MATHAIIN 8
8
Isua Ra-ang sintin Atho
(Mk 1.40-45; Lk 5.12-16)
1Mual chung ata a chuma mi tampan a nuk azi. 2Enta aphar khat a honga ahonga moka, “O Puma, na zot ten nana manthiang thei,” a hong ti. 3Hanke a kut asona aton, “Ka zot anthiang ro,” ati pe. Hanke hava len han aphar ata anthiang. 4Hava suale Isuan ati pe, “Enro! Hiva chong tute ril no ro, tenchu chaizung kom se tan van enro, Mosi chongpek anga dali va dar ro, akom u na nei ril theina rang,” ati. #Lev 14.1-32
Isuan Sipai Suak Amandam
(Lk 7.1-10)
5Hatuka Kapernauma ei lut le, raza ruaipu khat akom a honga anthem chunga ei hong ti. 6“O Puma, ka suak, ina son azenga a om achan aduk ana.”
7Aman ei ti pe, “Koi sena ama ha va mandam ka ti.”
8Raza ruaipun a masanga, “Puma nang kui ka ina nei hong lut rang mo hanekten chong duaia ti ro hava han ka suak lei dam bo ni. 9Asik chu koi um ulian ngai thuaia mi hanuk sipai ngai hi ka thuaia hangai ha angkhat pei, ‘Se ro,’ ka ti le ei se hanuk atei, ‘Hong ro,’ ka ti le ei hong. Ka suak ham, ‘Tho ro,’ ka ti le hava ha ei tho.”
10Isuan ha chong ha ariata achang ei mandong, hatuka anu nuka hong ngai rang ha ei ti, “Kei na ti tatak ani u zei Israel laia tute hiva dora ei iam alian mu makung. 11Hatuka kei na ti ni u zei, sualam taklam ata mi tampa hong inti Abraham, Isak, Jakob abila lokona vanrama ansut unti. #Lk 13.29 12Tenchu aram nai ngai ha apanga azing kara anpei inti hava muna, han rakam anriala chap unti.” #Mt 22.13; 25.30; Lk 13.28 13Hava suale Isuan ha raza ruaipu ha ei ti pe, “Se ta ro, nei iam anga han hantin han na rang ni rase.”
Hatuka hava lai tak han a suak ha aleia dam.
Isuan Mitampa Amandam
(Mk 1.29-34; Lk 4.38-41)
14Hatuka Isua Pitor a ina a honga a tarpi zamuna zal ana ava mu. 15Hanke a kut aton pena hatuka adam nok ha anan amathan hanke anthuia Isua haso adom.
16Hatuka ani bui le min kachai ei sur a kom ahong tuang u na hava ha chong le ha ratha ngai anota ana dora a mandam. 17Isai dearin ei ril hia chong ei kip, “Aman aninga koini nei rat nok na dora alaka nei na ngai dora apel zit.” #Isa 53.4
Isua Nuk Azi
(Lk 9.57-62)
18Hatuka Isuan asir apanga mi tampa amuna varala se rang chong apek. 19Hava han lekha anziakpu khat a honga. “Minchupu, nei se na mun tak peia kom na nunuka se ka ti,” ati pe. 20Isuan, “Sialin kua anei chunga va ngai rabu don tenchu Miring Sapa lu rena mun om mak,” ati pe.
21A zolai ngai bila hanuk angkhatin, “O Puma ka pa na va manphum baka ahong rang chong na pe ro ba,” ati. 22Tenchu Isuan ati pe, “Ka nuka hong ro, athi ngaiin athetheia athi ngai rivo rase.”
Isuan Phaivua Manbang
(Mk 4.35-41; Lk 8.22-25)
23Hatuka ama rakuanga ei chuang le. 24A zolai ngai ama nuka ase u hatuka enta tindila phaivua ahong sabaka, ti ansoka rakuang amalet vivita ama chu a in zata a om. 25Hanke a kom ase u na a mathui u, “O Puma na san ta ro, athi sua rang na ni zei!” ati u.
26Aman ati pe, “O iam atom ngai ichangmo na chithai nei mandok u!” Hanke anthuia thinthi le tindil ha ango hanke achan aphuk ei la dai u. 27Hatuka ha mi ngai achang a mandong u na, “I miring ngal mo tak? Thinthi le tindilin um a he ei tel.”
Isuan Kachai Eisur Anni Mandam
(Mk 5.1-20; Lk 8.26-39)
28Hatuka ava rala Gadari ngai rama ase mi anni kachaiin ei sur thanmun ata asuaka a matona ahonga suak u. Achalaka arang u tute ha lampui tiang se thei mak. 29Hatuka enta, ankhek u na, “O Pathian Sapa nang le koini hi imo nei anzomna? Ahun asuak man anan tak ranga hivan nei hong mo?” ati u.
30Hava han akol u na ala uala vok rual atampa anvai a om. 31Hava han kachai ngaiin a mathema nana not rangten, “Sova vok rual bila na man se ro,” ati u.
32“Se u ro,” ati pe, hanke asuaka ha vok rual bila ava lut u. Hatuka enro vok dora apua bali chang tiang atana tia ava chula anninga athi u. 33Hanke ahol ngai atana arot u na khuana se na hava rui dora le kachai ngai rui ei manthun u. 34Hatuka enta khuana mi dora Isua kom antongpui rang asuaka ahong u hatuka amu u na a rikung u maka ase rang a mathem u.
Attualmente Selezionati:
MATHAIIN 8: RANGBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
