Matiu 5

O Iesu i warawai una taro ra det dan

(Lk 6:20-23)

1O Iesu i tama pas a kunur na taro, ra i wan toto una tangai, ma i kis. Anun a taro na ususer det wan toromi. 2Ma i ususer det lena,

3 # Ais 57:15 “Det ra det tasmani lena det sibo una niondet, det dan,

uni anundet a matanitu tagisapat una langit.

4 # Ais 61:2-3; Tam 7:17 Det ra det domos nama tupunuk, det dan,

uni o God in umarom det.

5 # Sng 37:11 Det ra det unatino pas det, det dan,

uni det in los pas a rakrakon bual sur anundet.

6 # Ais 55:1-2 Det ra det murak ma det muruk sur a tokodos na petutna, det dan,

uni numur det in masur.

7Det ra a kum tene marmaris, det dan,

uni o God in maris det kai.

8Det ra a nuknukin det katu dur uni, det dan,

uni det in tama o God.

9Det ra det ser umalmal a taro, det dan,

uni o God in watung det a kum nutnutunu.

10 # 1 Pit 3:14 Det ra di ban laulau det uni det mur a tokodos na petutna, det dan,

uni anundet a matanitu tagisapat una langit.

11 # 1 Pit 4:14 “Mot dan ra di watung laulau mot, ma di ban laulau mot, ma di watung a kum torotoro na wasiso un mot lena mot pam a kum sakino petutna, uni mot tagun iau. 12#2 Sto 36:16; Ap 7:52Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

A wasiso elelar una sol ma a talapor

(Mk 9:50; Lk 8:16; 14:34-35)

13“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.

14 # Jn 8:12; 9:5 “Mot a talapor tagun a rakrakon bual. Tu tamon ra i kis netes una tangai, ken parau lar pas. 15#Mk 4:21; Lk 8:16; 11:33Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu. 16#Ep 5:8-9; 1 Pit 2:12Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

O Iesu i ususer a taro una kum Warkurai

17 # Rom 3:31 “Gong mot nuki lena a wanpat sur an rakon ru a kum Warkurai anun o Moses ma a kum etowo anun a kum poropet, awu. Ka wanpat sur an rakon ru det, a wanpat sur an pam sot pas det. 18#Lk 16:17; 21:33A inanos mot nama lingmulus, katu nat na tumtumus lik o tu ukinalong lik tagun a kum Warkurai ri in rop, tuk ra a bakut ma a rakrakon bual der in rop. A kum Warkurai det in kis ut, tuk ra din pam sot pas det. 19#Jem 2:10Osi ra in lakai tu nat na warkurai tagun a kum Warkurai ri, ma in ususer raro a taro sur det kai det in lakai i, din watungi lena, i natino doko una matanitu sapat una langit. Ikut osi ra in mur a kum Warkurai ri, ma in ususer a taro uni, din watungi lena, i labo una matanitu sapat una langit. 20Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.

A wasiso una kankan

21 # Kis 20:13; Lo 5:17 “Mot sa longoro tari ra numugu di sa watung tari tan a taro lena, ‘Gong u um doko taio. Osi ra in um doko taio din warkurai i.’ 22#1 Jon 3:15Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

23 # Mk 11:25 “Ra un nan sur un pitar anum a etabor una kabulu na tuntun etabor, ma u nuk pas tu utna ra o tisim i takun ui uni, 24un ubek tar anum a etabor tiro nisan a kabulu na tuntun etabor. Un nan munung, ma mur in emarom mugu pas nam o tisim. Numur un milet melet, ma un pitari maragom anum a etabor.

25“Ra taio in ubek tar ui una warkurai, mur in emarom mugu ra mur wan nanan utmakai una kisapi, sako in pitar tar ui torom a tene warkurai. Ra a tene warkurai in pitar ui torom a tene tamtamabat ra in uruk ru ui una karabus. 26A inanos ui nama lingmulus, kon pirso lar pas tuk ut ra un pitar rop ru a ururop na toia ina num a kunukul.

A wasiso una sakino nuknuk sur a ino

27 # Kis 20:14; Lo 5:18 “Mot sa longoro tari ra di sa watung tari lena, ‘Gong u pam a sakino nam tu ino anun taio o nam tu musano anun taio.’ 28Ikut iau, a watungi tamot lena, ra tu musano in tama tar tu ino ma a nuknukino i laulau toromi, una nuknukino, i sa pam tar a sakino petutna tomo nama ino ra. 29#Mt 18:9; Mk 9:47Ra in nosot na matam in ben raro ui, liok ru i, ma un woro gisen ru i. In wakak ra ara du pinim kut din woro ru i, sur gong di woro a pinim rop una labino sungun. 30#Mt 18:8; Mk 9:43Ra a sot na lamam in ben raro ui sur a sakino, un kutus ru i, ma un woro gisen ru i. In wakak ra ara du pinim kut din woro ru i, sur gong di woro a pinim rop una labino sungun.

A wasiso una kutus a nolin

31 # Lo 24:1-4; Mk 10:4 “Di sa watung tari kai lena, ‘Osi ra i lakro ru anun a ino, in pitar tari kai a dono buk na kutus nolin tano.’ 32#1 Kor 7:10-11Ikut iau, a watungi tamot lena, ra a ino ke pam a sakino nam tu musano, ma anun a musano i lu oros ru i kut, ma a ino i nolin melet, i pam a sakino. Ikut anun a musano, i kibino una sakino ra. Ra tu musano in nolin nam tu ino ra anun a musano i lu ru i, i kai i sa pam tar a sakino, uni a ino ra, i nolin ut.

A wasiso una liliman

33 # Kis 20:7; Wkp 19:12; Nam 30:2; Lo 23:21 “Mot sa longoro tari kai ra numugu di sa watung tari tan a taro lena, ‘Gong u liliman torotoro. A utna ra u sa liliman taru uni torom a Labino, un pam soti ut.’ 34#Ais 66:1; Jem 5:12; Mt 23:22Ikut iau, a watungi tamot lena, gong mot udekdek a liliman nam tu ngas na wasiso kai. Gong mot liliman nama langit, uni a langit, a kiskis na king anun o God. 35#Sng 48:2; Ais 66:1Gong mot liliman nama rakrakon bual, uni a rakrakon bual a nubual ra i ubek aru kikino uni. Gong mot liliman nam o Jerusalem, uni o Jerusalem a tamon anun a labino King. 36Gong u liliman namin lorim, uni kon pam pukus lar pas tin iwu na lorim sur in kabang, o in mirum. 37Mot in watungi kut lena ‘ma’ o ‘awu’. Uni, ra mot in watung tu ngas na wasiso melet, i ra i wanpat mukut tan a Tene Sakino.

Gong mot balu a sakino anun taio

(Lk 6:29-30)

38 # Kis 21:24; Wkp 24:20; Lo 19:21 “Mot sa longoro tari ra di sa watung tari lena, ‘Ra taio in liok ru tin matan taio, din balu i toromi, din liok ru i kai tin matano. Ra taio in tubul pak ru tin lokon taio, din balu i toromi, din tubul pak ru i kai tin lokono.’ 39Ikut iau, a watungi tamot lena, gong mot balu a sakino anun taio ra i pami torom mot. Ra taio in pasor tar a papor sot na wam, un pukus ara papor bulung toromi. 40Ra taio i nemi sur in dat tar ui una warkurai ma din pitar a warkurai tam sur un pitar anum a siot tano, un pitar tari kai anum a saket. 41Ra taio i ungongos pas ui, sur mur in nan tomo, sur tu tamon ra i milau kut, un nan tomo nami sur a tamon ra i kis bakbak lilik. 42Un tabor taio ra i saring ui. Ma ra taio in saring ui sur in los pasi munung tu utna gusun ui, un pitari kut munung tano.

A marmaris torom a kum ebar

(Lk 6:27-28, 32-36)

43 # Wkp 19:18 “Mot sa longoro tari ra di sa watung tari lena, ‘Un nem o pasam, ma un nget anum a ebar.’ 44#Kis 23:4-5; Lk 23:34; Ap 7:60; Rom 12:14, 20Ikut iau, a watungi tamot lena, mot in nem anumot a kum ebar, ma mot in wararing sur det ra det ban laulau mot. 45Ra mot in pami lenra in ese i lena mot a kum nutnutun a Tamamot, ra i kis sapat una langit. Uni i pitar tar a suan sur in talapor una kum tene sakino ma a kum wakak na taro kai, ma i pitar tar a bato torom a kum tene tokodos ma torom det kai ra ka det tokodos. 46Ra mot nem det kut ra det nem mot, asau mo anumot a ikul? A kum tene los takis, ra ka det lason una marmaris det kai det ser pami lenra. 47Ra mot gas pas a kum paspasa mot kut, mot in wakak pepetlai taun ara taro? A taro kai ra ka det nurnur, det ser gas pas a kum paspasan det kut. 48#Wkp 19:2; Lo 18:13I mo ra mot in tokodos mulus, elar nama Tamamot ra i kis sapat una langit, i tokodos mulus.”

Attualmente Selezionati:

Matiu 5: kqw

Evidenziazioni

Copia