A’NPHUTNA 5
5
Adam Sōn leh Pârhei
(1 Th 1.1–4)
1Adam sōn leh pârhei kha hihei hi kae, (Pathen in mihring asyem lai khan ama khet kapōhrep a aleisyem hei.#Aph 1.27,28 2Ama’n anmani kha nuhmei leh pase aṭhen a asyem hei, vâng apek heia “Mihring” tia aphō hei.)#Mt 19.4; Mk 10.6 3Adam in akum 130 atluk pha ama hme leh lim kapō sapa inkhat aleinei, arahming Seth tia aleiphō. 4Khava sōa Adam kum 800 lakahring. Sa alak alamajōrsa hei. 5Khana akum 930 atluk pha kathi jo.
6Seth in akum 105 atluk pha sapa inkhat aleinei. Arahming Enosh tia aleiphō, 7khava kahnunga kum 807 lakahring, sa alak alamajōrsa hei, 8akum 912 atluk pha kathi jo.
9Enosh akum 90 atluk pha sapa Kenan anei. 10Khava sōa kum 815 lakahring. Sa alak alamajōrsa hei, 11khana akum 905 atluk pha kathi jo.
12Kenan akum 70 atluk pha sapa Mahalalel anei, 13khava sōa ama kum 840 lakahring, sa alak alamajōrsa hei 14khana akum 910 atluk pha kathi jo.
15Mahalalel akum 65 atluk pha asapa Jared anei. 16Khava sōa kum 830 lakahring, sa alak alamajōrsa hei, 17khana akum 895 atluk pha kathi jo.
18Jared akum 162 atluk pha asapa Enoch anei. 19Khava sōa kum 800 lakahring, sa alak alamajōrsa hei, 20khana akum 962 atluk pha kathi jo.
21Enoch akum 65 atluk pha asapa Methuselah anei. 22Khava sōa Enoch in Pathen leh inthlop a kum 300 leika-om, sa alak alamajōrsa hei. 23Enoch kum 365 kahringa leika-om. 24Ahringkhōa Pathen leh inṭhōia leika-om. Khava bânna chu ama inhmu mak jo, ajârchu Pathen in ama kha aṭhōisōt joa kae.#He 11.5; Ṭt 14
25Methuselah akum 187 atluk pha asapa Lamech anei, 26khava sōa kum 782 lakahring. Sa alak alamajōrsa hei, 27khana akum 969 atluk pha kathi jo.
28Lamech in akum 182 atluk pha sapa inkhat anei, 29ama’n, “Nai hin hiva Rōngpu hâksêrna, raleichunga rahnak a niṭōn tlona hi amanbâng sik me,” atia asapa rahming kha Noah tia aphō jo. 30Lamech kum 595 lakahring, sa alak alamajōrsa hei, 31khana akum 777 atluk pha kathi jo.
32Noah akum 500 atluksō ka-hnunga, Shem, Hem, leh Japheth inti sapa 3 alaneisa heia kae.
Attualmente Selezionati:
A’NPHUTNA 5: KOMRBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
