Jonas 2
2
Priye Jonas la
1Pandan Jonas te nan vant pwason an, li priye SENYÈ Bondye li a konsa:
2Mwen rele SENYÈ a pote m sekou,
paske mwen te nan gwo tray,
epi li reponn mwen.
La kote m te ye byen fon nan tonm lan.
Mwen t ap soupire pou m te jwenn sekou,
epi ou tande vwa mwen.
3Ou te jete m byen lwen anba, nan fon anba dlo yo.
Gwo kouran lanm lanmè yo te anviwonnen mwen.
Mwen desann byen fon anba lanmè a.
Gwo lanm lanmè w yo te pase sou mwen.
4Lè sa a, mwen te di nan tèt mwen:
“Ou pouse m ale lwen, kote pou ou pa wè m ak je w.”
Poutan, m ap kontinye gade nan direksyon tanp ki apa pou ou a.
5Dlo lanmè a te antoure m nèt.
Li kouvri m tèt rive jouk nan nen mwen.
Mwen pa kapab pran souf.
Mwen desann byen fon anba lanmè a.
Zèb lanmè a kouvri tout tèt mwen.
6Mwen te nan fon lanmè a,
kote mòn yo kòmanse,#2:6 kote mòn yo kòmanse Nan tan lontan, moun yo te konprann mòn yo se kolòn ki soutni latè epi rasin yo te plonje jis nan fon lanmè.
nan fon kote mò yo ye a.
Mwen panse m te fèmen anba latè pou tout tan,
men, SENYÈ Bondye m nan retire m tou vivan nan tonm lan.
7Lavi m te prèske fin i,
men mwen te sonje SENYÈ a.
Priyè mwen te rive kote w,
nan tanp ki apa pou ou a, Ou tande priyè m.
8Tout moun k ap adore zidòl ki pa vo anyen yo,
yo vire do bay Bondye ki ka ede yo a.
9Men mwen menm, m ap bay ofrann pou m fè lwanj pou ou.
M ap leve vwa mwen pou m di w mèsi.
M ap kenbe sa mwen te pwomèt.
Paske se sèl SENYÈ a ki konn delivre!
10Lè sa a, SENYÈ a pale ak pwason an, epi pwason an vomi Jonas a tè.
Attualmente Selezionati:
Jonas 2: VKF
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Nouvo Testaman: Vèsyon Kreyòl Fasil (VKF)
@ 2017 Bible League International
