Johannes 11

O DESCHUJEKTO KAPITLO.

1Jek baschlalass nasswalo, Lazarus buschollass, andi Bethanien ga beske Penna, i Maria dai i Martha. 2I Maria godi ssass, sso ä Jesuskas, sso todassass beske Burne dai beske Ballenssa schudjardassass les. Godolako Pral, o Lazarus, ssass nasswalo. 3Ä Pena bischadä ga o Jesuska dai pendä: Godo, sso games, nasswaloy. 4Gana o Jesuska godo schundass, pendass: Nai godo Nasswalimo Mermesko, hamen a Manuschengo Schawo de ssigawel i Batschiw ä Dewleski. 5O Jesuska gamellass a Maria, a Martha dai ä Lazaruses. 6Gana schundass, hod nasswaloy, aschilass duy Djes kote, ga ssass. 7Bala godo pendass beske Ssogalowonge: Awen bale andi Judäa. 8Leske Ssogalowura pendä leske: Meisterinna, ago Djes birennas ä Jidowi de murdaren tu, dai tu bale jas kote? 9O Jesuska pendass: Nai o Djes deschuduy Tschassura? Dai gon Djesse jal, hat godo tschi botliy, hat woï dikel o Udut gadei Lumako. 10De gon Ratschi balgiy, hat godo botliy, ga nai Udut ande les. 11Dai pendass inke: Amaro Amal, o Lazarus, ssowel. 12Jo de uschtawaw les. Leske Ssogalowura pendä: Raiya, ei gana ssowel, hat mai feder awla. 13O Jesuska ba lesko Mermo worbiyass, dai won gindinas, bai puwaki Lindra worbiyass. 14Dai pendass lenge o Jesuska: O Lazarus mulass. 15Dai anda dume woyako ssim, ga tschi ssimas kote, hod de badschan dume. 16O Thomas, sso ssibinas les „Gedescho“, pendass: Muk jas w’ame, hod lessa de meras. 17Gana o Jesuska kote reslass, ma star Djes o Lazarus ando Grobo baschlolass. 18I Bethanien Tschasosko Dromm ssass andai Jerusalem. 19Dai but Jidowi awilässas, hod a Martha dai a Maria de aschawen ba lengo Pral. 20Gana i Martha schundass, hod o Jesuska awel, gelass angla les. I Maria aschilass Khere. 21Dai pendass i Martha ä Jesukaske: Raiya, de awilanas tu kate, hat muro Pral tschi mulo! 22De me janaw inke, hod tu ä Dewlestar sso manges, godo wi del tu. 23O Jesuska pendass lake: Tscho Pral opre uschtela. 24I Martha pendass leske: Me janaw, hod aduntschi uschtela opre gana ingregi Mule uschtena, o mai derno Djes. 25Ale woï lake: Me ssim a Opre‐uschtaïmo dai o Draiyo. Gon ande ma badschal, godo trayiya, dai wi mindjar de merla. 26Dai gon trayiy dai badschal ande ma, hat godo schoha tschi merla. 27Badschas godo? Woï penel leske: Raiya, jo, me badschaw, hod tu ssan o Christus, o Schawo ä Dewlesko, sso andi Luma awilass. 28Bala godo gelass ga beske Pen dai pendass lake tschoral: O Meisteri kote dai karel tu. 29Gana godi godo schundass, mindjar leste naschlass. 30O Jesuska kote ssass inke, ga i Martha gelassass angla les. 31Ä Jidowi, sso kote ssas dai aschawnas la — ga i Maria opre uschtilass, janas balal dai pendä: Ga besko Pral jal, hod kote de rowel. 32Gana i Maria ga o Jesuska reslass, belass be Tschangen dai pendass: Raiya, tu de awilanas kate, hat muro Pral tschi mulo. 33Gana o Jesuska diklass, ssar rowel dai wi ä Jidowi rowen sso lassa awilässas, lass les Mila dai cholailo andral. 34Dai pendass: Ga brachondan les? Won pendä leske: Raiya, aw dai dik. 35Dai o Jesuska maladass de rowel. 36Ä Jidowi penennas: Diken da ssar gamellass les. 37Awera bale penennas: Ei tschi birindo gado ga ä Gorren ssastschardass, ä Mermas de naschawel? 38Jesuska cholailo bale andral ande pe dai awilass ga o Grobo. Kote ssass et Chiw dai et Baar opre schudo. 39O Jesuska pendass: Len a Baar kotar! I Martha, ä Muleski Pen, pendass: Raiya, star Djes baschlol aba dai kandel. 40Jesuska penel lake: Tschi pendem tuke, hod de badschassa, hod o Jossago ä Dewelesko dikessa? 41Dai linnä kotar o Baar, ga o Mulo baschlolass. Jesuska wastass beske Jaka opre dai pendass: Dade, me najis araw tuke, ga tu man schundan. 42De me janaw, hod mindig man tu schunes; de anda gado Nipo, sso kate dordjol, penaw, hod ferri de badschan, hod tu man bischadan. 43Gana godo pendass, zibindass bare Glasossa: Lazarus, aw awri! 44Dai o Mulo awilass awri, ä Goborschoweske Diklenssa panglo, dai lesko Muiy scharado ette Diklessa. O Jesuska pendass lenge: Putren les, hod de shai jal. 45But Jidowi, sso godo diklä, badschandä ando Del. 46Uni Jene gelä ga ä Raschaiya dai pendä godo Baiyo. 47Ä Barä Raschaiya dai ä Raschaiya chutildä Griessi dai pendä: Sso gerassa ame? 48Gado Manusch iggen but Tschudi gerel. De mukassa les, hat ssa ande les badschana; dai awna ä Römer dai lenna amendar wi o Temm, wi ä Gaiyen. 49Jek anda le, Kaïphas, sso godo Bersch Mai‐Baro‐Raschai gerdjilossass, pendass lenge: Dume tschi janen kantschi. 50Ei, tschi gindin dume; amen mai feder ssi, et Manusch de merel anda Nipo, ssar o ingrego Nipo de chassaiwel. 51Godo penellass, ga godo Bersch gerdjilossass Mai‐Baro‐Raschai dai drabardass, hod o Jesuska andai Nipo merla. 52Na ferri andai Nipo gorkori, hamen ä Dewleske Schawen, sso repsime, ketane d’anel. 53Godo Djesestar gestindä de griessasin, hod ssar murdana les. 54O Jesuska tschi jallass ma delai Jidowa, hamen and’ et Foro Ephraïm, garing i Pusta, dai kote ssass lesko Baiyo beske Ssogalowonza. 55I Batradji baschollass ä Jidowonge; dai but Jene andai Temma janas andi Jerusalem, hod de ujaren pe angla Batradji. 56Dai dordjonnas dai puschennas bala Jesuska dai worbinas jek awressa andi Kangeri: Sso gindin dume, hod ga tschi awel bo Baldo. Ä 57Barä Raschaiya dai ä Raschaiya Hiribel dinässas, gon dikla les, godo de penel, hod de chutilen les.

Attualmente Selezionati:

Johannes 11: LOV1930

Evidenziazioni

Copia