GENESIS 12
12
Ang Pagtawag kang Abram
1 #
Buh. 7:2-3; Heb. 11:8. Unya ang Ginoo miingon kang Abram, “Lakaw gikan sa imong yuta ug gikan sa imong kadugo ug sa balay sa imong amahan ngadto sa yuta nga akong ipakita kanimo. 2Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin. 3#Gal. 3:8. Panalanginan nako ang nagpanalangin kanimo ug ang nagtunglo kanimo tunglohon usab nako ug pinaagi kanimo panalanginan ang tanang kabanayan sa yuta.”#12:3 ug pinaagi kanimo…yuta: o Ang tanang kanasoran maghangyo kanako sa pagpanalangin ingon nga ako nagpanalangin kanimo.
4Busa milakaw si Abram sumala sa gisulti sa Ginoo kaniya ug miuban kaniya si Lot. Si Abram nagpanuigon ug 75 ka tuig sa pagpahawa niya sa Haran. 5Ug gidala ni Abram si Sarai nga iyang asawa ug si Lot nga anak sa iyang igsoon ug ang tanan nilang kabtangan nga ilang natigom ug ang mga tawo nga ilang natigom sa Haran, ug migikan sila ngadto sa yuta sa Canaan ug miabot sila sa yuta sa Canaan. 6Ug si Abram milatas niadtong yutaa hangtod sa dapit sa Sekem, hangtod sa dakong kahoy didto sa Moreh. Niadtong panahona ang mga Canaanhon didto sa maong yuta. 7#Buh. 7:5; Gal. 3:16. Unya, ang Ginoo mipakita kang Abram ug miingon kaniya, “Sa imong kaliwat#12:7 kaliwat: Sa Hebreo, binhi. ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya. 8Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo. 9Ug si Abram mipadayon sa pagpanaw padulong sa Negeb.
Si Abram Didto sa Ehipto
10Unya dihay gutom sa yuta, ug milugsong si Abram ngadto sa Ehipto sa paglangyaw didto, kay dako ang gutom sa yuta. 11Sa dihang hapit na siya mosulod sa Ehipto, siya miingon kang Sarai nga iyang asawa, “Nasayod ako nga ikaw usa ka babaye nga matahom sud-ongon, 12busa kon makakita kanimo ang mga Ehiptohanon, sila makaingon, ‘Iya kining asawa,’ ug ako patyon nila ug ikaw tugotan nila nga mabuhi. 13#Gen. 20:2; 26:7. Busa ingna nga ikaw akong igsoon aron magmaayo sila kanako tungod kanimo, ug maluwas ang akong kinabuhi tungod kanimo.” 14Sa pagsulod ni Abram sa Ehipto nakita sa mga Ehiptohanon nga ang babaye maanyag kaayo. 15Ug sa dihang nakita siya sa mga tinugyanan sa Paraon, gidayeg nila siya ngadto sa Paraon. Ug gidala si Sarai ngadto sa balay sa Paraon. 16Ug tungod kaniya, si Abram gitagad pag-ayo sa Paraon ug siya nakabaton ug mga karnero, mga baka, mga laki nga asno, mga ulipon nga lalaki ug babaye, mga asno nga baye ug mga kamilyo.
17Apan gisakit sa Ginoo ang Paraon ug ang iyang panimalay pinaagi sa dagkong mga katalagman tungod kang Sarai nga asawa ni Abram. 18Unya ang Paraon mipatawag kang Abram ug siya miingon kaniya, “Unsa ba kining imong gibuhat kanako? Nganong wala man ikaw motug-an kanako nga siya imong asawa? 19Nganong miingon man ikaw, ‘Siya akong igsoon,’ tungod niini gikuha nako siya aron akong maasawa? Busa karon, ania ang imong asawa, kuhaa ug lakaw na.” 20Unya misugo ang Paraon sa iyang mga tawo mahitungod kaniya, ug ilang gihatod siya sa dalan uban ang iyang asawa ug ang tanan nga iyaha.
Attualmente Selezionati:
GENESIS 12: ABCEB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
©Philippine Bible Society, 2011
