MATIUS PENGANTAR
PENGANTAR
Buku Matius nyampaiko jama neram Kabar Betik bahwa Isa yakdo Raja Penyelamat sai dijanjiko ulih-Ni Allah. Liwat Isa anodo Allah nepati api sai radu dijanjiko-Ni di delom Perjanjian Saka jama umat-Ni. Sekalipun Isa laher jak ulun Yahudi rik hurik sebagai ulun Yahudi, kidang Kabar Betik udi lain hak angkah untuk bangsa Yahudi gaoh melainko untuk seluruh dunia.
Buku Matius inji disusun secara teratur; mulai jak laher-Ni Isa, raduni mengenai baptisan rik gudaan sai dialami-Ni, raduni mengenai guai-Ni di Galilea. Di dudi Ia bekhotbah, ngajar rik ngunyaiko jelma. Radu jak seno buku inji ngisahko lapah-Ni Isa jak Galilea mik Yerusalem, rik api sai tejadi jama Isa di delom minggu paling akher hurik-Ni di dunia inji sai memuncak di kematian rik kebangkitan-Ni.
Salah sai hal sai dititik beratko ulih Matius yakdo bahwa Isa yakdo Guru sai balak, sai ngajarko bahwa Allah memerintah sebagai Raja. Isa juga ngedok wibawa untuk ngejelasko reti jak Hukum Allah. Sai paling lamon jak ajaran-ajaran Isa ano dikelompokko menurut pokok-pokokni. Wat lima kelompok: (1) Khotbah di Bukit sai menyangkut sikap, kewajiban, hak-hak, rik tujuan hurik anggota umat Allah (pasal 5-7); (2) petunjuk-petunjuk jama kerua belas jelma sai nutuk Isa untuk ngelaksanako tugas (pasal 10); (3) perumpamaan-perumpamaan tentang keadaan waktu Allah memerintah sebagai Raja (pasal 13); (4) ajaran mengenai makna jadi jelma sai nutuk Isa (pasal 18); rik (5) ajaran tentang akher zaman rik tentang ratongni Anak Manusia (pasal 24-25).
Isi
Daptar asal-usul Isa Almasih rik kelaheran-Ni 1:1–2:23
Guaini Yohanes Pembaptis 3:1-12
Baptisan rik gudaan tehadap Isa 3:13–4:11
Guai-Ni Isa di tengah-tengah masyarakat Galilea 4:12–18:35
Jak Galilea mik Yerusalem 19:1–20:34
Minggu paling akher di Yerusalem rik sekitarni 21:1–27:66
Kebangkitan Isa rik pengliakan diri-Ni 28:1-20
Attualmente Selezionati:
MATIUS PENGANTAR: LAILJP
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
@ LAI 2002 Indonesian Bible Society (Lembaga Alkitab Indonesia)