #
Ezr 4:24; 5:1, 2. Mu mwaka ugira kabiri umwami Dariyo ari ku ngoma, mu kwezi kwa gatandatu, ku musi wakwo wa mbere, ijambo ry’Uhoraho ryavugiye muri Hagayi uwavugishwa na we, ritumwe kuri Zerubabeli icēgēra c’uwo mwami i Buyuda, mwene Sheyalitiyeli, no kuri Yosuwa umuherezi mukuru, mwene Yehozadaki, 2rit’ Uku ni k’Uhoraho Nyen’ ingabo agize, at’ Iri hanga rivuga ngw Igihe ntikiragera, igihe co kwongera kwubaka ingoro y’Uhoraho. 3Maz’ ijambo ry’Uhoraho rivugira muri Hagayi uwavugishwa na we, 4#2 Sam 7:2; Yes 64:11.riti Mbeg’ iki n’igihe kibereye c’uko mwebge mwokwibera mu mazu yanyu ajererenze amagarwe, na yo iyi ngoro igihomvaguritse? 5None rero, uku ni k’Uhoraho Nyen’ ingabo agize, ati Ni mwitegereze uko mumeze! 6#Hos 4:10; Mik 6:15.Mubiba vyinshi, mukimbura bike; kurya murarya, ariko ntimushira inzara; kunywa muranywa, ariko ntimushira inyota; kwambara murambara, ariko ntimushira imbeho; kand’ ūca amahera ayacira mu mupfuko utobotse.
7Uku ni k’Uhoraho Nyen’ ingabo agize, ati Ni mwitegereze uko mumeze! 8#Zab 132:13, 14.Enda ni mudūge mu mugamba muzane ibiti, mwubake iyo ngoro; nanje nzoyinezererwa, bimpeshe icubahiro, ni k’Uhoraho agize. 9Mwaziga vyinshi, mugize murtya musanga ni bike; kandi n’iyo mubizanye i muhira ndabitūvya. Biva ku ki? ni k’ Uhoraho Nyen’ ingabo abajije. Biva ku ngoro yanje irekewe ngaho igihomvaguritse, namwe mweho umuntu wese agakobereza inzu yiwe ubgiwe. 10#1 Abam 8:35; Yer 5:24, 25.Ni co gituma ata n’akame ijuru rikibarekurira, n’isi ikabima ivyimburo vyayo. 11#2 Abam 8:1; Zab 105:16; 128:2; Hag 2:17.Kandi nahamagaye uruzuba ngo rwice isi n’imisozi, rukūreho n’impeke na vino, n’amavuta ya elayo, rwice n’ibimera mu ndimiro, n’abantu, n’amasho, n’ibikorwa vyose bikoreshwa amaboko.
12Maze Zerubabeli mwene Sheyalitiyeli, na Yosuwa umuherezi mukuru mwene Yehozadaki, hamwe n’amasigarira yose yo mur’ iryo hanga, bumvira ijwi ry’ Uhoraho Imana yabo, n’amajambo ya Hagayi uwo yavugisha, nk’uk’ Uhoraho Imana yabo yamutumye; kand’ abantu baterwa n’ubgoba imbere y’Uhoraho. 13#Mal 1:1; 2:7; 3:1.Maze Hagayi, intumwa y’Uhoraho, abgira abantu ubutumwa batumweko n’Uhoraho, at’ Uhoraho agize ngw Ari kumwe namwe. 14#Ezr 1:1; 5:8.Maz’ Uhoraho akangura umutima wa Zerubabeli yaganza i Buyuda, mwene Sheyalitiyeli, n’umutima wa Yosuwa umuherezi mukuru, mwene Yehozadaki, n’imitima y’amasigarira yose y’iryo hanga; baraza batangura gukora ku ngoro y’Uhoraho Nyen’ ingabo Imana yabo, 15#Hag 1:1.hāri ku musi wa mirongwibiri na kane w’ukwezi kwa gatandatu, mu mwaka ugira kabiri umwami Dariyo ari ku ngoma.
Attualmente Selezionati:
Hagayi 1: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
