Mwa 13

Avalamu Aitaanĩsya na Loto

1Avalamu nĩwaumie Misili na athi ngalĩko ya ĩtheo ya Kanaani ĩla yĩtawa Nengevu e na mũka, na syĩndũ syonthe ila waĩ nasyo, na Loto aendany'a nake. 2Avalamu aĩ na ũthwii mwingĩ wa indo, thaavu na silĩva. 3Nĩwaendie kuma ngalĩko ya ĩtheo avika Mbethi-eli, vala wambĩte ĩeema yake mbeenĩ. Ĩeema yĩu yaĩ katĩ wa Mbethi-eli na Ai, 4vala waakĩte kĩthembeo. Nĩwamũthaithĩie Mwĩai Ngai vau.

5Loto ũla waendanĩtye na Avalamu o nake aĩ na mbũi na malondu, ng'ombe vamwe na andũ ma nyũmba yake na athũkũmi, 6kwoou kũndũ kwa kũĩthya kũyaameanĩa ũndũ matonya kũendeea kwĩkalany'a vamwe, nũndũ maĩ na indo mbingĩ mũno. 7Nĩkweethĩiwe ĩteta katĩ wa aĩthi ma Avalamu na ma Loto. Ĩvindanĩ yĩu Akanaani na Avelisi o namo matwĩe nthĩ ĩsu.

8Nĩvo ĩndĩ Avalamu weeie Loto atĩĩ, “Ithyĩ twĩ andũ ma mũsyĩ ũmwe, na kwoou tũyaĩlĩte kũtetany'a, na aĩthi makwa na maku mayaĩlĩte kũtetany'a. 9Yu nĩtũtaanĩsye. Nyuva kĩlungu kya nthĩ kĩla ũkwenda. Wathi ngalĩko ya ĩũlũ, nakwa nĩngũthi ngalĩko ya ĩtheo; wathi ngalĩko ya ĩtheo, nakwa nĩngũthi ngalĩko ya ĩũlũ.”

10 # Mwa 2.10 Loto nĩwasyaisye na oona kana Mwanda wa Yolotani w'onthe kũthi kũvika Nzoali waĩ na kĩw'ũ kingĩ, ta ũla mũũnda wa Mwĩai Ngai#13.10 Mũũnda wa Mwĩai Ngai: Kana Mũũnda wa Eteni kana ta nthĩ ya Misili. (Ũndũ ũsu weekĩkie Mwĩai Ngai atanamba kwananga Sondomu na Ngomola.) 11Kwoou Loto nĩweenyuvĩie Mwanda wa Yolotani w'onthe na athi elekele ngalĩko ya wumĩlonĩ wa syũa. Ũu nĩw'o Avalamu na Loto mataanĩisye. 12Avalamu nĩwatũie nthĩ ya Kanaani, nake Loto atũa ndũanĩ sya ũiĩ wa Yolotani na amba maeema vakuvĩ na Sondomu. 13Andũ ma Sondomu maĩ athũku na nĩmamũvĩtĩasya Mwĩai Ngai mũno.

Avalamu Aithi Kũtũa Eviloni

14Ĩtina wa Loto kũtaanĩsya na Avalamu, Mwĩai Ngai nĩweeie Avalamu atĩĩ, “Kuma vau ũĩ sisya ngalĩko ya ĩũlũ, ya ĩtheo, ya wumĩlonĩ wa syũa na ya ũthũĩlonĩ wayo. 15#Meko 7.5 Ngakũnenga we na nzyawa syaku syonthe nthĩ ĩsu yonthe ũkwona na ĩyĩthĩwa yenyu tene na tene. 16Ngakũnenga nzyawa mbingĩ ta mũthanga, nĩ kana o ũndũ mũthanga ũtatalĩka, nzyawa syaku o nasyo syĩthĩwe itatalĩka. 17Enda ũtembeele nthĩ ĩsu wone ũasa na ũthanthau wayo, nũndũ ngakũnenga nthĩ ĩsu.” 18Kwoou Avalamu nĩwathamisye maeema make na athi kũtũa vakuvĩ na mĩtĩ mĩtheu ya mũndũ weetawa Mamile kũu Eviloni. Nĩwaakĩie Mwĩai Ngai kĩthembeo vau.

Attualmente Selezionati:

Mwa 13: KAMBA

Evidenziazioni

Copia