Genesis 3
3
Genesis 3:7-14
7Ac agorwyd eu llygaid hwy ill dau, a gwybuant mai noethion oeddynt hwy, a gwniasant ddail ffigysbren, a gwnaethant iddynt eu hunain wregysau, 8a chlywsant swn Iehofah Elohim yn rhodio yn yr ardd gydag awel y dydd, ac ymguddiodd y dyn a’i wraig rhag golwg Iehofah Elohim ynghanol prenau’r ardd. 9A galwodd Iehofah Elohim ar y dyn, a dywedodd wrtho, Pa le yr wyt ti? 10A dywedodd efe, Dy swn a glywais yn yr ardd, ac ofnais gan mai noeth wyf fi, ac ymguddiais. 11A dywedodd Efe, Pwy a fynegodd i ti mai noeth wyt ti? Ai o’r pren yr hwn y gorchymynais i ti beidio a bwytta o hono, y bwyteais? 12A dywedodd y dyn, Y wraig yr hon a roddaist gyda mi, hi a roddodd i mi o’r pren, a bwytteais. 13A dywedodd Iehofah Elohim wrth y wraig, Pa beth yw hyn a wnaethost? A dywedodd y wraig, Y Sarph a’m twyllodd, a bwytteais. 14A dywedodd Iehofa Elohim wrth y Sarph, Am wneuthur o honot hyn, melltigedig wyt ti allan o’r holl anifeiliaid, ac allan o holl fwystfilod y maes: ar dy dorr yr âi, a llwch a fwyttai holl ddyddiau dy einioes.
Attualmente Selezionati:
Genesis 3: CTB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Cyfieithiad Briscoe 1894. Cynhyrchwyd y casgliad digidol hwn gan Gymdeithas y Beibl yn 2020-21.
