MARK 6
6
Nazareth ah Jesu a Kinielna
(Mat 13:53-58; Luk 4:16-30)
1Ama in khum mun nuasie-in a pienna khuopi lam zuonin pei a, a nuazuite in ama a zui uhi. 2Sabbath ni-in kikhopna inn sungah thuhil kipan a, ama thuhil a za mi tampite in lamdang a sa uhi. Amate in, “Tam pa in tami thu zosie hei pana a lah a diei? Ama tunga kipie khu bang pilna ahi ta diei? A khut tawh na lamdangte a bangci bawl thei a diei! 3Ama pen khutsiempa Mary’#6:3 Adang tang laibute ah “khutsiem pa le le Mary’ tapa” ci-in kigiel hi. tapa hi lel lo amah? A sanggamte zong James, Joses, Judas le Simon-te hi lo uh amah? A nau numeite zong tanah eite tawh om hi lo uh amah?” a ci uhi. Tuale ama tungah a lungkim sih uhi. 4Tua ciengin Jesu in amate kungah, “Kamsangte pen a khuo a tui, a tanaute lah le a inn sung vuah ci simlo zatahna nga loin a om sih uhi,” a ci hi.#Jhn 4:44 5Tua hi a, ama in khum sungah cina tawmno khatte tungah a khut nga-in a damsah ci longal na lamdang a bawl thei sih hi. 6Amau’ up lona pen ama in lamdang a sa hi.
Sawm le Nite Kisawlna
(Mat 10:5-15; Luk 9:1-6)
Tua ciengin ama in khuotate lahah thuhilin a zin kawikawi hi. 7Ama in sawm le nite hlan a, amahaw nita-in sawlin hlabua neite tungah thuneina a pie hi. 8Ama in a khuolzinna vuah ciengkhut khat ci simlo, bangma an, thungip, kawnggah sunga sum cite a vom lo nadingun thu a pie hi. 9Ahi vangin kedap bul unlen, songkhol ni silthuo sih un. 10Ama in a kung vuah, “Inn sung khatpo-ah na lut uh ciengin khum mun pan na peidawh masangun tua inn ma-ah om suoh un. 11Mun khatpopo ah hing kisang loin, na thugen uh a kingai nuom sih leh, na pei ciengun amate langkhatah teci dingin na keng vua leivui bangte thingkhie un,” a ci hi. #Sawl 13:51#Luk 10:4-11 12Tuaci’n amate a peikhie vua, mi zosie a kisiakia nadingun thu a hil uhi. 13Amate in dawi tampi a hawlkhie vua, cina mi tampi sathau nu-in a damsah uhi.#Jas 5:14
Baptize-pa John Sina
(Mat 14:1-12; Luk 9:7-9)
14Jesu’ min kithei sieng ta ahi ziehin Herod kumpipa in tua thu a za hi. Mi pawlkhat#6:14 Adang tang laibute ah “Ama in” ci-in kigiel hi. in, “Sina panin Baptize-pa John ang thokia ta hi; tami thu ziehin ama in tam bang vanglietnate a bawl thei ahi hi,” a ci uhi. 15Hizongle adangte in, “Ama Elijah ahi hi,” a ci uhi. Adangte in, “Tanglai kamsangte ma banga kamsang khat ahi hi,” a ci uhi.#Mat 16:14; Mrk 8:28; Luk 9:19 16Ahi vangin Herod in tua thu a zah ciengin, “A ngawng ka tansanpieh pa John ang thokia ahi hi,” a ci hi.
17Azieh pen Herod in a naupa Philip’ zi Herodias a kinunpi hangin Herod mama in mi sawlin John mansahin, tuale ama lep-ia a, thong sungah a khum hi. 18Bangzieh ahei cile John in Herod kungah, “Na sanggampa’ zi na kinunpi pen ngaina om lo hi,” ci-in a na gengen zieh ahi hi.#Luk 3:19-20 19Tuale Herodias in ama huo-in that nuom hi. Ahi vangin ama nu in a that zo sih hi. 20Azieh pen John, midih le mi siengtho ahi hi, ci thu Herod in thei ahi ziehin ama zatahin a panpi hi. A thugen a zah ciengin ama lungbuoi#6:20 Adang tang laibute ah “ama in na tampi a bawl hi,” ci-in kigiel hi. mama hi; hinanle a thugen a ngai nuom veve hi. 21Ahi vangin ama’ suopawi ni-in Herod in a uliente, a galkapmangte le Galilee gam sunga a om makaipite adingin anvana khat a nei ciengin khum ni-in ama ading hun lemtang khat a tung kha hi. 22A tanu Herodias#6:22 Adang tang laibute ah “Herodias’ tanu mama” ci-in kigiel hi. sungtumin a lam ciengin tua nu in Herod le a zinte a lungkimsah mama hi; tuale kumpipa in ngahnu nu kungah, “Na dei popo ngen in, kang pie ding hi,” a ci hi. 23Tua nu tungah ama nasie tahin kiciem a, “Na nget popo, ka gam phalkhat nangawn kang pie ding hi,” a ci hi. 24Tua nu pusuohin a nu kungah, “Bang ka ngen diei?” a ci hi. A nu in, “Baptize-pa’ John lutang ngen in,” ci-in a dawng hi. 25Tua nu zong thakhatin kumpipa kungah tai pai a, “Kuong khat sungah Baptize-pa John’ lutang ei pie pai lacin nuom vang,” ci-in a ngen hi. 26Kumpipa da mama hi; hizongle a kiciemnasate zieh le a zinte maitang a zatahna ziehin tua nu a khia nuom sih hi. 27Kumpipa in John’ lutang ang peipi nadingun a cing galkap khat thupie-in a sawlpai hi. Ama pei-in thong sungah ama’ ngawngtan a, 28kuong khatah tawi-in tua nu kungah a pie hi. Tua ciengin ngahnu nu in a nu a piesawn hi. 29Ama’ nuazuite in tua thu a zah uh ciengin pei-in a luonghawm la-in hankhuh khat sungah a vui uhi.
Tul Nga Vana
(Mat 14:13-21; Luk 9:10-17; Jhn 6:1-14)
30Jesu kimvelah sawltahpite kikhawmin ama kungah a sepna zosie ule a thuhilna zosie uh a gen uhi. 31Ama in a kung vuah, “Gamdaina mun khatah pei unlen bakhat sung khawl phot tadi un,” a ci hi. Azieh pen a tung a kuon mi tampi kiphamatin a om vua, amate in anneh nading hun-awng nangawn a nei sih uhi. 32Gunkuong tungah tuongin gamdaina mun khatah a pei uhi. 33Mi tampi in a pei lam uh mu-in amate ahi lam zong a thei ziehun khuopi zosie panin leilam zui-in khum munah a na tai vua, a amate sangin a na tung masazaw uhi. 34Lui pieu a gei laitahin ama in mihon tampi mu hi; ama in a cing om lo tuute tawh kibang sa ahi ziehin amate tungah lainatna a nei hi; tuale ama in amate thu tampi hil ding a kipan hi.#Gam 27:17; 1Kum 22:17; 2Khg 18:16; Ezk 34:5; Zech 10:2; Mat 9:36 35Khuomiel kuon ciengin ama kungah a nuazuite pei-in, “Tami mun pen gamdaina mun ahi a, khuo zong miel kuon ta hi. 36I kimvela khuota tengah amate va pei-in a an neh ding uh a lei thei nadingun amate sawl in,” a ci uhi. 37Ahi vangin ama in a kung vuah, “A neh ding uh bangkhat popo pie un,” ci-in a dawng hi. Amate in ama kungah, “Sum denarii#6:37 Denarius khat pen nasem mi khat’ nitha tawh kikim hi zani man tawh anlum lei-in a neh dingun ka va pie ta ding uh amah?” a ci uhi. 38Tuale ama in a kung vuah, “Anlum bangza na nei vuoi? Pei-in va en ta un,” a ci hi. 39Tua ciengin ama in lohing tungah mi zosie a pawlpawlin a to nadingun thu a pie hi. 40Tuaci’n a pawlpawlin zakhat, sawmnga ta ci bangin amate a to uhi. 41Ama in anlum nga le nga tawn ni la-in vantung lam ento a, tuale lungdam a ko zaw ciengin tua anlumte balkehin mipite mai-a lui dingin a nuazuite a pie hi; tuale amate zosie lahah ama in tua nga tawn ni a hawm hi. 42Tuale a unpi-un ne-in a gil uh a va mama hi; 43tuale amate in khomun le nga themneng teng a khawm vua, seu sawm le ni a dim hi. 44Anlum a ne pasal tul nga a pha hi.
Tui Tungah Jesu Lam Pei
(Mat 14:22-33; Jhn 6:15-21)
45Ama in mihonpite a peisah laitahin thakhatin a nuazuite zong gunkuong tungah tuongsah a, galkhatah a om Bethsaida khuo ah a mapeisah hi. 46Amate mangpha a pai zaw ciengin, thungen dingin ama muol tungah kato hi.
47Nitah lam ang hi ciengin tuipi laikimah gunkuong om a, ama pen leitungah ama tangin a om hi. 48Hui a lelan ziehin hamsapi-in gunkuong a haw lam uh ama in a mu ciengin, zingmawng lamin amate lam zuonin tuipi tungah a pei hi. 49Ahi vangin amate in tuipi tunga a pei ama a mu ciengun sihla sa-in a kiko uhi; 50azieh pen a unpi-un ama a mu ciengun a zau mama uhi. Ahi vangin ama in thakhatin amate hopi a, “Kilungnuomsah un, keima ka hi bo hi; zau sih un,” a ci hi. 51Tua ciengin amate tawh gunkuong tungah ama kato a, huipi zong a dai pai hi. Tuale amate in lamdang a sa mama uhi. 52Azieh pen amate in anlum tungtang thute a thei lo ziehun a lungkhau uhi.
Gennesaret ah Cina Kidamsah
(Mat 14:34-36)
53Amate a galkai zaw ciengun Gennesaret gam tungin gunkuong khi-in a khawlsah uhi. 54Gunkuong tung panin a kumsuh ciengun mite in ama a na theipai vua, 55tua gam buppi sungah mite a tai kawikawi vua, ama om hi, ci-a a zahna mun popo vuah a lupna pheh utawh cinate a peipi uhi. 56Amate in khuopite, khuotate, lozaute le vanzuana munte-a kipan ama’ peina mun zosie-ah cinate a na koi vua, ama’ puontuol mongtep nangawn a thamsah nadingin ama kungah a thum uhi; tuale a thamkha zosie in damna nga uhi.
Attualmente Selezionati:
MARK 6: ZBOTF01
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Zo Bible © Bible Society of Myanmar, 2018.
