قصة الأنبياء 3
3
جزاء المعصية
1كانت الحيّة خبيثه وامكر كلّ الحيوانات البرية اللي خلقها الله. (وبالرغم من أن الله أمر آدم وحواء، بإنهم ياكلو من كل شجر الجنة، إلا شجرة معرفة الخير والشر، إلا أن) الشيطان راح للمرأة (وتكلم معها على لسان الحيّة وخدعها) وقال لها: «هو بجد الله قال لكم: ماتاكلوش من أي شجرة في الجنة؟» 2فقالِت المرأة للحيّة: «الله سمح لنا أننا ناكل من شجر الجنة. 3لكن قال لنا: ماتاكلوش من الشجرة اللي في وسط الجنة ولا تقربو منها وإلا هتموتوا». 4فقالت الحيّة : «لا، مش هتموتوا، 5لأن الله يعلم إنه لما ما تاكلوا من الشجرة اللي في وسط الجنة هتتفتَح عيونكم وتكونوا زيه قادرين على التمييز بين الخير والشر. (علشان كده منعكم من أنكم تاكلو منها)» 6فبَصت حواء على الشجرة فشافتها جميلة في عينيها واستلذت طعمها وطمعت في المعرفة اللي فيها، فأخذت وأكلت وعطت لزوجها منها فأكل معاها. 7فـاتفتحِت عيونهم، وعرفوا إنهم عريانين. فقاموا وعملوا غطا من ورق شجر التين وغطوا نفسهم. 8وفي وقت الغروب سمعوا صوت الله سبحانه وتعالى زي الرعد العاصف فقاموا بسرعة وحاولوا يستخبّوا ورا شجر الجنة. 9ونادى الله آدم وقال له : «يا آدم، ليه بتحاول تستخبىَ؟» 10فقال آدم: سمعت صوتَك، فخفت واستخبيت لأني عريان. 11فقال الله تعالى لآدم : «مين عرَفَك إنك عريان؟ أنت أكلت من الشجرة اللي قلتلك ماتاكلش منها؟» 12فقال آدم: «المرأة اللي عطيتها لي، هي اللي عطتني فاكلت.» 13فقال الله سبحانه وتعالى للمرأة: «أيه اللي أنتي عملتيه؟» فردّت المرأة وقالِت : «الحية غوتني وخلّيتني أكل من الشجرة.» 14فقال الله سبحانه وتعالى للحيّة: «جزاء اللي عملتيه، هتكوني ملعونة بين كل الحيوانات، تزحفي على بطنِك، وتاكلي من التراب طول ايام حياتِك. 15ويكون فيه عداوة بينك وبين المرأة، وبين خْلفتِّك وخلفتها، رجل من نسل المرأة يدوس على دماغك يكسرها وإنتي تلدغي كعب رجله.» 16وبعدين كَلم الله سبحانه وتعالى المرأة وقال لها: «في حملِكِ وولادتك هتتألمي، وشوقك دايمًا لراجلك ولحكمه عليكي هتخضعي». 17وقال الله سبحانه وتعالى لآدم: «يا آدم، لأنك عصيت وصيتي وسمعت لزوجتك وأكلت من الشجرة اللي منها حذرتك، اللعنة تنزل على الأرض وتبور بسببك، وأكلك منها طول حياتك بتعبك وجُهدَك، 18الأرض تنبت لك الشوك ومن عُشبِ الحقل يكون أكلك، 19ورزقك عليها من تعبك وعرقك، لحد ما ترجع للأرض اللي منها خَلقتك، فأنت من التراب اتخلقتَ وللتراب ترجع». 20-21وجعلَ الله تعالى غطائين من جلد حيوان وغطا آدم وحواء. وسَمى آدم زوجته حَواء، لإنها أم كُل بشر حَي. 22بعدها قال الله سبحانه وتعالى: دلوقت الإنسان بقَى يعرف الخير والشر، وممكن يمد ايده ويأكل من شجرة الحياة فيكون من الخالدين. 23-24وبعد ما طرد الله الإنسان، خلى آدم يقيم في شرق الجنة، علشان يتعب ويزرع الأرض اللي اتخلق منها، وخلىَ ملائكة من المُقربين يحرسو الطريق لشجرة الحياة.
Attualmente Selezionati:
قصة الأنبياء 3: EAT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Wycliffe Bible Translators, Inc.
