Habakuki 1
1
Habakuki abona ivyaha biri mu gihugu n’igihano cavyo
1 #
Nah 1:1. Imbūri uwavugishwa n’Imana Habakuki yeretswe.
2 #
Zab 89:46. Uhoraho we, nzogeza ryari kugutakambira, ntunyumve? Kandi nkuborogera kubg’ umuryano uriho, nawe ntuwunkize? 3#Yer 9:2-6.N’iki gituma unyereka ibigabitanyo, ukitegereza ivy’ inzigo? Kuk’ ubugesera n’umuryano bir’ imbere yanje, hakaba n’imitongano, kandi havyutse n’ibihāri. 4#Mik 7:3.Ni co gituma amabgirizwa asigaye yāfōrorotse, akaba ata manza ziroranye zikiboneka na mba: kuk’ umunyakibi atangatanze umugororotsi irya n’ino, bigatuma imanza ziboneka zigoramye.
5 #
Yes 28:21; 29:14; Ivyak 13:41. Enda ni murābe mu mahanga, muvyitegereze; mutangare, mwumirwe: kuko mu gihe canyu ngira nkore igikorwa mutokwemera naho mwokibarirwa. 6#Yer 5:15.Kukw ehe rāba, ngira nkakamure Abakaludaya, rya hanga ry’inkazi kandi ry’inkuba, bagenda batera isi iyo iva ikagera, bakikeberezako ingo zitar’ izabo. 7Abo n’ibirara vy’inkazi, kandi bateye ubgoba: uguhana no gutikiza ni bo bivako. 8#Gus 28:49; Yer 4:13; 5:6.Amafarasi yabo arusha ingwe ubukuba, kand’ arusha ubukazi amabingira agenda ijoro: abagendera ku mafarasi yabo baza bihaya: mber’ abagendera ku mafarasi yabo baza bavuye kure; baguruka nk’inkukuma#1:8 inkukuma ni yo mpungu. yihutira ico irotsa. 9#Yos 11:4.Bose bazanwa n’umuryano; amaso yabo bayahangana igihababu imbere yabo; bakumakuma imbohe nk’ umusenyi. 10#Ezk 4:2.Mbere bacōkōra abami, bagatwenga abaganwa, ibihome vyose barabitwenga gusa, kuko babirundira ibigūngūzi vy’ ivu vyo kwuririrako, bakabinesha. 11Bagaheza bagahita nk’umuyaga, bagakomeza inzira, ar’ abanyabicumuro; kand’ inkomezi zabo bāzigize imana yabo.
12 #
Gus 32:4; 33:27; Zab 90:2; 93:2; Yes 10:5-7; Mal 3:6. Mbega ntiwamyeho uhereye kera hose, Uhoraho Mana yanje, Uwera wanje? Ntituzopfa. Uhoraho, wabashizeho ng’ ubacishe amateka; Gitandara we, wabashiriyeho guhana. 13#Zab 5:5; 35:22; Yer 12:1.Wewe w’inyonga zitunganye zitorāba ikibi, kand’ utoshobora kwitegereza ivy’ inzigo, n’iki gituma none witegereza abaryarukanyi, ukiyihorerera igihe umunyakibi arotsa umuntu amurusha ubugororotsi; 14ugahwanya abantu n’amafi yo mu kiyaga, canke n’ivyikwega hasi, bitagira ikibiganza? 15#Yer 16:16.Bose babarobesha igera, bakabafatisha urusenga rwabo, bakabegeraniriza mu mukwabu#1:15 umukwabu n’ubgoko bg’urusenga; rāba Mat 4:18. wabo; ni co gituma banezerwa bagahimbarwa. 16Ni co gituma urusenga rwabo baruha ikimazi, n’ umukwabu wabo bakawosereza imibavu; kukw ari vyo bibahesheje kwidibamira, bigatuma ivyo kurya vyabo bigwira. 17Mbega none bazohora bacurānura urusenga rwabo, bakāma bica amahanga ata kagongwe?
Attualmente Selezionati:
Habakuki 1: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
