MATHAI 2
2
Mipilte vehna
1Kumpi Herod lalhun laiin Judea gam Bethlehem khua a Jesu hung pianzoh in, ngaiin, suahlam a pan mipilte Jerusalem ah a hungpai ua, #2.1 suahlam mipilte pen aksilam suisiamte ahi ua; Grik hamin magi ahi. 2“Judahte kumpipa hungpiang amah khoisan a om ahia? Suahlam ah a aksi kamu ua, amah biading a hungpai ka hi uh,” achi uhi.
3Kumpi Herod in hih a jaktakin, a lungkham mahmah a, Jerusalem a tengteng zong a lungkham chiat uhi. 4Tuachi`n Herod in siampite leh laigelhmite a samkhawm a, “Krist khoisan a piang kichi ahia?” chi`n a kanchian hi.
5Tuachi`n amauhte`n a kiangah, “Judea gam a Bethlehem khua ah, Jawlneite`n hihbang in a gelh uh,
6‘Nang, Judea gam a Bethlehem aw,
Judah khuapite lak ah na neupen tuam kei;
Nang a kipan ukpa hung piang ding ahihjiak in
Ka mi Israelte ching ding in.’ ” #2.6 ka mi Israelte chingding chih pen= vaihawm ding chihna zong ahi #Mik. 5.2.
7Tuachi`n hihthu ajak khit in Herod in mipilte a samdap a, bang hun a hih aksi hung kilang ahia chi`n kichiantak in adong hi. 8Tuakhit in aman, Bethlehem khua ah: “Pai unla hoihtak in nausen vazongkhia unla; amah na muhkhit chiang un kei hunghilh kik un, ken zong kava biaktheihna dingin,” chi`n a sawlta hi.
9Kumpi thugen ajakkhit takun, apaikhiatsan ta ua; ngaiin, aksi suahlam a amuhpen mah uh, nausen omna tung atun a akhawl masiah, amai uah anapai hi. 10Aksi amuh takun a kipak ua, kipahna in adimta uhi. 11Tualeh innsung a aluttak un, nausen anu Mari tawh amuta ua, khupbok in amah abiata uhi. Tuakhit in agoubawmte uh ahong ua, kipahna silpiak, Khamte, Chiimte leh Murahte apia uhi.
12Herod kiang a kilehkik nawnlou ding a amang ua Pasian in taihilh ahihman in, lamtuam ah agam lam uah apaita uhi.
Izipt gam a taina
13Tuachi`n amauhte`n apaisan nungin, ngaiin, Joseph mang in Toupa vantungmi ahung kila`k a, “Thou inla, naungek leh anu zohpih inla, Izipt gam ah taipih inla, thu kungpiak masangsiah huamun ah om un, Herod in naungek thahding in zongding ahihman in,” achi hi.
14Tuachi`n amahzong a thoukhia a, aja`n aja`n in naungek leh anu a zohpih a, Izipt gam juan in ataipihta a, 15Herod sih masiah huamun ah a omden ta uhi. Tuapen Toupa`n Jawlnei kam a, “Ka Tapa Izipt gam a pan ka samkhia,” chia agen a tangtun theihna ding ahi. #Hos. 11.1.
Herod in naupang athahna
16Tualeh Herod in mipilte`n hungkhem uh ahi chih a theihtak in, aheh mahmah a, Tuachi`n mi asawl a, Bethlehem leh akim a om pasal naupang kumnih a pat anuailam athatsak hi, tuapen mipilte adokna pan a ahun azonkhiat dungjuia asep ahi.
17Tuachi`n Jawlnei Jeremiah in:
18“Rama khua ah aw akija,
Lusu`nna, kah leh mauna thu.
Rachel in a tate akah;
Amau a om nawnlouh jiak un,
hehnepzoh hinawnlou ding chia agen a tangtungta hi.” #Jere. 31.15.
Izipt gam a pat a kikna
19Herod a sihkhit in, ngaiin, Izipt gam a om Joseph mang in Toupa vantungmite ahung kilak a 20“Thou inla, naungek leh anu zohpih inla, Israel gam ah paita in, naungek thahsawmpa a sita hi,” achi hi. 21Tuachi`n amah zong a thoukhia a, naungek leh anu Mari azohpih a, Israel gam ah ahung paita uhi.
22Hinanleh apa Herod tang in Arkelaus in Judea gam ah vai ahawm chih ajaktak un, huamun a pai alauta uhi. Tuachi`n Pasian in amanglam ua a taihilh mahbang in, Galili gam ninglam ahung juanta uhi. 23Tuachi`n Nazareth kichi khuapi ah hungtung in, huamun ah a tengta ua, “Amahpen Nazarethmi akichi ding,” chih Jawlneite`n agen a tangtun theihna ding ahi. #Mrk. 1.24; Luk. 2.39; Jhn. 1.45.
Attualmente Selezionati:
MATHAI 2: THKHBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.
