RIPHUTNA 33
33
Jakoba neh Esauva an ritong
1Jakoba kha a hang tang a, a hang enin chu Esauva neh a mi ṭhui rizalikahei kha a mu a. Khanchu, a naihei khah an nuhei chit, Leaii hei, Rakili hei neh a thâikêm inikahei ruai ziangah khan ân om a. 2A thâikêmhei neh an naihei khah tongtîr takah ân fe a, Leaii neh a naihei khah â niknaah ân fe a, Rakili neh Josefa khah a nungkhôn takah ân fe a. 3Amah Jakoba khah an maton taka a fe a, a u kôl a tlung rangin chu voi sarikah rinênga bokin a u khah chibai a bûk a. 4Khanchu, Esauva khah ama don rangin a hong itlân a, â kua a, â riam a; an ruaikan an ṭap tâk a. 5Esauva khah a hang tang a, nupanghei neh naipanghei khah a mun chu Jakoba ziangah, “Ni hong iṭhuihei soh tuhei im an init?” a ti a. Ani khan, “Pathianin lungkham takka ni suak ai pêk naipanghei an nit soh,” a ti a. 6Khanungchu, thâikêmhei kha an naihei neh an hong a, Esauva makungah khan an ikhûn a, chibai an bûk a. 7Kha nung Leaii neh a naihei kha an hong a, a makungah an ikhûn a, chibai an bûk a; a nungkhôn takah khan Josefa neh Rakili kha an hong a, an ikhûn a, chibai an hong bûk sa a.
8Esauva khan, “Ran lôm kî tong itam takkahei khah îrang im ai nit tâk?” itin ardon a.
Jakoba khan a sâm a, “Ki rêngpa, ni mit ki tlung theina ranga kî ti a nit,” a ti a.
9Nikhomsela, Esauva khan, “Kei khomin ki nei intam, ki unaipa, nî nei murdi chu ni ta ni riseh,” a ti a.
10Jakoba khan, “Khangkan ni mak, ni mit ki tlungin chu ringaiihoi takkan ki loman nang pêk khah nê ham pêk roh. Keima rangin chu ni mêl imu hih Pathian mêl imu angka a nit a, atûnah hin nangman iṭha takkan ni ne lei lôm tâk a. 11Ringaiihoi takkan ki thil nang pêk hih nê ham pêk roh, Pathianin lung a nen kham a, kî nang murdi a ne ipêk a nit,” a ti a. Jakoba khan â thlêm ngit sikin Esauva khan â ham tâk a.
12Esauva khan, “Tho, fe tâng ei ti, keiman ma iruai ki ti,” a ti a. 13Nikhomsela, Jakoba khan a ziangah, “Naipanghei hih an la chîn a; khabanah, bera neh ran danghei khom hih ate ṭhui an nit iti ki rêngpa hin ni riat a, sûnkah khom hôl inrât raiin chu an ithi rang a nit. 14Khasikin, ki rêngpa, ringaiihoi takkan ni suak matonah hin lei fen la; kei chu zâm zâmkan naipanghei neh ran lômhei lôn thei dôr dôran hong ituang zâm thiaiin Edom rama Seir tlângah ni ziangah la hong rong,” a ti a.
15Esauva khan, “Ki zuangpui mi ṭhenkahei ilua hih nang lei mah pêk rong,” a ti a.
Nikhomsela, Jakoba khan, “Amakha chu nang ual no nih, ki rêngpa ditsakna ringot hih idong kî nuam a nit,” a ti a. 16Khanchu, Esauva chu kha nî sûnah khan Edom rama Seir tlâng ipanin a kîr nôk tâk a. 17Nikhomsela, Jakoba chu Sokot#33:17 ‘Sokot’ iti hih ribîkna rang dângdite, bokropte, in det ino sîrna a nit. munah a fe a, amakhan in a sin a, a ranhei omna rang khom dângdi a sin pêk a. Khasika khan kha mun riming khah Sokot ibe ai nit tâk a nit.
18Mesopotamia rama rithoka khan Jakoba chu Kanan ram Sekem#33:18 ‘Dâr’ tina a nit, itlâng cho-ota om nîng a ti. khua kha idam takkan a hong tlung a. Kha khua dâikungah khan ommun a khuar tâk a. 19Kha ommun a khuarna mun khah tangka sekel rizakan Sekema pa Hamora richihei zianga rithokin archôk a.#Jos.24:32; Joh.4:5. 20Kha munah khan mâichâm a siam a, armingah khan El-elohe-Israel#33:20 ‘Israel Pathian’ tina. itin a be a.
Attualmente Selezionati:
RIPHUTNA 33: BIATBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
The Bible Society of India
© 2014, Used by permission. All rights reserved. More
