Habakuki 3
3
Gusenga kwa Habakuki
1Isengesho ry’uwavugishwa n’ Imana Habakuki, ryaririmbishwa mw ijwi ryitwa Shigiyonoti.
2 #
Zab 44:1; 85:6. Uhoraho, numvise inkuru zawe, nabonye igikorwa cawe:
Ewe Uhoraho, hēmbūra ico gikorwa cawe hagati mur’ iyi myaka,
Hagati mur’ iyi myaka ukimenyekanishe;
Mu burake wame wibuka kugira akagongwe.
3 #
Gus 33:2. Imana yaje ivuye i Temani,
Uwera yaje ku musozi Parani. Sela.
Ubgiza bgiwe bgakwiye ijuru,
Kand’ isi yuzuye ishimwe ryiwe.
4 #
Ezk 1:27. Gukayangana kwiwe kwari nk’umuco,
Ibishwārara vy’umuco vyava mu kuboko kwiwe,
Aho ni ho yatwikirira ububasha bgiwe.
5 #
1 Ngo 21:11-15; Zab 18:8. Ikīza camugendera imbere,
Na Kizimire akamuja inyuma.
6 #
Ita 49:26; Zab 60:6; Yes 51:9; Mik 1:4. Arahagarara, agera ubunini bg’isi;
Arāba igitsure, amahanga agahinda agashitsi;
Imisozi y’intahava irasanzara,
Uturambi tw’inyame turanyika;
Ajana inzira ziwe za kera.
7 #
Abac 3:10; 8:12. Nabonye amahema y’i Kushani ari n’umubabaro,
N’ibihuzu vy’amahema yo mu gihugu c’i Midiyani bihinda agashitsi.
8 #
Gus 33:26; Zab 18:10; 114:5; Yes 66:15. Mbeg’ Uhoraho, inzūzi ni zo warakiye?
Cank’ uburake bgawe bgari ku nzūzi?
Ikiyaga ni co wagiriye uburake mbega,
Vyotumye ugendera ku mafarasi yawe,
No mu mikogote yawe y’intsinzi?
9 #
Zab 78:15, 16. Watekuruye umuheto wawe,
Ushira imyampi mu ruge. Sela.
Wasatuje isi inzūzi.
10 #
Kuv 14:22; 19:18; Zab 93:3. Imisozi yarakubonye, irasambagirika;
Amazi arahondogana:
I bgina humvikanisha ijwi ryaho,
Hatarika amaboko yaho.
11 #
Yos 10:12, 13; 2 Sam 22:15. Izuba n’ukwezi vyigumiye i wavyo,
Kubg’ imyampi yawe yagiye ibishwārara,
N’ugukayangana kw’icumu ryawe rica ibibatsi.
12 #
Mik 4:12, 13. Wogoze igihugu ushangashiwe,
Wasiribanze amahanga uri n’uburake.
13 #
Zab 105:15; 110:6. Wasidukanywe no kuzanira abantu bawe agakiza,
No kuzanira agakiza uwo warobanuje amavuta.
Wasābije agatwe k’inzu y’ umunyakibi,
Urayisangangura ushitsa no mu rukerēro. Sela.
14Wasogotesheje umugabisha w’ ingabo ziwe ibimīto vyawe;
Baje kudushwiragiza bameze nk’agashururu;
Umengo vyarabahimbara kuyongobeza umugorwa mu mpisho.
15 #
Zab 77:19. Ikiyaga wagisiribangishije amafarasi yawe,
Bo n’umukuba w’amazi menshi.
16 #
Yes 14:3, 4; Yer 4:19. Ndavyumvise, amara yanje aradobangana,
Iminwa yanje iradegezwa kubg’ iryo iwi;
Ikimungu cinjira mu magufa yanje, mpindira agashitsi aho ndi;
Nkwiye guhangana n’umusi w’amagorwa nduhutse,
Igihe abansi bazotēza ubgoko bgacu ibitero.
17Nah’ umusukoni utoshurika,
Canke n’imizabibu ngw igire ico yama,
N’icimburo c’imyelayo kikabura,
N’imirima ntiyere indya na mba,
N’umukuku ugahenebera mu ruhongore,
Ntihabe hakigira n’inka mu rugo:
18 #
Yob 13:15; Zab 9:14; Luk 1:47. Na ho nyene jewe nzonezererwa Uhoraho,
Mpimbarwe n’Imana y’agakiza kanje.
19 #
Gus 32:13; 2 Sam 2:18; Yes 38:20. Uhoraho, Umwami, ni we nkomezi zanje;
Ni we ahindura ibirenge vyanje nk’ivy’ impongokazi,
Kand’ azompa gutambagira ku dutwe tw’imisozi yanje.
Vyahawe umukuru w’abaririmvyi: bavugira inanga zanje.
Attualmente Selezionati:
Habakuki 3: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
