Jenesisi 5
5
Bzizukulu bza Adamu
1Uyu ni m'ndandanda wa bzizukulu bza Adamu. Pomwe Mulungu adalenga munthu, adamukondza mwakulinganira na Mulungu. 2Adawalenga mwamuna na mkazi, ndipo adawadalisa, aciwapasa dzina lakuti Adamu. 3Pomwe Adamu akhana magole 130, adabereka mwana wacimuna wakulinganilana na iye acifanana na iye adam'pasa dzina lakuti Seti. 4Atabala Seti, Adamu adakhala na moyo magole 800 ndipo adabereka pomwe wana anango amuna na akazi. 5Ndipo adakhala na moyo magole 930, acifa.
6Pomwe Seti akhana magole 105, adabereka Enosi. 7Atabereka Enosi, Seti adakhala na moyo magole 807 ndipo adabereka wana anango amuna na akazi. 8Magole ya moyo wace wentse yakhali 912. Ndipo adafa. 9Pomwe Enosi akhana magole 90, adabereka Kaina. 10Atabereka Kaina, Enosi adakhala na moyo magole 815 ndipo adabereka wana anango amuna na akazi. 11Magole ya moyo wace wentse yakhali 905. Ndipo adafa.
12Pomwe Kaina akhana magole 70, adabereka Mahalale. 13Atabereka Mahalale, Kaina adakhala na moyo magole 840, ndipo adabereka wana anango amuna na akazi. 14Magole ya moyo wace wentse yakhali 910. Ndipo adafa.
15Pomwe Mahalale akhana magole 65, adabereka Jaredi. 16Atabereka Jaredi, Mahale adakhala na moyo magole 830 ndipo adabereka wana anango amuna na akazi. 17Magole ya moyo wace wentse yakhali 895. Ndipo adafa.
18Pomwe Jaredi akhana magole 162, adabereka Enoki. 19Atabereka Enoki, Jaredi adakhala na moyo magole 800 ndipo adabereka wana anango amuna na akazi. 20Magole ya moyo wace wentse yakhali 962. Ndipo adafa.
21Pomwe Enoki akhana magole 65, adabereka Metusale. 22Atabereka Metusale, Enoki adakhala na moyo magole 300, ndipo adabereka wana anango amuna na akazi. 23Magole ya moyo wace wentse yakhali 365. 24Enoki adafamba na Mulungu, ndipo alibe kuwonedwa, sabwa Mulungu adamtenga.
25Pomwe Matusela akhana magole 187, adabereka Lameki. 26Atabereka Lameki, Matusela adakhala na moyo magole 782, ndipo adabereka wana anango amuna na akazi. 27Magole ya moyo wace wentse yakhli 969. Ndipo adafa. 28Pomwe Lameki akhana magole 182, adabereka mwana wacimuna. 29Adamupasa dzina lakuti Nowa ndipo adati: “Iye an'dzatithandisa pa basa lathu na pakubonera kwa manja yathu, kucokera pamataka yomwe Mbuya adatemberera”. 30Atabereka Nowa, Lameki adakhala na moyo magole 595 ndipo adabereka wana anango amuna na akazi. 31Magole ya moyo wace wentse yakhali 777. Ndipo adafa.
32Pomwe akhana magole 500, Nowa adabereka Semu, Hamu na Jafeti.
Attualmente Selezionati:
Jenesisi 5: NYNT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019 Wycliffe Bible Translators, Inc.
